叩門小記

panbaby

去叩門交PORTFOILIO, 是不需要帶小孩的, 基本是你叩得門的學校都是心水學校, 呢啲學校你去叩門, 通常有三種反應:


1) 好系統化, 個個都知佢一定會有一定數量的叩門位, 一些學校會有表俾, 收PORTFOLIO, 收求情信等, 仲會話俾你知幾時收信考試面試筆試等, 連有幾多個位都話俾你知, 好有系統;

2) 你打電話問學校有沒有叩門位, 答你的好多時都話 "冇", 但你唔好100% 信佢, 如果你交便是誠意表現, 啲學校口話沒叩門, 但有時會在門口放個紙箱或揾個校工在門口收PORTLFIOLIO等或你要叫先有人來收...

3) 再有啲真的唔睬你, 連交都唔知點交, 有時冇辦法只好寄掛號, 我只知道唔交實冇機會...


有些家長唔帶孩子去中心看結果, 你話好就可以去飲茶 (我嗰年隔籬嗰收到結果就call 人去飲茶, 要叩門嗰個就面如死灰), 萬一真係唔掂, 好多人會立即揾學校叩門, 基本上是風塵僕僕, 心情沉重, 而且只是去取表交portfolio 呢啲事, 唔會有得見, 老實講, 各位家長叩得門都是勁校, 會唔會有學校俾你即交即見? 你見工可以 Walk-in 見你都唔希罕啦, 對不?


所以, 6月4日最好晨早想定萬一唔掂, 要做什麼, 路線圖, 要帶什麼, 和老公或老婆如何分頭行事, 或你去邊間我去邊, 因為第二天是星期天, 而基本上第一round 交表潮會在幾天內完成, 有啲學校會在幾天內面試, 另一啲會等很久, 而最大的誠意要在6月4日之後才發功...


希望各位家長唔駛叩門啦...

[ 本帖最後由 panbaby 於 11-6-3 01:42 編輯 ]

karen55407

緊係唔會喇！三個都係我好close嘅朋友，之前填表仲大家商量乙部揀邊間。我亦有朋友真係借親友地址抽到喇沙及瑪利諾，不過就不值一提，佢哋敢博又博到，我就唔敢博。

原帖由 jollyma 於 11-6-7 14:26 發表
恕我以小人之心, 你d朋友真係咁好彩?會唔會佢根本用假地址但又唔想人知至咁講.

jollyma

恕我以小人之心, 你d朋友真係咁好彩?會唔會佢根本用假地址但又唔想人知至咁講.

原帖由 karen55407 於 11-6-3 09:41 發表
我有朋友舊年好搞笑，放榜日一早走去協恩、瑪利諾同聖瑪利三大名女校交叩門信。之後先去睇放榜，一心諗住自己46網派邊間都唔會讀，點知自己竟然會派到甲部協恩，真係白走一轉。我亦有另一朋友派甲部瑪利諾和另一朋友派甲部聖 ...

panbaby

唔係間間幼稚園都有成績表, 有啲出名的幼稚園覺得小孩咁細, 唔應該咁早給佢哋玩呢個鬥成績玩兒, 所以只有進度表, 評估之類, 但呢啲幼稚園去叩門都會成功.  所以成績只係其中一個賣點, 而且間間幼稚園的程度都唔同, 當然系出名門又名列前茅梗係有著數啲...

有唔少部分的學校叩門過程會在六月內完成大部分 (不過有些會玩到開學, 主要是因為有很多家長到開學才放個位出來), 唔可以太遲交PORTFOLIO, 如間幼稚園真的較遲出成績或你真的趕住出PORTFOLIO 叩門, 咁大可以將上學期(如有) 附上去PORTFOLIO 度, 而出成績的幼稚園通常又有好多豬肉獎, 咁不妨放埋.  到真係有下學期或全年(最好是標青), 再交一個PORTFOLIO 另附一封短信講明你是誰在幾時交過第一次PORTFOLIO 或幾時面試, 如成績好就著成績講多幾句好話...

祝成功

原帖由 小珊女 於 11-6-7 12:52 發表
幼稚園未派成績表,點算?

小珊女

幼稚園未派成績表,點算?

HappyJolly

Thank you for sharing!

panbaby

有啲學校十分高貴或極難叩門, 佢哋唔會俾每一交 portfolio 的人面試機會, 家長為求一見或一試, 出盡法寶, 不停地update portfolio, 寫信, 等校長諸如此頪, 十分勞累, 有時叩門要去到9月初甚至9月中才有突破...

