我女中一,懷疑佢有讀障??

kitty

事源:
佢5歲時接受過差不多一年語言治療(在政府做的)
因為佢講唔正,人地又唔明佢講咩,所以幼稚園老師叫我去健康院睇

K3已有默書,不過都係一句中或英,次次讀好耐先叫識,但就好小都100分,果時都不以為而(但亞妹就次次100)

小一,二中英默書隔星期,又係同佢溫得勁辛苦都唔高分,後黎請教BK媽咪教我圖象記憶,拆字法....係一個一個字用勁多時間去溫,但出黎都冇人地咁好,有時都有9X,8X但小囉,多數5X-6X   2-4X都有,英文都差不多

上到小三,小四中英同一星期默書,又多左範圍,變左仲吃力,中英默書都係時好時差,背默多數9X-100 讀默就岩岩合格,有時都不合格,

小五,小六,佢成日問我溫邊樣好,因為同一日/星期要默兩科成日溫中文又溫唔切英文,所以仲多唔合格,考試中文平址分6X 英文唔合格得5X小一至小四都係差不多,因為佢數學一直都幾好,成日都拉到分,

常識整個小學階段都係7X,因為唔識字,次次同佢溫都要溫埋生字,又要溫好耐,但佢明明識答唔識寫,一係寫錯字就扣哂分,

而家中一多左好多科,成日今日派範圍就明天要默,小測,同埋課文又長又多,我女成日溫唔切,攪到有D科好低分,扲成績表又係中英都唔合格,又係靠數學拉分,不過都係好擔心,老師話佢上堂好乖好OK,又識答,點解出黎成績會咁樣....

其實點解我咁講呢,因為亞妹見家姐好唔同,而我都覺得佢怪怪的,因而亞妹借了一本書回來"讀不出的昐望" 一書入面有兩個case 其中一個簡直同我女一樣,我睇這書時一路睇一路喊,覺得咁多年的事都好似我兩一樣,

我而家好無助,因為我女過了12歲,政府冇得幫我check ,我都唔知點算,
尋日同佢默書佢張俯視寫成俯望  難道寫成難然  頭=石頁
鼻=中間個田變左口   羅=上面個目字變左日  用=入面變左冊

咁佢重組句字,排句成段多數冇分
填充多數岩得一半,一半係唔識寫/錯字,
閱讀理解都係一半半,

其實我想問下有經驗的媽媽,請問以我女的情況是不是讀寫障礙? 小學冇老師發現是不是多數都ok ?
仲有咩機構幫佢呢? 學習上有咩好方法分享下?
因為我女除了以上,體育都好差,唔合格,成日帶錯書,又跑步次次包尾,人地起左步佢仲企在起跑點,又輪盡,做實驗要點火柴,我在家已教了佢好幾次,佢都可以點唔到仲燒親手,在學校又唔敢同老師講佢燒親, 一放學就同我講好痛,我見佢紅哂就幫佢搽藥膏,有次在學校跌倒又唔出聲,我又幫佢貼膠布,而家自信心愈來愈低,又好依賴我,

[ 本帖最後由 kitty 於 11-4-8 15:50 編輯 ]

katelam

kitty,
睇來妳阿女都好似係有輕微讀寫的情況,因為一般徵狀
e.g.容易跌倒,認字很困難,寫字漏部件.....

相信你這個好媽媽幫佢一齊努力,成績都算可以吧!
(起碼已到中一了!)
到了現在這個階段就算政府同你做評估也沒有什麼可以幫助!但到了考公開試要有調適就要有評估証明!
結果如何也要努力面對!
加油!我兒子才小四,還有漫長的路要行!!

kate

原帖由 kitty 於 11-4-8 15:13 發表
事源:
佢5歲時接受過差不多一年語言治療(在政府做的)
因為佢講唔正,人地又唔明佢講咩,所以幼稚園老師叫我去健康院睇

K3已有默書,不過都係一句中或英,次次讀好耐先叫識,但就好小都100分,果時都不以為而(但亞妹就次次 ...

lingling_mum

可以試下帶佢去私人機構做評估，我個女做完評估後個治療師寫左好多調識方法喺報告度，學校都有跟住做。而家喺個專家既中心上緊D認字班，幾好，有進步。我PM資料俾你。

kitty

kalelam,
係呀,我女好輪盡,成日整親,成日撻低,而家大左好小小了,不過都係好笨咁!點解如果係讀障會成日跌倒?佢細個用較剪果d都成日剪親手,出親街就要帶定膠布...

