上了小學，衝突多了

alice44

同佢溫書時, 佢唔識, 我講得最多係"我依家係同你溫書, 唔係教書, 你應該上堂時學識, 唔係返嚟要我教呀!", 慢慢我苦盡甘來, 現在真係淨溫書, 唔使教書了. 成績仲慢慢地進步. 還記得阿仔初初上小學時, 每次考試都要打要閙, 時時都好似唔係好識咁, 現在好好多喇! 好彩同阿仔的關係無因為咁樣而變差, 因為阿仔比較樂天, 一陣間就唔記得, 又會媽咪前媽咪後咁叫住你, 唔會唔釆我.

alice44

我阿仔學校上個星期有一個講座, 係以前DJ鄧藹霖主講的, 題目係"溫習功課無爭執", 講佢教仔時同兩個仔的爭執, 講出大部份家長的心聲, 有多名家長都忍唔住落淚, 大家都心同感受, 講者就講了很多心得同家長分享.
其實, 個個家長都唔希望同自己最愛錫嘅仔女有爭執, 但有時EQ唔知點解又會在這個時候突然偏低, 在阿仔初小時我就特別嚴重, 現在高小就好了好多, 以前我會打打鬧鬧, 好似癲婆咁, 近呢2-3年好了好多係因為阿仔好努力去做好佢應該做嘅嘢, 成績理想, 佢自己又識得緊張自己嘅學業, 所以爭執近乎零.