我應該點處理才對?

angelmumy

阿囡放學後喊住口打來說: 同學仔媽咪打電話話佢, 叫佢唔好叫d同學唔同佢個囡玩. 我阿囡好委屈咁同我講佢無.

夠竟發生咩事 ? 後來有家長同我講, 今日我囡同另外兩個女同學當面同那個女同學講: 你平時行為好粗魯, 若唔改正, 我地就唔同你玩 .

本來我以為小朋友之間相處好小兒科, 無0林過會勞煩家長打電話比小朋友. 我應該點處理好呢 ? 一來唔得失個家長, 二來又比阿囡知我也著緊佢呢 ?

rbaggio74

這些事情，你可直接讚你的女兒，重點是，要肯定女兒沒有說謊，即《你平時行為好粗魯, 若唔改正, 我地就唔同你玩 . 》....

這個是非常正確的交友選擇！

試想想，要是你的女兒繼續跟那個女孩玩，可能由於意外，那個粗魯的女孩「不小心」動了粗，而你的女兒又《自衛式》的保護自已而大家有所損傷......後果會是嚴重的。

那個女孩的母親，不好好管教自已的孩子，《或許可能在她眼中，女兒跟來『和藹可親』》，而去指罵人家的孩子.....

要是日後有個意外，見報，報警等等結果，可想而知....

我們要肯定事件中的真偽，要是肯定女兒沒犯錯，可直接跟女兒傾談這個題目。

這裡的重點是，孩子應可自行處理這等《社交》問題，作為家長的，應從旁指導，而非直接介入。

孩子，是會成長的，經一事，長一智！

我為你的女兒感到驕傲！《再次重申，你的女兒所描述的是真確無誤的！》

Charlotte_mom

對小朋友間相處有疑問, 最多都係家長與家長之間互相溝通(善意的), 呢樣我好讚成, 我同d媽咪都好多時有商量, 如果大家明白大家出發點係想小朋友好, 呢d"8掛"絕對係健康
我會建議你好好保護女女, 平復返佢心情, 你可以直接打俾對方家長, 善意咁了解下件事, 希望大家都同女女傾下計, 你亦要令女女明白, 無錯, 你女女係講事實, 但都可以學下溝通既投巧, 唔好令對方覺得難堪, 另一方面, 女女知道你同對方媽咪傾過計, 如果效果係理想的, 你女女都會放心d, 因為媽咪會陪住佢
真係咁都唔掂, 就真係要班主任介入, 觀察下點去幫小朋友喇(返緊學, 家長都愛莫能助架)

原帖由 angelmumy 於 11-3-3 06:33 PM 發表
阿囡放學後喊住口打來說: 同學仔媽咪打電話話佢, 叫佢唔好叫d同學唔同佢個囡玩. 我阿囡好委屈咁同我講佢無.

夠竟發生咩事 ? 後來有家長同我講, 今日我囡同另外兩個女同學當面同那個女同學講: 你平時行為好粗魯, 若 ...

angelmumy

多謝大家的回應.
昨晚我打左電話比對方家長, 當然我係好客氣咁講我想了解件事, 同埋同佢講我唔認同佢直接打電話比我囡,因為小朋友十歲未到, 會嚇親小朋友. 她同我解釋并不是打去"鬧"小朋友, 只是同佢傾下, 同佢講唔好咁樣.跟住同我講, 係我囡叫其他同學唔同佢囡玩, 如果我唔信可以打電話比某同學確認....

我回到家, 阿囡喊到收唔到聲,我同佢講姨姨唔係鬧你,點知阿囡反應仲大," 係呀, 佢同同學講, 打來唔係鬧我, 係話我Y 嘛, 我有咩錯?! 唔通我想唔想同邊個玩的權利都沒有嗎 ? 點解要屈我 ? 我無叫人唔同佢玩, 係我地三個的共同想法, 我地點想就點同佢講都唔得咩 ?佢阿媽話我地以後唔同佢玩就話比老師知...555 ..."( 三個小朋友都係領袖生, 一講到老師會覺得好大件事 ).

一直以來我都認為小朋友之間的相處好小事, 今日同你FRIEND, 明天同第二個FRIEND. 不過真係沒有想過小四的小朋友識同我講人權, 哈哈....

我同阿囡講, 你當然可以選擇同邊個做朋友, 但媽咪唔想你因為咁影響到別人同自己的情緒. 我會再同姨姨講, 如果佢有意見, 可以打比媽咪.

今早上學時見到對方的家長, 我同佢講, 小朋友的事由小朋友處理, 而家咁搞, 只會令小朋友關係更加僵,(阿囡話見到姨姨會叫佢, 但以後都唔會同佢囡做好朋友---相信係小朋友一時之氣 ) 比D時間佢地慢慢去淡化啦.

lillymarie

原帖由 angelmumy 於 11-3-4 10:51 發表
多謝大家的回應.
昨晚我打左電話比對方家長, 當然我係好客氣咁講我想了解件事, 同埋同佢講我唔認同佢直接打電話比我囡,因為小朋友十歲未到, 會嚇親小朋友. 她同我解釋并不是打去"鬧"小朋友, 只是同佢傾下, 同佢講唔 ...

妳囡囡講得有道理呀!
難道妳和同事不和, 就找老闆來壓妳嗎?
對方家長根本就是以大欺小.

最重要是自己的小朋友不要因此被嚇親, 怕了惡勢力.