我是擔心佢成績跟不上,因為中學真係又多又長又要成日小測默書...之前就係溫唔切唔合格,因為佢讀band 2中學,已經叫好了,近近地在樓下,但都有一些班級比較差,我驚佢入左呢d班,因為小學唔同中學,小學成績差都不至於壞,中學就難講,而家呢班起碼個個都幾乖又肯讀書...我女仲有係唔係好識同人溝通,唔知點解,好似成個大細路咁,出街食完飯一定要攪下人地桌面上d野先安樂,成日整dirty d 衫,果日比亞妹見到就叫佢唔好攪

我想知有冇咩好方法令佢容易d讀書,我上網搵多數都是教小學生方法,其實同佢讀書咁多年真係感覺好拉牛上樹,由其初小,後來我都放棄灰心過,因為我都冇哂心機,次次一默完好多都唔識,叫佢改正又喊,又改改下訓左覺,串串下字又訓覺,我又要亞妹呈分試,所以我都未係好盡全力讀佢溫,真係唔識太多,感覺無從入手,早溫佢又好快忘記

原帖由 katelam 於 11-4-8 15:51 發表
kitty,
睇來妳阿女都好似係有輕微讀寫的情況,因為一般徵狀
e.g.容易跌倒,認字很困難,寫字漏部件.....

相信你這個好媽媽幫佢一齊努力,成績都算可以吧!
(起碼已到中一了!)
到了現在這個階段就算政府同你做評估也沒有 ...

kitty

lingling_mum,
thanks ~不過而家pm看不到,我未send好
私人果d幾錢度?好似好貴?

原帖由 lingling_mum 於 11-4-8 20:45 發表
可以試下帶佢去私人機構做評估，我個女做完評估後個治療師寫左好多調識方法喺報告度，學校都有跟住做。而家喺個專家既中心上緊D認字班，幾好，有進步。我PM資料俾你。 ...

lingling_mum

Kitty, 私人機構做評估就一定貴D，但係評估都係做一次，最緊要係之後點跟進。我個女睇緊個係專家黎，幾好架。你可以email 我，我再俾資料你。 [email protected]  
Ling Ling

kitty

hi,
我已經email給你,thanks a lot~

原帖由 lingling_mum 於 11-4-12 20:43 發表
Kitty, 私人機構做評估就一定貴D，但係評估都係做一次，最緊要係之後點跟進。我個女睇緊個係專家黎，幾好架。你可以email 我，我再俾資料你。 [email protected]  
Ling Ling ...

mattmame

人人都有煩惱架, 不要灰心, 你女女一定有D叻既野架.

Sorry, something wrong with my keyboard can't type chinese again.

Do you know there are some activities center offer 讀障 training?

Don't worry, take care yourself, if you are interest to share, please pm me your mobile.

smallmama

你錯了, 讀障的小朋友唔一定會成日跌倒, 因為我仔都係有讀障, 但佢就唔係咁, 佢仲可以跳舞及田徑都ok.
不過你可以試下聯絡特殊學習障礙協會, 佢哋可能會幫到你, 因為入面的家長義工是過來人, 你不妨問一下他們.

原帖由 kitty 於 11-4-11 09:45 發表
kalelam,
係呀,我女好輪盡,成日整親,成日撻低,而家大左好小小了,不過都係好笨咁!點解如果係讀障會成日跌倒?佢細個用較剪果d都成日剪親手,出親街就要帶定膠布...

我是擔心佢成績跟不上,因為中學真係又多又長又要成日 ...

twbhk

的確是讀寫障礙．

您應該儘快找一些資料來看，以了解多些．除了要做評估／言語治療之外，也可以考慮到有關機構報讀一些特定課程．

此外在家溫習時，應使用一些相應的教學或學習方法．

最緊要係耐心，理解和包容（不可以一味不切實際地要求很高）．

我不是專家，不過稍後可以將一些相關的資料PM給您．

kitty

thanks 大家,
而家有學校社工跟進了

kuromima

請問可不可以EMAIL 給我 ?
[email protected]
我想, 我囡也同樣情況.

原帖由 lingling_mum 於 11-4-12 20:43 發表
Kitty, 私人機構做評估就一定貴D，但係評估都係做一次，最緊要係之後點跟進。我個女睇緊個係專家黎，幾好架。你可以email 我，我再俾資料你。 [email protected]  
Ling Ling ...

heihonmum

可以試試pathway一些課程,或扶幼會讀寫障礙中心的課程.
評估方面, 可以試協康會. 不過都幾貴.

