請教意見，是否該繼續學鋼琴?

miumiumilk

女兒現在Ｐ６，已考取６級.　也正在學習一中樂樂器（僅考取３級）．平時絕少練習鋼琴，都靠打天才波.　但深明上到７級好難再靠天才僥倖過關．　但現實確實孩子的課餘時間也不輕鬆，　再加上呈分試,　中一面試.．．呢幾個月忙個不停.　我一直希望她有始有終，最好在中三時考到個８級,　日後有咩心情不舒暢呀都可以對住部琴發洩下,　又或者憑歌寄意抒情一番．　可是，見她這麼學琴法,　每週都被老師哦她不練習，問她自己是否繼續,　她居然話考埋７級先啦，　琴書都買了.　哎．．．我都好心痛D學費呢.　聽講上了中學後會更忙,　我都不知是否該讓她就此止步,　好矛盾.　各位，點睇？　有咩意見呀？

marcuscyrus

原帖由 miumiumilk 於 11-3-21 00:24 發表
女兒現在Ｐ６，已考取６級.　也正在學習一中樂樂器（僅考取３級）．平時絕少練習鋼琴，都靠打天才波.　但深明上到７級好難再靠天才僥倖過關．　但現實確實孩子的課餘時間也不輕鬆，　再加上呈分試,　中一面試.．．呢幾個月忙個不停.　我一直希望 ...

最好在中三時考到個８級,　日後有咩心情不舒暢呀都可以對住部琴發洩下,　又或者憑歌寄意抒情一番．
<---------------就算考唔到8級，一樣可以以歌抒情bor
依家學業緊張關頭，既然佢都無可無不可，不如專心搞掂升中先?

do-re-me

原帖由 miumiumilk 於 11-3-21 00:24 發表
女兒現在Ｐ６，已考取６級.　也正在學習一中樂樂器（僅考取３級）．平時絕少練習鋼琴，都靠打天才波.　但深明上到７級好難再靠天才僥倖過關．　但現實確實孩子的課餘時間也不輕鬆，　再加上呈分試,　中一面試.．．呢幾個月忙個不停.　我一直希望 ...

中一中二應該唔會太忙,最忙的五年級都崖過了,應該繼續

marcuscyrus

原帖由 ilovethiscow 於 11-3-21 01:43 發表
學咩都係要興趣...

而且... 誰說學琴一定要考級?

攪gag咁講... 你小朋友都已經勁過 莫札特啦..

因為Mozart 得0級咋~

我依家做埋阿媽，就開始有少少理解點解d學生家長會咁諗，有時都好身不由己
唉~_~

fcbttkw

原帖由 miumiumilk 於 11-3-21 00:24 發表
女兒現在Ｐ６，已考取６級.　也正在學習一中樂樂器（僅考取３級）．平時絕少練習鋼琴，都靠打天才波.　但深明上到７級好難再靠天才僥倖過關．　但現實確實孩子的課餘時間也不輕鬆，　再加上呈分試,　中一面試.．．呢幾個月忙個不停.　我一直希望 ...

如果係囡囡話繼續學嘅，就讓她繼續學落去，可能佢都想考完8級先放棄！

當年我大仔都係考咗5級就開始hea，我見佢學得咁辛苦，就同佢講不如唔好學啦，佢答我話：都考咗5級喇，仲有3級啫，唔學咪好嘥，學完8級先算！最終佢堅持到考完8級就停咗。事隔幾年，依家佢反而會自己開琴嚟彈，彈佢自己鍾意嘅歌，亦都有打算考埋ATCL！

lillymarie

原帖由 miumiumilk 於 11-3-21 00:24 發表
女兒現在Ｐ６，已考取６級.　也正在學習一中樂樂器（僅考取３級）．平時絕少練習鋼琴，都靠打天才波.　但深明上到７級好難再靠天才僥倖過關．　但現實確實孩子的課餘時間也不輕鬆，　再加上呈分試,　中一面試.．．呢幾個月忙個不停.　我一直希望 ...

其實聽落小朋友和琴老師都未有打算放棄呢!
家長就不如先給女兒一個機會, 免得將來女兒想起自己沒完成8級, 覺得遺憾, 就倒過來怨你不讓她繼續學.

如果是女兒自己提出不學, 就不學了, 將來只有怪自己, 與人無尤.

