報警拉我個仔...

1092967470

話說約半年前我個仔係學校同另一個同學仔玩,你搣吓我,佢又搣吓我塊面,我個仔又衰,搣人咗3次咁多,講係無流血喎又無損,可能個同學仔塊面紅咗一陣咁多,咁啱事發當日,個同學仔媽咪又係學校幫手做 Helper,見到此況.......真係大件事,

知情人事告知:個同學仔媽咪好激動,放學時走去跟校長投訴,仲喊咗好耐潻,差不多用咗成合紙,內容大旣講好心痛個仔比人搣,又話自己得一粒仔好緊張,仲話平日已教個仔,如果比人打,唔好還手,只可攞對方書包係咁打來出氣,所以我個仔個書包一定無走雞喇.

到第二天早上有警察到校了解,其實我都唔太清楚警察到校可以做到乜嘢,只知搞到好多人,好唔好意思,最後校長話有事程要通知我,希望我方跟個同學仔媽咪講聲對唔著.好其怪個同學仔爸爸又同我方表示好無耐.唉,都唔知搞乜鬼,搞到咁大件事,其實我個仔係k1又唔係比人搣過,因塊面損咗起蕉仲清楚見到每邊有3,4隻手指甲印.

其實呢件已過,唔想再提起,但係昨日大家都去Sunday school,係停車塲經過佢哋部車,嘩,佢亞媽截著我個仔和工人大罵,好似有病,我個仔上車眼濕濕.

唔記得提我個仔只係講緊得4歲.

小曳人

好肯定呢個女人有病~


咁嘅嘢，駛唔駛搞到咁大件事呀？佢教壞自己個仔又嚇壞人！

Cutemom0808

學校又會陪佢一齊傻

對方過左o甘耐重o甘，小朋友好難學會原諒他人，大個左好易唔開心架

siden

原帖由 小曳人 於 11-5-9 13:26 發表
好肯定呢個女人有病~


咁嘅嘢，駛唔駛搞到咁大件事呀？佢教壞自己個仔又嚇壞人！

Agree,

Chi Sin ga

Child is always naughty ga la

I am sure her kid will be come a "Hong Kong kid".

And I have pity on this lady's husband!

sze0203

學校好多時都會陪埋一齊傻, 因呢d家長傻起上唻都幾癲, 報警唔理仲可以唱衰間學校, 又可以向報刊, 議員投訴!!

最慘係童年無忌, 你個仔比呢個亞媽鬧到咁~~換左係我實鬧返佢轉頭!! 佢個仔都有搣你個仔架麻! 有咩理由全部怪罪於你同你個仔?

Charlotte_mom

我朋友個仔都試過, 咬左同學一啖, 對方家長攪到又出律師信又同學校攪大佢, 又要我朋友寫道歉信, 又話要驗傷, 連AIDS都要驗
學校想息事寧人, 當然想叫我朋友就範, 我朋友啋佢都傻, 報警丫笨, 睇下警察有咩講, 唔通拉個3歲咩!

俾我真係會同對方講, 叫佢收手, 4歲細路meet紅左塊面面姐, 唔駛咁大個人當街鬧喊個細路, 佢唔羞你都羞, 再攪個小朋友, 你唔好同佢客氣tim呀

Cutemom0808

講到我都有d驚，我小朋友都會咬人架，但就唔係嬲而係鍾意果個人先至會咬佢，每次佢咬我我都即刻提醒佢唔好響學校o甘做mouth:" /> 好彩到而家學校都冇發生過任何事，反而俾人抓左3條痕冇損到，我冇同學校投訴，不過諗反轉頭如果我小朋友損得好利害我都唔知點做

[ 本帖最後由 Cutemom0808 於 11-5-9 15:26 編輯 ]

sarahlmf

現在有些家長真的是愛兒女愛得過了火, 事無大小都去學校投訴, 老師都係打份工, 有時我個仔會攪人, 也詆過被人攪, 我會叫個仔唔可以, 至於比人整到, 我覺得只要唔係好嚴重受傷OK囉, 小朋友特別係男仔都係頑皮d啦! 大人也是事無大小嘈一餐, 個細路肯定會學啦!

spain

亞媽可能有狂躁症。。情緒不能受控。。

Bigpig_2007

你個仔讀邊間? 同埋最後學校處理得ok嗎?

:(

ren

樓主都要好好開解安慰下自己小朋友先得.
唔係佢俾d傻嘅嚇親, 以為自己做左d咩大錯特錯的事!

遇上咁樣的傻人, 真係好唔好彩!

1092967470

你哋講得arm,學校都好無耐,加上亞仔間學校係國際學校,老師更加唔覺有問題,因為老師每日都見唔少naughty小朋友,唔通個日日都call police咩.

校長都話唔知点同我哋講,但人家要已報警,一定要有交代,

最慘係,學校主張小朋友要有愛,克意要佢哋做番好朋友,一起玩,現我最擔心係到時我個仔点到佢個小宝貝,比佢見到實打死我個仔.

我又唔想同個仔講太多報警事,輕輕提過,小朋友又唔太明,唔通同亞仔講人家媽媽唔嚇得有病咩.

luiflora

原帖由 1092967470 於 11-5-9 17:00 發表
你哋講得arm,學校都好無耐,加上亞仔間學校係國際學校,老師更加唔覺有問題,因為老師每日都見唔少naughty小朋友,唔通個日日都call police咩.

校長都話唔知点同我哋講,但人家要已報警,一定要有交代,

最慘係,學校主張 ...

個阿媽過份保護個仔了......我仔仔試過比同學咬,我心痛架,不過我只通知老師,等老師講比對方家長知,等佢家長教返個仔,我第日見到個小朋友我都講:你好嗎??你好乖啊~~同我仔仔做好朋友好嗎?另一方面叫我仔仔原諒對方,大家都好細,好都野都無心.

不久,輸到我仔仔咬另一個同學(更大個傷),對方家長我還很熟,當時真的無面見人,除了叫仔仔同人地父母及小朋友認錯,還教好自己小朋友,叫唔好再咬人,如果唔係係我報警!

兩次經驗:都覺得人仔甘細,慢慢教,不需要太緊張(即使心痛),也不可以太過保護自己小朋友,否則將來他如何照顧自己呢???
此母親太過..........................................日後一定會後悔!!

LL222

呢D咪怪獸媽咪law

BBG1

佢一係有病，一係就是怪獸家長囉！我成日提自己點教子女也好，但千萬不要變做怪獸家長架！要教小朋友學懂寬恕，和面對逆境呢！下下要屋企人出面，第日點處理自己呢！

[ 本帖最後由 BBG1 於 11-5-9 17:41 編輯 ]

BBG1

另外，學校可能知道佢有病呢！但亦要明白你的苦況呢！大家多溝通溝通呢！
其實小朋友唔會有隔夜仇的，仇恨是大人培養而來的。

[ 本帖最後由 BBG1 於 11-5-9 17:43 編輯 ]

fishballbaby

果位媽咪真係好大壓力呀，攪到心理唔平衡。
樓主如果下次咁好彩又遇到佢，記住用手機拍抵呀，等d家長可以警惕吓，唔好比自己咁大壓力。

STMFHH

樓主都要好好留意及開解自己小朋友的情緒 ... 比人當街大罵, 大人都未必可以好快平服心情, 何况佢得4歲!

其實小朋友有損傷, 做家長又點會唔心痛架 ... 但正好要給多d機會比小朋友學吓相處
其實小朋友唔會有隔夜仇的

樓主你要有心理準備這位媽媽會有過激行為, 要理性地保護呀仔, 你嘅反應同處理好重要!