1234ats

kitty,

小儿有类似情形。在这里分享一下我的经验。

小儿小一时我发觉他有问题。我首先不考虑他的学业成绩，而尽最大努力帮他解决学障问题。学障问题能解决，成绩自然能提升。无论他成绩如何我都处之泰然，避免影响他的自信。另外发掘他的优点，经常鼓励他。最重要让他对读书和新事物有求知欲。

我教他时首先花大量时间观察他做功课与平时生活的一举一动，尝试了解他面对的困难。最初我每天花一两小时看他做功课，留意他做错时的每一细节，如眼神焦点，身体语言或不必要的小动作。经过长时间观察，加以分析， 慢慢就能总结出一些结论， 将他的问题分类。然后按他的能力设计些方法帮他逐一解决。中间经历过很多甜酸苦辣与挫折，但某些方面也有些成果。

他经常写错字不是因为单一的原因，背后原因颇复杂。他温习时与默写时都有不同的问题。

首先是阅读时集中力有问题，眼睛很容易聚焦在其他地方。认字时只认得字体的大概结构。
他下笔写字时脑海并没有该字的完整结构，而是一边写一边推敲该字应该怎么写，因此字体非常潦草，笔顺也乱七八糟。

我儿子读默一向有问题。 最近考试他词语和背默一共错了两个字。而读默则只有0分。对他来说非常正常。他的原因是缺乏短暂记忆，当他读墨时需要思考或有点些微分心如拿擦胶或搔痒便会忘记老师刚刚读出的内容。

建议你与社工商量先找出女儿的问题才作针对性训练。

另外我认为运动非常重要，能刺激脑部神经，改善协调性与组织能力。可与专家商量何种运动适合你女儿。小儿参加过小童群益会的感统运动训练，过后有很多方面有显著改善。

至于学校方面，如果校方不理解不支持，我建议最好转校。香港教育界对学障的理解与西方还有一段很大差距。

对女儿要有耐心，不要太多期望， 努力做好眼前每一步。

我不是专家。希望以上能对你有帮助。

[ 本帖最後由 1234ats 於 11-7-4 00:46 編輯 ]

ChungChungMommy

kitty,

請問"讀不出的昐望" 是那個出版商?

可否pm我?

thanks.

yeenmama

讀不出的盼望
===========
定價:HK$55
作者:君比
出版社:青桐社
ISBN:9789881850492
文字版本:繁體中文
出版日期:2010年4月24日
頁數:180

「讀寫障礙」這個名詞，似熟悉又陌生，曾在媒體聽聞，或在你我身邊發生，你對它的認識又有多少？
小童群益會自一九九七年起，為這群無助的家庭提供服務與支援，近年更將支持讀障的服務提升為該會的「服務發展重點」。為加深社會大眾對讀寫障礙的認識，小童群益會邀請青少年作家君比，訪問兩位讀寫障礙學生及其家長，將他們的經歷轉化成故事，道出讀障學童及其家長在學習上遇到的困難和不被接納的無助，分享其經驗和智慧。期望能引起社會大眾對讀障兒童的關注，給予適切的協助。

讀寫障礙，令天廷在學習上出現極大的困難，但他沒有氣餒，反而付出比別人多一倍的努力，以改善自己的弱點。成績差、功課做得一塌糊塗，卻成為他受盡老師責罰、同學排擠欺凌的藉口，這就是他努力學習應有的「獎賞」嗎？

因着讀寫障礙，上學成了亦淇的噩夢，老師有意無意的刁難、迫令她用手吃飯、說盡傷害的說話……打擊她的自尊自信，就是對她學習障礙最好的「鼓勵」？

「拚盡勁去溫習、去想，都是只會『捧蛋』。那倒不如不溫習了，反正溫了也沒用處！」

每個一讀障孩子，都有一段心聲、一個盼望，你願意讀懂嗎？

[ 本帖最後由 yeenmama 於 11-7-6 14:26 編輯 ]

kitty

好耐冇入黎,thanks ,而家已轉介了排期

原帖由 mattmame 於 11-4-18 14:15 發表
人人都有煩惱架, 不要灰心, 你女女一定有D叻既野架.

Sorry, something wrong with my keyboard can't type chinese again.

Do you know there are some activities center offer 讀障 training?

Don't worry, ta ...

kitty

hi,
好多謝你的分享,你真是一個很細心的媽媽,現階段排期中!

kitty

sorry ,很耐沒入來,已經有媽媽post 了資料,就係果本,thx~

kitty

唔該哂,

原帖由 yeenmama 於 11-7-6 14:21 發表
讀不出的盼望
===========
定價:HK$55
作者:君比
出版社:青桐社
ISBN:9789881850492
文字版本:繁體中文
出版日期:2010年4月24日
頁數:180

「讀寫障礙」這個名詞，似熟悉又陌生，曾在媒體聽聞，或在你我身邊發生，你對它的認 ...