有冇小朋友讀緊LH既你?

junjunyungyung

仔仔返左LH2個月(PN)但我好似唔覺得佢D英文有特別進步(家中主要用廣東話)其實如果家中冇特別訓練又無上英文playgroup既小朋友,就甘靠學校既一班廿幾人的双語環境,係米真係學度英文?,諗緊K1繼續讀定轉去創價然後報英文play group或鬼婆上門小組活動好....你地小朋友讀完1年甚或讀英普既係米真係英文同普通話都得到好既發展呢??話唒1對20幾喎....

marcuscyrus

原帖由 junjunyungyung 於 11-2-5 11:35 發表
仔仔返左LH2個月(PN)但我好似唔覺得佢D英文有特別進步(家中主要用廣東話)其實如果家中冇特別訓練又無上英文playgroup既小朋友,就甘靠學校既一班廿幾人的双語環境,係米真係學度英文?,諗緊K1繼續讀定轉去創價然後報英 ...

我唔係lh家長，不過我仔都係讀英普班，我覺得成效高低都要睇個小朋友本身，如果佢性格唔怕羞，肯多講，成效一定會高過怕羞唔出聲o個d，我地是廣東話為主的家庭，連工人都係講廣東話，我仔現在已經k2，英文同普通話都可以溝通到(我唔要求佢講到lark lark 聲，我只想佢識溝通)，lh同soka都係好學校，不過如果我揀，我依然會揀英普班

lyhv

原帖由 junjunyungyung 於 11-2-5 11:35 發表
仔仔返左LH2個月(PN)但我好似唔覺得佢D英文有特別進步(家中主要用廣東話)其實如果家中冇特別訓練又無上英文playgroup既小朋友,就甘靠學校既一班廿幾人的双語環境,係米真係學度英文?,諗緊K1繼續讀定轉去創價然後報英 ...

你仔仔返左2個月?  佢係細B插班?

ho_yan2406

其實佢只係返左2個月,仲要係PN,我諗你要俾多少少時間先會見到進步

Christi

我囡都係返咗一個學期,佢本來的英文唔錯,但我初頭都有你的感覺,覺得佢好似返屋企之後反而講多咗中文.不過,我記得之前聽過另一間KG(同樣有英普班)的校長講過,小朋友初返PN,適應環境是首等大事,所以佢地(指中文為母語的小朋友)都傾向親近中文老師多啲,外籍老師要遲一啲...到依家我好滿意囡囡的英文進度.同埋,早排我同個外籍班主住傾開我囡囡的表現時,講過我囡囡發R音唔係好準,例如roof咁,後來某一日我無端聽到囡囡係屋企不經意發個很好的R音,段估係老師係課堂上教過佢(PS:當時老師教letterland仲未教到R).這,我很欣賞.soka也是好學校,但我仍會選英普班.

junjunyungyung

聽你地甘講,可能真係我自己太心急,因為我地做父母既英文都係一般,尤其oral添,所以喺屋企幫唔度阿仔幾多,唯有靠學校或者其他,如果講阿仔性格,佢真係比較慢熱同被動嘅,所以可能有影响,佢嗰班英文班主任又比較年輕,反而中文係比較有經驗嘅老師,想早D知道學唔學度野係因為創價又要交學卷申請表,所以好煩,多謝你地意見..^^

kyuen

我諗你個一定係超細B啦...比D時間啦, 我囡自8月返左LH PN, 我真係覺得佢學左好多野, 識講好多中文, 當然用中文表達又好左, 淨係中文字都識/認左20+個了, 英文佢識聽, 完全冇問題但講方面...依家就剛剛開始講到句子, 但佢好多時係屋企都會亂咁自己作D英文黎講, 但我睇到佢係學校嘅相, 佢真係體驗到好多生活上嘅野, 老師會比好多野佢地學, 聞, 玩, 係物有所值的