瑩瑩老豆

"有始有終"不代表８級就是終。
要對住部琴發洩下,　又或者憑歌寄意抒情一番更加跟８級無關，二三級一樣可以彈簡單Ｄ歌寄意抒情。

我覺得最重要係跟你個女分析下及她有何想法？

原帖由 miumiumilk 於 11-3-21 00:24 發表
我一直希望她有始有終，最好在中三時考到個８級,　日後有咩心情不舒暢呀都可以對住部琴發洩下,　又或者憑歌寄意抒情一番．　可是，見她這麼學琴法,　每週都被老師哦她不練習，問她自己是否繼續,　她居然話考埋７級先啦，　琴書都買了.　哎．．．我都好心痛D學費呢.　聽講上了中學後會更忙,　我都不知是否該讓她就此止步,　好矛盾.　各位，點睇？　有咩意見呀？

Sindy

原帖由 miumiumilk 於 11-3-21 00:24 發表
女兒現在Ｐ６，已考取６級.　也正在學習一中樂樂器（僅考取３級）．平時絕少練習鋼琴，都靠打天才波.　但深明上到７級好難再靠天才僥倖過關．　但現實確實孩子的課餘時間也不輕鬆，　再加上呈分試,　中一面試.．．呢幾個月忙個不停.　我一直希望 ...

唔練琴等於浪費金錢,沒時間就停一下,這也可以讓他抖抖氣,將來升中以後再學,可能又有另一番景象,我女都因為升中,停左...而家還未學返....但佢好自覺咁彈琴,初時就是時代曲...現在在彈classic, 上到中一初期,都需要時間適應... 何況你都是想他可以借音樂舒發一下情緒,實無必要令他這個關口兼顧咁多

miumiumilk

好多謝各位的寶貴意見， 確實老師同女女都未放棄，只是目前兼顧不了太多.或許，真要暫時按兵不動，　希望稍後的日子有多番Ｄ動力和時間坐落琴凳．　

以前都是為考級而彈琴，她自己真是未有幾多時間真正享受過音樂,　未有幾首樂曲是隨手彈得出的,　我覺得基礎未夠紮實，呵呵，或者我呢D門外漢不懂表達吧，在我心目中，還要繼續升呢，才可以達到借著琴彈出心裡的說話的技藝,才可以自由抒發感情.

也要好好同女女探討下呢個問題，訂了目標就要盡力去做.　hea一陣就話,　成年這麼hea就不得了.　right?
　
Thank you!!!



[ 本帖最後由 miumiumilk 於 11-3-22 00:02 編輯 ]

miss321

如果唔練琴就真係唔好學, 老師都好辛苦。
我有個學生中二都幾乖，唔清楚佢有冇參加學校活動，但佢每天都可以練到1小時琴。我覺得最重要小朋友有心有興趣學，自不然就抽到時間練琴。

ohmygosh

我要求學生至少隔日練習﹔長期練習不足的學生﹐我會請他走﹐免得浪費學位﹐精神和時間。

原帖由 miss321 於 11-3-22 00:47 發表
如果唔練琴就真係唔好學, 老師都好辛苦。
我有個學生中二都幾乖，唔清楚佢有冇參加學校活動，但佢每天都可以練到1小時琴。我覺得最重要小朋友有心有興趣學，自不然就抽到時間練琴。 ...

mcf12345

我個人認為, 學音樂不要被考試牽制住, 如果真係鍾意音樂, 那怕七老八十都可以學.
現今大部份學生, 用考級去評定自己有幾叻, 但其實佢地只係俾考試局限左, 而在學習過程中, 未有真正享受音樂0既樂趣, 白白錯過左好多有趣0既音樂, 慢慢每年只彈三首歌, 唔悶就假, 仲點會想練琴呢?

Sindy

原帖由 mcf12345 於 11-3-23 08:05 發表
我個人認為, 學音樂不要被考試牽制住, 如果真係鍾意音樂, 那怕七老八十都可以學.
現今大部份學生, 用考級去評定自己有幾叻, 但其實佢地只係俾考試局限左, 而在學習過程中, 未有真正享受音樂0既樂趣, 白白錯過左好多 ...

係啦...我個女成日問我佢幾級...無考試又唔知...但佢又唔鐘意考試...又話成日比人話佢無咁既級數...我就問佢,咁你淨係考過一級....咁你係咪得一級丫?咁佢又笑笑口,咁最小都有幾級既

其實唔只大人,細路仔既意想都比考試局限左....