心服口服！

lady_kaka

今天剛剛同阿囡in完禮賢會，一到學校操場見到好多小朋友係度玩，阿囡已經怯怯地話要返屋企；幾經辛苦到佢玩單車，十分鐘就好像十個鐘咁耐；終於玩到夠鐘去課室門口等，阿囡又開始怯，惟有東拉西扯分散佢注意力，等多五分鐘終於可以入課室；其實課室裏氣氛已經好好，有好多玩具俾小朋友自己玩，老師個別來問問題，但阿囡可能一見多人就怯，唔同老師打招呼；到成班小朋友排排坐聽故事，阿囡唔肯自己坐要坐我大脾，老師一邊講故事一邊問問題，有d小朋友真係好活躍、好主動，相比之下阿囡真係好靜，所以今次俾學校reject都心服口服！不過真係無辦法，唔知係咪教既方法有問題；其實我都好多時間陪個囡，都好多時間同佢傾計、教佢要多d識朋友、多d同其它小朋友玩，要有禮貌。但阿囡始終好似好內向，去到公園多數是自己玩，不喜歡同其它小朋友玩，其實唔合群有無得教，抑或要等佢大d自己會識，有無人可以分享下？

kwboy

我今天都有in 禮賢會, 但老師冇問家長問題, 就算小朋友都好似冇個別問, 只是在講故事時問下咋, 點解大家都係禮賢會, 面試不一樣?

lady_kaka

初初入課室讓小朋友自己玩時有個別問家長問題，大概問平時邊個照顧小朋友、放假去邊度玩多？

JessieToys

小朋友大大下係有一段時期好怕醜, 另外亦都係大大下先至會同其他小朋友玩...

我成日帶個女去遊樂場, 佢一直都係自己玩, 就算有其他小朋友走埋去同佢玩佢都閃開, 我點鼓勵都冇用; 細個果陣阿囡見到人就笑, 但係大大下有人同佢講野佢就縮埋一舊...

佢到上年十、十二月左右情況開始有好轉, 依家去遊樂場肯同其他人玩, 亦都肯同人打招呼, 所以比啲耐性, 如果小朋友本身唔係好內向, 應該終有一日會有好轉~

ccling69

阿女怕生保正常嘅, 只可以講呢種interview形式唔係個個小朋友都得, 我果時interview都特登唔選呢種interview 形式 , 當然我好相信自己個女無問題, 她同熟悉的互動/溝通無問題, 但要同陌生人講野真係未得, 同埋你都唔想佢比d陌生人呃左去, 所以寧願佢做番自己, 唔打算逼她.

猫猫

你囡囡幾大啊？兩歲的小朋友，唔會同小朋友傾計，佢哋最鍾意同相熟的大人玩，你唔需要擔心或俾壓力自己或小朋友。有套書好好，叫"你的0歲孩子"......"你的2歲孩子"......"你的7歲孩子"。睇完就明嗰個歲數的小朋友諗咩同點解佢咁做，家長便可放心同知道點教啦！

蕃薯仔媽媽

唔使擔心喎，你所講嘅野，我完完全全經歷過，非常明白切身感受，如果你阿女係細B,明年不防再戰過，包你阿女有如脱胎換骨，我個女係人版，舊年兩歲去in,完全無競爭力，今年足三歲再in咁多間，so far 無失過手，我都好安慰囉

cyan_tang

其實禮賢會的interview形式已經算很relax的,
而且老師亦很nice...樓主的小朋友上pn班未?
我覺得害羞的性格一旦開始返學後應該會大有
改善的。

V.G

我個囝囝都有讀N1, 怕生保同怕醜叫做有D改善, 但都係未應付到Interview, 人地問佢野, 狀態好既都會答你, 但雙眼就唔敢望人, 仲要講得好細聲, 依家六戰五敗, 只有一間未揭中, 雖然我都算睇得開, 多人爭既學校唔收佢都唔出奇, 但接連收到唔係waiting就係reject既信, 點都係有多少不是味兒, 點都有多少懷疑係咪自己教唔夠好, 但其實都明白人既性格多少係天生, 而且佢老豆細個都係怕醜仔一名, 所以只能慨嘆一下, 面試依種遊戲, 唔係好arm我阿仔玩咁囉, 就好似有D小朋友唔arm玩考試遊戲咁, 或者我阿囝第日響呢方面又會玩得好D咁喎! 樓主, 共勉之丫! 我都報左間唔駛in就收左佢既村校, 依家等天父旨意囉! 個心都定架! 只要自己有心機教佢, 響邊度讀書都all-like喎!

sze0203

你有無in 協恩呀? 我個女有in, 但同組有小妹妹由頭喊到尾, 我都唔知我個女喺入邊有無驚到咩都唔識講@@

caterpillar08

我個仔26個月,平時的性格都係咁
屋企就超多野講, 出到街就好似另一個人咁..
返playgroup就不斷同老師講bye bye (想走人) 激c!!

