which one u choose if you were me?

limehouse

陳守仁超難入, 英文好, 有好嘅語境, 以佢哋嘅質素, 學費超低。祟真多外籍老師, 校舍舊, 但據了解中英都唔錯, 不過會叫你小朋友補習, 差又叫你補, 好又叫你補(精英班), 要另收費, 成成千蚊一科。禮賢, 偏傳統, 口碑唔錯, 但谷得嚟, 卻屬深水埗校網略輸蝕。

limehouse

係呀, 禮賢係屬於深水埗區。你可以check check 教育局個網。
據朋友經驗知道陳守仁上年有約四千人考,(近幾年都係約三千人)。佢唔係好好, 我諗有好多人覺得佢好，係因為鍾意佢活動教學, 有約20% 係要用英文溝通嘅外籍小朋友, 以佢學費每年約萬幾蚊, 相對有d主張話自己培養小朋友語文能力嘅直資學校要成三四萬蚊一年嚟講佢算好低。
其實年年受歡迎嘅學校都係起碼有二三千以上小朋友考嘅, 而你話嗰幾間當然係好多人夢寐以求，但係全部係都係較"谷"嘅學校, 我相信如果真心選擇陳守仁嘅家係偏向希望小朋友愉快學習, 應該係兩批唔同方向嘅家長。
如果有研究嘅九龍新界區家長選擇去考陳守仁嘅, 佢哋多數係會考蔡繼有、St Margaret、培僑、祟真、國際音小.... 但係呢d學校就較貴, 要三萬幾至六萬一年，如果在價錢上同回報上, 有好多特別要供樓嘅家長會係會好鍾意陳守仁，因為佢口碑係唔錯嘅。

limehouse

唔好意思長氣講小小, 我想同樓主講我唔係話我會選陳守仁, 因為我自己比較鍾意傳統學校。我話陳守仁超難入係因為我知佢哋interview係大部分用英文, 重要考兩次(如果入到second in)。每次要考成半個鐘, 唔係個個小朋友得架, 而事實上係好多人考, 可想而知佢哋學校係好認真選擇學生。

limehouse

係呀! 朋友都係咁話, 但係本身佢都成三千蚊學費, 重另外叫人比錢補習, 我諗做家長有d兩難, 比我都唔知點。

limehouse

Agree! SPC, DGS..都係d偏向 "貴族", 重要係一山還有一山高嗰隻。

limehouse

原來陳守仁派位都唔錯，唔怪得咁多人考啦！
雖然我係保守派媽咪，阿女今年考入咗間傳統學校。
但係如果有一定派位保証（因為其實好多行活動教學嘅學校本身有中學，小學會淺d，但一上中學就會開始谷，你始終會擔心小朋友到中學適應唔到）咁証明佢地都唔錯，咁令家長可以讀到咁上下睇小朋友情況學習進度調整選校方向。

limehouse

問番朋友先知，原來陳守仁都唔係完全活動教學，每年都兩測兩考，咁即唔係好似其他活動教學係用assesement 方法去評估小朋友成績噃：）