反叛期就是這樣嗎, 點算好?

goodfuture

100%理解你，我個女亦正遭遇同一問題，佢小學時好乖好懂事，仲實牙實齒話反叛期會唔激我，叫我放心。點知而家就方激我唔死，講大話，欠功課，成績由頭八名跌到二十，成日渴望同同學去街，又話我管得嚴，唉！總之好似變左第個人咁，小朋友真係未到青春期都唔好太老定。
還好佢而家同家人關係都仲好好，情緒態度亦尚算溫和，每天都吱吱喳喳咩都講，我而家唯有一有機會就同佢講道理，但今日真係唔知聼日事，唯有見招拆招，各位媽咪，我地要齊齊努力，積極面對，可以的話多些在此留言，互相分享此階段小朋友的發展，互相打氣！

[ 本帖最後由 goodfuture 於 11-3-12 11:10 編輯 ]

goodfuture

係呀！而家我每天都參考青少年的發展資料，軟硬兼施，見招拆招，反叛期是通往成長的必經之路，大家要咬緊牙關，捱過了便另一番氣象了，佢地同時亦好需要父母的支持，此刻最重要是保持良好溝通，萬事有相量，大家加油！

goodfuture

好多謝您的分享。
預防工作其實我們經已做了，是有幫助的，尤其表現在對我們的態度上，暫時尚算尊重。
渴望自由，是我現在最頭痛的，此年齡易放難收，但偏偏同學仔可以放學不回家，放假去行街，我女現在仍肯放學即回家，但蠢蠢欲動，偶然一次半次都會遲，又投訴我控制她，外在的張力好大好大。
對於她的一切我向來都好敏感，錯誤行為我地會即時指出，改善後口頭讚賞，佢向來都肯合作。但現在情況是，佢聽我地話時亦開始聽朋友話，我地又唔可以講人家太多不是，唯有時常提醒，開始都覺自己煩了，哈！
反叛期果真是聞名不如見面，各位加油！

goodfuture

Joe 媽媽，
您昨天見專家見成點呀？期待您的分享。

goodfuture

Joe mama，
好多謝您的分享。相信跟年青人的相處技巧是多聽少說，我們真的要改變身份，當他們是朋友般說話。
慢慢來吧！我反而認為成績是關係上的導火線，放鬆些，修復關係最重要。上來互相鼓勵，大家多忍耐，加油！