MIU公主

星期日去教會,小朋友去主日學,一段時間之後,佢會比其他小朋友感染,多D講話。

原帖由 lady_kaka 於 11-1-21 17:52 發表
今天剛剛同阿囡in完禮賢會，一到學校操場見到好多小朋友係度玩，阿囡已經怯怯地話要返屋企；幾經辛苦到佢玩單車，十分鐘就好像十個鐘咁耐；終於玩到夠鐘去課室門口等，阿囡又開始怯，惟有東拉西扯分散佢注意力，等多五分鐘終於可以 ...

kmmum

我囡囡係言語遲緩. 識講自己個名一個月多D
..(遲爸爸, 爸爸三四歲先講野). IN 乜 都無OFFER.
我都有傷心及唔開心. 但贏不在起步點. 漫漫長的讀書路. 只要有父母的關心及教導.  今天的結果不等於將來的結果.

原帖由 V.G 於 11-1-24 10:50 發表
我個囝囝都有讀N1, 怕生保同怕醜叫做有D改善, 但都係未應付到Interview, 人地問佢野, 狀態好既都會答你, 但雙眼就唔敢望人, 仲要講得好細聲, 依家六戰五敗, 只有一間未揭中, 雖然我都算睇得開, 多人爭既學校唔收佢都 ...

lady_kaka

原帖由 猫猫 於 11-1-21 19:19 發表
你囡囡幾大啊？兩歲的小朋友，唔會同小朋友傾計，佢哋最鍾意同相熟的大人玩，你唔需要擔心或俾壓力自己或小朋友。有套書好好，叫"你的0歲孩子"......"你的2歲孩子"......"你的7歲孩子"。睇完就明嗰個歲數的小朋友諗咩同點解佢 ...

我個女係0806B，都兩歲7個月，總是見到多人就唔鐘意咁，希望可以培養下佢合群既性格，我會看看你介紹的書，Thank you！

lady_kaka

原帖由 蕃薯仔媽媽 於 11-1-22 01:22 發表
唔使擔心喎，你所講嘅野，我完完全全經歷過，非常明白切身感受，如果你阿女係細B,明年不防再戰過，包你阿女有如脱胎換骨，我個女係人版，舊年兩歲去in,完全無競爭力，今年足三歲再in咁多間，so far 無失過手，我都好安慰囉 ...

恭喜你，可惜我個女係中女，無得出年再戰；如果今年找不到理想學校，打算讀番村校上午班，下午找d興趣班讀下，小學再戰！

lady_kaka

原帖由 cyan_tang 於 11-1-22 11:23 發表
其實禮賢會的interview形式已經算很relax的,
而且老師亦很nice...樓主的小朋友上pn班未?
我覺得害羞的性格一旦開始返學後應該會大有
改善的。

已經讀緊PN，其實都改善左d，不過有d小朋友真係好勁、好活躍；雖然老師的問題可能大家都識，不過人地活躍敢答，自己果個怕醜唔答，就唔夠人爭。

lady_kaka

原帖由 V.G 於 11-1-24 10:50 發表
我個囝囝都有讀N1, 怕生保同怕醜叫做有D改善, 但都係未應付到Interview, 人地問佢野, 狀態好既都會答你, 但雙眼就唔敢望人, 仲要講得好細聲, 依家六戰五敗, 只有一間未揭中, 雖然我都算睇得開, 多人爭既學校唔收佢都 ...

無錯！我們要互勵互勉！雖然係好想幫個女搵龍校，但考唔到；但其實幼稚園教的東西不會差太遠，自己再努力d教她，說不定小學可以接龍或找到更好的學校！努力！

lady_kaka

原帖由 sze0203 於 11-1-24 16:26 發表
你有無in 協恩呀? 我個女有in, 但同組有小妹妹由頭喊到尾, 我都唔知我個女喺入邊有無驚到咩都唔識講@@

我無in協恩，因為聽講好像唔係一條龍，而且太太不大喜歡女校，所以無報到；記得你的小朋友讀緊的學校都不錯，所以你都可以好放心啦；你無陪你的小朋友入去嗎？

lady_kaka

原帖由 caterpillar08 於 11-1-24 17:12 發表
我個仔26個月,平時的性格都係咁
屋企就超多野講, 出到街就好似另一個人咁..
返playgroup就不斷同老師講bye bye (想走人) 激c!!

有玩playgroup都無幫助嗎？我都有小小後悔無同個女報playgroup！

meimei223

I have twin girls, both I bring them to playgroups since they are 6 months, the elder one are very independent,active and sociable with other children, but the younger one is always scare this,scare that and very rely on me,everything I provided to them are the same, but still have such bigh different, therefore, I really believe that personality is mainly born from inner character.  No need to blame youself too much, just try your best to offer better enviornment to them to learn.