考完試後仍要返學到幾時?

Bon_Bon_Pa_Pa

想請教德望家長，她們6月14日考完試後重要返學到幾時先放暑假? 返學又學D乜呀，照教書本嘢，定課外活動呀?

因為想安排出外旅行，所以想了解一下，聽有些人說小學一般考完試就放假啦，但學校校曆寫7月10日

十月媽咪

根據上年經驗, 考完試之後, 會斷斷續續咁放假的, 高年級的學生會返得比較多 (上年佢哋會返學校為低年級學生準備課外活動)....而低年級返得比較少....記得上年個女小一, 由考完試到暑假前一日, 大約係返咗7日左右 (唔知有無記錯), 總之好少日數! 但七月頭就我覺得盡量唔好安排旅行, 因為學校會安排小朋友返學校買新書, 交明年既留位費(即係簿費&雜費), 又會有好多通告呀, 用剩既舊簿呀, 成績表呀, 校車申請呀, 九月學費單等等之類既嘢派畀小朋友拎返屋企的!

至於6月14日考完試, 睇番校曆表, 6月15日暫時話要返學的, 但都有機會係唔駛返架, 但駛唔駛, FINAL都係要等學校派通告至知....但6月16 & 17日就應該唔駛返, 因為係小三&小六全港系統性評估, 上年淨係小三&小六學生要返學校做評估, 其餘級別放假! 嘿嘿....我都安排咗呢兩日離港, 一家人鬆一鬆!...連埋6月18&19日, 起碼一連放四日呢!

跟住6月20日嗰個禮拜, 應該會係派卷週, 但會唔會用足成個禮拜唻派卷呢? 印象中好似都係返一兩日的....同埋自五月三十日開始至七月LAST DAY, 都係返半日的啊!

派完卷之後, 理應唔會教書的 (除非真係有嘢未教晒, 咁就唔知會唔會花D時間教埋佢喇), 我記得上年我女其中一日係返學校參加咩英語日之類, 仲有一日會響禮堂, 由二年級或以上各個課外活動既學生代表, 向一年級小朋友介紹各種課外活動既內容....小一學生可以透過學姐們既介紹, 諗吓自己升小二之後, 最想參加邊個課外活動 (只可以揀一樣)!

印象中係咁上下, 如果有咩甩漏, 請其他家長補充!

原帖由 Bon_Bon_Pa_Pa 於 11-5-24 11:51 發表
想請教德望家長，她們6月14日考完試後重要返學到幾時先放暑假? 返學又學D乜呀，照教書本嘢，定課外活動呀?

因為想安排出外旅行，所以想了解一下，聽有些人說小學一般考完試就放假啦，但學校校曆寫7月10日 ...

Bon_Bon_Pa_Pa

十月媽咪，多謝妳嘅資料，好詳細呀。
關於課外活動方面，想問吓係學校揀學生適合那樣課外活動，或是由學生揀她們有興趣的報名呀?因為發現最近學校開始揀學生參加乒乓球，羽毛球課外活動，我女都有興趣舉手參加，但話老師都唔揀佢。後來收到通告叫參加PTA暑期班，如果教練覺得佢適合嘅可能再揀佢，好似揀校隊多個似課外活動班。我女完全唔識球類但有興趣玩吓，如果要識先有得玩，咁即係要家長幫佢係外面學好至参加學校的課外活動。這樣好奇怪呢!

十月媽咪

hi, Bon_Bon_Pa_Pa,

唔駛客氣!

据我女所講, 上年只係得合唱團係響學期尾揀選小朋友....無聽阿女講過會響小一時揀小朋友入球類活動喎! (但我知有揀小朋友入田徑隊的)...不過今年小二, 我女話四月時 (唔知佢有無記錯)老師就有揀小朋友入乒乓球....但我都唔SURE佢D資料係咪正確!

課外活動方面, 小二開學初期, 學校會派通告叫小朋友響各項活動入面揀一樣....當時通告內, 免費參加的只有五樣(分別係: 基督小先鋒, 百變小英, 生活真多FUN, 女孩天地, 家政)....其餘既球類活動呀, 樂器呀之類, 印象中全部都要畀錢的 (價錢都合理), 但又絕大部份係三年級或以上至可以參加! (唔知今年會唔會有變呢?)...不過我地開學初期, 其實唔係好睇得明張通告, 邊D係揀得, 邊D係唔揀得, 最後我女揀咗百變小英....

至於今次PTA張暑假球類活動既通告, 我哋二年級都有的, 上年都有派...不過我哋無參加, 地點太吊腳了, 一出一入嘥晒D時間呢!...不過如果你囡囡想參加學校既球隊, 不妨先參加暑期班吧....

easybring

十月媽咪,

想請問小二的星期六上午有沒有要回校的課外活動呢?  現正計劃九月份課外活動時間表.  謝謝.

十月媽咪

呢樣我都唔太清楚...聽講有時合唱團啦, 田徑隊呢D, 間中會返埋星期六的....不過想清楚知道, MAYBE要等嗰D家長回覆至得喇!

easybring

謝謝!

原帖由 十月媽咪 於 11-5-27 17:55 發表
呢樣我都唔太清楚...聽講有時合唱團啦, 田徑隊呢D, 間中會返埋星期六的....不過想清楚知道, MAYBE要等嗰D家長回覆至得喇!