陳瑞祺= 喇沙小學' ??

joemyt

我在1981年入讀陳瑞祺小學，當時的校監係基督學校修士會的賀文修士(Brother Herman F.S.C.，即係喇沙會)，而在學校的牆壁上係寫上 "陳瑞祺小學 ，喇沙會主辦   Chan Sui Ki Primary School , Conducted by De La Salle Brothers"。即係話呢間學校係由喇沙會辦學；另外，佢0既中學，即係陳瑞祺(喇沙)書院，就幾十年來都係呢個校名。如果真係小學/中學 "盜用" 或者 "非法使用" 喇沙呢個名字，相信喇沙會唔會就手旁觀。

至於兩校師資或學生或家長質數，是否真的天與地？我可以講，兩間學校都有叻人，兩間都有百厭仔。住屋村的未必有工人"使"，亦未必有錢補習，但可能媽媽可以每日親自照顧小朋友，而小朋友亦較生性；住九龍塘的雖有工人，但小朋友可能一放學就將書包拋落地要工人執。呢D只係比喻，即係話屋村都有狀元出，不過佢地行的路會較崎嶇，但當遇到錯折時，亦可能較懂得處理；相反錢來張手的小朋友，乜都好順，但一後遇到難題時，往往不懂應變。

至於教學質數，有人話 CSK 無咁好，亦有人話 LS 老師唔教書。我就睇唔到啦。早幾年我有回母校探校長老師，亦同學生傾過計 (亦有暗中觀察學生)，覺得學生有禮貌。成績方面始終要睇學生本身，再睇埋家庭的支援。唔識又無人問，又無補習，緊係差一點；另一方面，喇沙的小朋友無疑係較"老成"，可能係家庭支援不同，生活層面亦有差異，所以給人較"高貴/名牌"的感覺。

作為一個陳瑞祺舊生，支持母校在所難免；我從未話過自己係喇沙仔，就算在朋友面前，我都會話自己係陳瑞祺畢業，我一D都唔覺得失禮 !

redkoni

原帖由 DaddyX 於 11-6-11 17:29 發表


開頭看不到呢個係樓主
真sorry
似乎佢真係一心呢攪事
大家要大插樓主請繼續

小事一樁,無傷大雅.繼續只是浪費時間,對嗎?

SCKnight

joeymt爸爸講得好，我支持你
況且陳瑞祺嘅學生喺體育方面都不比St Joe或喇沙輸蝕。St Joe同樣一樣有學生講粗口，喇沙一樣有學生行為不檢。
樓主同utcat擺明攪事，我都未聽過有陳瑞祺嘅學生扮喇沙仔。

[ 本帖最後由 SCKnight 於 11-6-11 17:59 編輯 ]

joemyt

死啦，你所講的兩間學校，我個仔都讀過，不過在前者讀了一年才轉去後者.........但係我個仔無講操口，亦無工人。因為我無錢，我都係何文田村大，雖未係社會棟樑，但亦無違害人間。


聽其他媽媽講，話而家CSK，20分都唔係入緊，這點與喇沙相同。起碼，想入CSK的家長，斷估唔會去何文田村住；但根據政府統計署話，每年小一入學 41區，都唔應該有咁多適齡的小朋友，即係話......

咁邊D家長高貴D，邊D家長誠實D ???


兩間學校都好，小朋友知鬼乜野係名校咩! 都係大人講嗟! 最緊要小朋友讀得開心，讀得掂。如果讀唔上，幾"名"都係假 !