RSG媽媽

呢d人 可避則避
保持距離啦

idy926

對方家長咁處理真係吾太好，我都會同你一樣咁打返比佢反影，請佢下次直接call我....有一次，我女大庭廣眾話吾同人玩仲話人mug mug mug，我事後同佢講，佢係有權選擇朋友，不過吾鍾意都吾好當面批評人，仲要眾目睽睽，人地好難受㗎，如果係你，你會點呢？佢細細聲答：吾開心...
我：吾鐘意咪暗地離遠佢囉，係咪?
我想女女多些同理心.

原帖由 angelmumy 於 11-3-4 10:51 發表
多謝大家的回應.
昨晚我打左電話比對方家長, 當然我係好客氣咁講我想了解件事, 同埋同佢講我唔認同佢直接打電話比我囡,因為小朋友十歲未到, 會嚇親小朋友. 她同我解釋并不是打去"鬧"小朋友, 只是同佢傾下, 同佢講唔 ...

Charlotte_mom

對, 呢樣就係我想講: 同理心
上星期, 發生左呢件事
當時, 我+女女, 同學A個妹, 同學B+媽媽一齊食野
我女問同學A個妹"你覺得你家姐點呀" (年紀相近, 佢地平時都一齊玩)
同學A個妹(好維護既語氣): 我家姐係最好架, 無論咩事, 我家姐都係世界上最好架
我個女: 嗯, 佢(((有時)))都OK既!
同學B: 嗯.....我有時鐘意你家姐, 有時唔係好鐘意
同學A個妹(即時好嬲): 你唔鐘意咪唔好同佢玩LOR!

呢件事, 第一眼睇, 一定係發脾氣果個唔岩, 但事實上, 事後我地3個媽咪都有各自同個女傾返, 亦有互相溝通返件事

第一, 我個女唔醒目, 一黎唔應該兜口兜面咁問呢D問題, 2黎, 明見對方態度, 要學下咩叫避重就輕
第2, 同學B雖然係好老實咁講自己感受, 但一樣, 有時都要避免太直接既批評
第3, 同學A個妹, 發脾氣固然唔岩了, 我當時都有同佢講, 我好欣賞佢咁維護自己家姐, 但都要試下聽唔同人既意見

我以為你個女1年班TIM, 如果已經4年班咁大個, 係時候要學下呢D人情世故了

(大人有大人既溝通, 小朋友都要做好自己本份 )

原帖由 idy926 於 11-3-4 11:38 AM 發表
對方家長咁處理真係吾太好，我都會同你一樣咁打返比佢反影，請佢下次直接call我....有一次，我女大庭廣眾話吾同人玩仲話人mug mug mug，我事後同佢講，佢係有權選擇朋友，不過吾鍾意都吾好當面批評人，仲要眾目睽睽，人地好難受㗎，如 ...

angelmumy

嗯, 我都有同阿囡講應該從呢件事吸取教訓, 肯定係你有邊度做得唔好, 如果唔係, 人地點解咁多人唔話靜係話你呢 ? 不過小朋友的想法同大人唔一樣, 佢會覺得係同學仔唔咁, 點都唔應該叫阿媽出面. 而且我都無講大話, 佢真係咁咁咁..., 我地唔係應該同佢講, 叫佢改咩? 感受?! 佢媽咪話我, 有無0林過我感受? my god

講到人情世故, 一個十歲的小朋友如果識, 我會驚lo. 還是有點童真好D.

rbaggio74

原帖由 angelmumy 於 11-3-4 13:56 發表
嗯, 我都有同阿囡講應該從呢件事吸取教訓, 肯定係你有邊度做得唔好, 如果唔係, 人地點解咁多人唔話靜係話你呢 ? 不過小朋友的想法同大人唔一樣, 佢會覺得係同學仔唔咁, 點都唔應該叫阿媽出面. 而且我都無講大話, 佢 ...

其實，你的孩子很懂事，亦甘願與你分享討論，可見你們關系良好。

你可籍此機會，跟孩子多點傾談，分析，討論事情。

有說，孩子尚小，家長應只作《恥聽者》，而不便對孩子指指點點。以免破壞難得建立的關系。這是個手法，言之成理。

但，我看，對個已較為懂事的，而又肯聽意見的孩子，家長們可繼漸加入一些指導，讓孩子《經一事、長一智》。

孩子的優勢，在於他們年紀尚小，有空間讓孩子們在錯誤或失敗中學習。慢慢培育孩子們應付逆景的能力。

又或者可著孩子自行制訂日後交友方針，再跟孩子衡量方案長短。

要知道，孩子進入中學後，對家長的依賴，會慢慢降低，我們應抓緊時間，跟孩子保持良好的互動/溝通，亦師亦友，互相信任。

言多了。

shadowrainbow

我個女小六時都試過有呢的事,
個太太直接打黎搵我個女，
我放工後至知呢件事，
通常第一時間我會問自己個女係咪得罪人先, 聽完晒，我由得個細路 "呻" , 到後來我就同個女講 " 妳要唔要媽咪幫手？ "
然後我分析定如果我幫同唔幫，佢自己要面對的乜後果。

後來我有同對方家長傾計，根本小事一件，我同對方講 " 小孩子事，由她們學習處理，等佢地自己搞會好的。"

結果冇事。

其實我唔知自己做得對定錯架，但唯一我知的是要她從每件事上，自己學習處理方法。
無論是好壞，她一定有得著。