原帖由 Christi 於 11-6-3 03:35 發表
"而最大的誠意要在6月4日之後才發功..."

樓主,呢句唔係好明白,可否解釋?謝!

panbaby

你仲可以交portfolio時夾埋求情信或其他信.

未有通知時, 亦可以寫信或update 資料, 寄給學校或親手交...

原帖由 yee79 於 11-6-3 17:28 發表
我想問問, 如果學校冇特定叩門時間既, 即哩d 學校都唔會有form 派, 咁係咪都可以照入portfolio (比校工又好, 放係紙箱又好), 只不過唔使填張application form?

panbaby

去已註冊個間取回註冊証, 再交到叩門成功個間並註冊.

原帖由 Freak 於 11-6-3 18:08 發表
我想問. 明天知道派邊間之後, 七號要去註冊, 咁再等扣門那間學校安排面試..若真的面試成功, 要點做呀,

w_y

明天一定又有呢種場面. 諗起都好沉重. 幾年前我見有媽媽果朝仲要返工, 一邊在公司收到結果, 一邊喊. 各位要沉著應戰, 派得好固然開心, 萬一唔滿意, 都仲有叩門可試, 即使開左學都仲有機會, 千萬唔好灰心.

嗰年隔籬嗰收到結果就call 人去飲茶, 要叩門嗰個就面如死灰), 萬一真係唔掂, 好多人會立即揾學校叩門, 基本上是風塵僕僕, 心情沉重,

Freak

我想問. 明天知道派邊間之後, 七號要去註冊, 咁再等扣門那間學校安排面試..若真的面試成功, 要點做呀,

yee79

我想問問, 如果學校冇特定叩門時間既, 即哩d 學校都唔會有form 派, 咁係咪都可以照入portfolio (比校工又好, 放係紙箱又好), 只不過唔使填張application form?

fatmimicat

明白..唔該晒 Geni^^
另外請問自薦信同學校推薦信應該放喺個人檔案邊一頁呢?

leonora1227

睇完這些提示，好D眼濕濕 *_*

原帖由 Geni 於 11-6-3 10:13 發表
當年我怕個仔派得唔好要叩門(最後真係派得唔好要叩門...), 所以之前已經問好哂d target 學校o既叩門程序, 而放榜當日就帶齊哂以下物品:

1) 自行同大抽獎選校表正本+copy
2) 自己身份証同老公身份証正本+copy
3) 小 ...

Geni

原帖由 fatmimicat 於 11-6-3 13:25 發表
唔該...請問有d學校7號之後先收候補生申請表,咁係應該同申請表一齊交份"個人檔案"定係4號先交份"個人檔案"呢!!好混亂~

如果間學校係有叩門程序已經安排好哂o既, 個portfolio 就同申請表一齊交. 如果佢地冇特定時間表o既, 幾時去都冇所謂, 依家又得, 明天又得, 下星期又得.

fatmimicat

唔該...請問有d學校7號之後先收候補生申請表,咁係應該同申請表一齊交份"個人檔案"定係4號先交份"個人檔案"呢!!好混亂~

[ 本帖最後由 fatmimicat 於 11-6-3 13:29 編輯 ]

Geni

當年我怕個仔派得唔好要叩門(最後真係派得唔好要叩門...), 所以之前已經問好哂d target 學校o既叩門程序, 而放榜當日就帶齊哂以下物品:

1) 自行同大抽獎選校表正本+copy
2) 自己身份証同老公身份証正本+copy
3) 小朋友出世紙正本+copy
4) Portfolio幾份
5) 小朋友K1~K3成績表+copy
6) 學生相
7) 回郵信封
8) 筆, 膠水, 較剪, 釘書機
9) 學校地址電話
10) 叉足電o既手提電話
11) 可以o既盡量唔好帶小朋友去, 因為要走來走去, 同埋唔想搞到佢都緊張埋.

GOOD LUCK!!

[ 本帖最後由 Geni 於 11-6-3 10:15 編輯 ]

karen55407

我有朋友舊年好搞笑，放榜日一早走去協恩、瑪利諾同聖瑪利三大名女校交叩門信。之後先去睇放榜，一心諗住自己46網派邊間都唔會讀，點知自己竟然會派到甲部協恩，真係白走一轉。我亦有另一朋友派甲部瑪利諾和另一朋友派甲部聖羅撒，希望你們也能像他們一樣，喜出望外。

redkoni