點解一講係資優...d朋友家長就開始排斥我地??

小新媽媽

原帖由 monkeytiti 於 11-2-21 23:26 發表


我只會同直系親屬 / 一些沒有什麼直接關係的人講女兒是資優的問題,  因現今社會總覺得這些人是超人,  所以會忽視佢地所付出的努力.   什至有一些人會覺得你在認叻,  其實我眼中的資優兒童 = 問題兒童,  社會支援不 ...

完全有同感啊~基本上係無支援. 最多都係比下講座家長聽, 話到尾都係靠家長自己去教.

學校訓導主任都叫我唔好比其他家長知, 佢都承認係"標籤".

真係只有自己先至"知憂".

小新媽媽

原帖由 carrai 於 11-2-23 15:20 發表


其實我有問題想知好耐，因我囡讀私校，學校說政府唔會比資源比私校，只會比政府學校，我想問有冇媽咪小朋友係讀政府學校，政府比什麼支援你小朋友？ ...

我地讀政府學校.

政府資源歸類支援"特殊需要". 學校暗示幫助"補底"都唔夠用, 我地依d係分唔到.

而學校"資優"既定義係"品學x優", 會有"提升"班比佢地上, 只係則重係學業成績方面, 情緒有問題既, 成績唔係頂尖既唔會列為此類.

講到尾都係"無".

小新媽媽

原帖由 貓貓咪 於 11-2-23 18:37 發表


我小朋友剛升小一，我唔覺有什麼支援，反而經常收到校學投訴

你要主動接觸學校社工爭取, 老師幫唔到你. 佢地無時間亦唔識.

小新媽媽

原帖由 carrai 於 11-2-25 10:12 發表


唔係嘛！！ 好多時這些小朋友比較多/復習情緒問題而佢地父母好難/不懂處理，咁果Ｄ社工係學校做乜？

學校社工得一個, 淨係做"補底"既工作已經做唔曬. 老師唔識得handle, 佢地都無相關既訓練.

社會都傾向要支援"特殊需要"既兒童, 一般人覺得資優已經生成係"叻", 唔幫都唔會出咩事.

話到底, 如果援助既資源唔分兩條隊, 一定會有傾斜, 我地只有自求多福.

家長自己去聽多d講座, 學習教導小朋友既方法.

小新媽媽

原帖由 mio8390 於 11-3-2 14:13 發表


香港是有個由政府資助的機構，轉門訓練資優生叫做(香港資優教育學院)只要學校應為你的孩子是資優生，又通過面試和手試合格就可入讀，每年都會收生，裡面大部份課程是免費的。 ...

學校應為你的孩子是資優生，又通過面試和手試合格就可入讀==>我都問過, 係依個選拔制度下, 學校通常選出來既都係"品學兼優"既學生(學術成績好). 如果資優但情緒有困難既, 或者學術成績唔突出既, 就無機會.

另外, 資優學院既課程只係for 小四以上既學生. 一至三年級既無. 佢地都承認又係資源所限.

講就好似有, 其實最後又係無.

小新媽媽

原帖由 tsznok 於 11-3-4 21:06 發表
家有資優生係咪一定係頭痛嘅開始呢? 我想未必全然, 相信呢度都有不少戰友會因自己仔女係資優生而欣喜; 一個GIFTED CHILD, 佢嘅將來係"成功", "一般", "差勁", 好在乎家長及老師如何從小開導, 家長有冇足夠嘅EQ, 耐性 ...

覺得整個教育體制都不願面對有GIFTED CHILD存在呢回事, 既然求不了人, 孩子又一日一日成長, 倒不如... 求自己!=>有同感~

另一樣就係現今普遍社會人士對"資優"其實係唔"了解", 以致有"誤解", 所以有"排斥"既出現.

教導一個"資優"既小朋友, 父母要付出既係比常人多既耐性 & EQ. 超辛苦不過都係要堅持落去.

小新媽媽

原帖由 rbaggio74 於 11-3-7 13:10 發表
憎人富貴厭人貧！

只要自已認為對的，對孩子對的，就不要太過理會旁人的說話！

努力啊！

"知易行難", 聽得多好難情緒無受影響~我既面皮已經幾呎厚, 耳仔又時時要變"聾耳陳", haha......

曾經學校旅行, 有家長行埋來, 當住成班人(家長+同學仔), 好大聲同我投訴:你個仔點點點. 朋友話我, 如果好似你咁樣, 聽到人地咁樣當眾批評個囝, 一定會喊出來. 我答佢眼淚在心裹流.