學公文中文一問

lion

阿囡校內中文閱讀理解及作文的成績麻麻地，我覺得係因為佢嘅詞彙欠豐富，諗住比佢學公文中文，每天都做下練習，希望會好一點。(但係其實我唔係好理解個課程)
今日同呀囡去做佢地的TEST，結果佢地話要由A1開始，我叫姐姐比A1的練習我睇，但係望落去又唔係我地想要的，好淺咁(填字，學爸、媽拼音)。姐姐話初初係淺D喎!我想問小三至五的家長，你地的小朋友到這個年齡係讀到咩Level(我當然明白佢地的理念係根據個人能力，但係我都想知我囡的大約水平)
另外，我係咪太遲比亞囡讀呀?我見佢地好似可以練埋普通話咁，都幾好。個心十五十六，唔知讀唔讀好，請有經驗的家長比意見。
many thanks!!

agugi

Hi,
我仔小三, 校內中文成績不錯。但作文詞語很貧乏, 雖通順但沒文彩。
身邊2家長不的約而同向我推介公文中, 他們的孩子中文都有很大進步。
早前去assesement, 仔只答錯1條.(62/63), 老師話佢實際乎合小三水平。(仔普通話拼讀均不錯)
但老師話要由A1(小一)開始, 因為A1-C(小三)課程設計有關連wor
但佢話預計仔好快會升級(第一次升會在40天後), 仔好快會做回P.3 or 以上。而且淺D開始小朋友較能投入。
我覺得ok, join 了.仔現幾喜歡做~~鬼咩, 而家咁易!!

lion

agugi 多謝回覆!
原來A1是小一課程，我完全無問過姐姐我個囡岩唔岩小四LEVEL,不過我囡肯定唔止錯一條，即係話更加要讀A1啦!
是否每間都可以跳班的?因為我見佢寫要大約2個月先升一級喎!
你個囝讀了多久，你覺得他有沒有進步呢?
THANKS!

worldpeace

阿女由小三開始學公文中文, 依家小五. 由3A開始讀, 到依家DI, 不過阿女D中文一向都係差, 可能唔讀仲死快D.

agugi

仔只join了2星期, 因尚在A1 level, 仔好容易就做晒每天功課, 毫無難度. 又時間尚短很難評價。
公文是按學生能力升級的(達標就升, 不達就複做, 定期會評核),無論如何, 我覺得趁暑假讓他每日仳5張練習, 應該能有些得益吧!
我只希望他快快過渡這A1-C階段, 做回自己水平的練習就好!

甜甜公主

我都曾因小女中文成績不太好而去讀公文中文, 都忘記了從那個level開始, 只記得好淺, 我女覺好悶, 讀了大半年, 好像跟學校程度差好遠而放棄了

lion

甜甜公主，多謝你的回覆。我就係驚追唔到學校課程，浪費$和時間，或許真係 遲左起步。
我想問你囡囡係幾年級開始上架? 咁你有咩好方法幫佢提升中文的能力?
thanks!

Rainy

請問一個course大概幾錢?

shanma

hi,
大家好 !
我個女今年小三. k3 開始讀公文中. 其實當初是因為此課程用普通話教而吸引我. 最初學拼音是最難,時間用得最耐, 因要重覆地去做, 而阿女最討厭就是repeat 做同一樣功課.但最後又証明有 用, 她現在的pth功課也很易應付.
現在她讀到EI, 相等於小五程度. 我不是要求她要超越幾多學年, 主要是她可閱讀多些文章, 對她的閱讀理解, 我覺得是有幫助.
其實曾經多次抵受不住她的要求而想放棄不讓她讀(因為她話好難, 我時時要提她做, 攪到不歡而散), 但想深一層, 自己叫她做課外練習, 她不肯, 讀公文, 她就一定要交功課, 所以我們也堅持要她讀.但會跟老師商量給她做少些.
其實好難給予意見, 因為學中文, 不是可以即時看到成績.

agugi

但想深一層, 自己叫她做課外練習, 她不肯, 讀公文, 她就一定要交功課, 所以我們也堅持要她讀.但會跟老師商量給她做少些.

我想法同你一模一樣, 屋企買埋D習作, 叫佢日日做, 叫左就做, 吾叫吾做, 自己又冇耐性催佢, 久而久之不了了之....不如叫佢交功課比公文老師, ....唉, 都係要比錢人洗！

原帖由 shanma 於 11-5-23 12:19 發表
hi,
大家好 !
我個女今年小三. k3 開始讀公文中. 其實當初是因為此課程用普通話教而吸引我. 最初學拼音是最難,時間用得最耐, 因要重覆地去做, 而阿女最討厭就是repeat 做同一樣功課.但最後又証明有 用, 她現在的pt ...

甜甜公主

我女當時讀是小二下學期, 考試得65分, 回家大哭, 嚇到我死, 立即尋求辦法幫佢, 我沒有學之後, 自已多做閱讀理解, 做練習, 後來考試有時 7十幾, 有時8十幾, 分數都不太穩定, 現4年級了, 仍在努力中, 我覺學公文應在K2開始, 太大才去學來不及跟進學校的程度, 好大壓力

熊媽

我個仔係升左小一先開始學中文,不過開頭拼音真係難,2A時阿仔重複又重複做到佢唔想做.不過我想佢學普通話,又可以識多D中文.因為阿仔都係中文差,又唔喜歡睇書.公文英文都有學,去到D,想放棄了.

chunchuma

我想問有沒有小朋友在小六才開始學公文英文呢?因我想幫我兒子打好些基礎!

甜甜公主

我都想去公文英交, 聽講可以學到多英交生字, 但每晚要做好多頁, 又怕應付不來

minmin

請問一個月, 既費用係幾多咖?

我想俾阿仔, 係暑假學.
正式返學時, 就唔學..

mimi1102

如果只係想當summer course, 我奉勸就不如揀其他course, 因為公文無論中, 英, 數都係長期作戰, 一兩個月根本睇唔到成績, 尤其是公文係由淺入深, 你返一兩個月只可以學到最淺的東西.

小女k2 下學期開始公文中, 最初報讀目的想佢認多d 中文字, 讀了之後發覺原來係教普通話併音, 學左兩三個月, 併音係進步左, 但認字就冇咩大進步, 有諗過放棄, 不過見佢學併音學得幾好, 就繼續讀.

學左差不多一年, 最近突然發覺佢識讀好多生字, 我冇另外同佢報讀其他的認字班, 幼稚園所教的生字亦不多, 我諗同讀左公文中一年有關. 不知不覺的認識多左生字.

原帖由 minmin 於 11-5-26 13:41 發表
請問一個月, 既費用係幾多咖?

我想俾阿仔, 係暑假學.
正式返學時, 就唔學..

agugi

請問大家, AI後, 是AII, 定是B.
當初沒留意...

mimi1102

AI, AII, BI, BII....


http://www.kumon.com.cn/KHK/

原帖由 agugi 於 11-5-26 19:56 發表
請問大家, AI後, 是AII, 定是B.
當初沒留意...

agugi

thank you very much

xanax1mg

學公文中, 對普通話好大幫助.
對學校既課程並無大作用.