高主教小學 vs 港大同學會小學 邊間好

Charlotte_mom

YES, 除左小朋友性格, 仲要配合父母期望, 如果揀錯學校, 小朋友都父母都會好痛苦
或者講講你有咩選校原則??

原帖由 Gerard 於 11-7-3 10:46 AM 發表


兩間是很不同類型的學校, 你要清楚自己和小朋友需要的是什麼, 兩間都是好學校

題外話, 昨天去完港大同學會小學簡介會, 印象非常好

Charlotte_mom

對高主教唔算認識, 只可以分析HKUGA俾你聽
港同係活動教學, 課堂上都有互相既環節, 而老師COVER左基本野之後, 係會要求小朋友再自己去搵資料同消化再變成功課/PROJECT, 呢個係HKUGA基本教學模式, 越高年班越明顯, 所以對自己有要求既小朋友, 可以學到好遠, 由於港同功課比較多OPEN QUESTION, 或者有時答案都無絕對岩與錯, 所以小朋友對自己要求, 同學左幾多/功課有幾豐富, 有絕對影響(你明啦, 一份PROJECT寫2行又得, 寫一本書又得)
講愛心, 港同低年班有各樣支援, 社工係長駐的, 有社交小組自理小組親子寫字小組, 高年班有中英數補底, 我無見過學校為左成績去俾壓力家長或學生, 真係默默SUPPORT的(如果唔係上INTRANET搵通告我都唔知有咁多款式), 我自己都親眼見過我個仔, 因為上堂發夢無做完堂課, 要LUNCH後小息去搵老師, 老師自己無左個BREAK都會1:1陪佢做完份堂課, 我覺得呢D就係愛心

原帖由 AHO8681 於 11-7-3 10:56 PM 發表
仔仔性格比較慢熱，但老師說他認字不錯，而他亦對自己有要求。我諗他需要有愛心的老師，可以引發他的學習興趣。請問應該哪間小學比較適合?

Charlotte_mom

其實唔覺唔覺, 港同出年都十週年架喇......

原帖由 Bluegene 於 11-7-7 12:24 AM 發表
高主教係天主教、有歷史傳统小學。港同就係新學校、新校舍同新課程。

Charlotte_mom

如果你唔識路, 最好搭MTR去柴灣, 出"柴灣公園"個出口, 沿住條橋行去公園, 你一定會見到間學校(3,4分鐘路程啦)

如果你認路都OK, 可以O係銅鑼灣SOGO門口搭8P, 東區走廓後第2個站(HSCB門口, 都好多人落車的), 行2步轉個彎已經係學校, 呢個方法係又快又近的(標準時間SOGO到柴灣12分鐘)

Charlotte_mom

校長話有千幾人去簡介會, 開左好多個課室
其實學校已經做左網上登記, 有得坐禮堂既一早知, 不過想坐個靚位的確要早DD
如果登記時已經話要坐課室, 就要睇直播了, 無登記的話, 到時都可以等一等, 等已登記既入晒, 就可以上課室睇

原帖由 iwff 於 11-7-8 01:03 PM 發表
MTR 指示牌已加了港大同學會小學的名上去了, 好容易找的。

另外, 上星期的簡介會, 我朋友個女做司儀, 佢話坐爆哂禮堂, 有家長要坐入班房睇視像。所以要早d去坐個靚位聽講座。

iwff ...

Charlotte_mom

港同有提供有限度既gifted programme(我唔講大話, 有就係有, 不過真係唔會好似部分直資咁豐富)
數學去到高年班會分流教, 將4班分5組, 最叻同最唔叻果2班會較少人(10幾個), 等老師可以睇住黎教, 而"高b班"會較多高階思維同增潤課程, 事實上, 由1年級開始, 小朋友已可以自由選擇(老師會鼓勵)小朋友做"挑戰站" (for勁既小朋友), 同"加油站"(for需要多d練習既小朋友), 你可以唔交, 但交左老師會幫手改, 亦有奧數班, 算係課外活動型式, 學校亦有通知小朋友有咩比賽讓家長自由報名
支援方面, 唔怕講, 我仔都有adhd, 我對學校既支援就好滿意(我好放心俾我仔讀hkuga都係呢個原因), 試過我仔唔生性, 上堂唔合作唔做堂課, 結果老師係小息1:1捉佢做, 咁岩我o係學校"目擊", 所以我知道老師對呢類小朋友會俾更多時間, 而平時2個班主任都有好密切同我聯絡我仔情況, 有次上網搵通告, 亦見到原來有安排社交小組/自理小組/親子寫字小組等, 我好欣賞學校肯去放呢d資源幫小朋友, fyi, 我地社工係"租"返黎, 全職都會o係度, 所以可以長時間了解同跟進(呢個係男社工, 出年仲會請多一個女社工, 方便同高年班女仔溝通)
學校係主張positive reinforcement, 又會俾小朋友可以日日著波鞋返學可以跑步, 但亦有一定規矩, 我地有good brother/sister(即風紀), 一樣會捉人周圍跑等, 不過懲罰都係罰坐靜思, 或者要去勤學室靜坐, 嚴重d就要去教員室見老師, 但就唔係續樣扣分續樣記過喇

原帖由 Sunnyland 於 11-7-10 12:58 PM 發表
May I ask if HKUGA has any support to gifted children?  For example, for children who are advanced in Maths, would the school provide corresponding teaching arrangement?

How strict is the school towa ...

Charlotte_mom

我鐘意呢句
我呢D SPECIAL NEED小孩既家長, 要湊大個仔真係"如履薄冰", 樣樣都要勞心勞力, 我仔係聰明(CHECK過IQ比正常高), 學野快(當佢有俾心機, 例如1:1時), 但另一方面需要既SUPPORT亦比人多, 如果學校唔包容, 只跟"大路"去做野, 我同我個仔都只會係死路一條, 唔好講學習, 連其他社交人格發展都會出事
感謝主令我小朋友有機會入到一間令佢地有發展空間既學校(要學術OK又肯包容SUPPORT, 唔易搵的), 當年我第一次認識HKUGA, 就係O係BK, 希望我既分享, 可以令更多人有更多資料可以考慮唔同既選擇

原帖由 Sunnyland 於 11-7-12 09:46 PM 發表
May God let all our kids have the best developments.

Charlotte_mom

一個好長既post, 有唔同既家長分享點解揀活動教學, 你可以睇睇:
http://forum.edu-kingdom.com/vie ... page%3D1&page=1

Charlotte_mom

唔係做project多........成日都做, 好花時間姐
我地都有一般功課, 都有工作紙, 有詞語簿, 有grammar exercise, 我記得一年班project有:
英文: 教公園, 要小朋友自己拎個box tissue盒做個公園出黎然後介紹
英文: 用dr seuss reader做教材, 最後要小朋友搵有關sr seuss資料完成一張a3咁大既工作紙(材料題材不限, 可以圖文並貿, 家長要幫小朋友搵資料)
常識: 最後一課係關於中國, 小朋友要畫一張工作紙介紹佢認為中國最"威"既野 <-嚴格黎講唔算project吧, 成日都有d類似既野的
常識: 學期初學保護身體, 要小朋友自己做一本書, 講點樣保護視力聽力等(幾版紙每版一幅畫加1,2句句子)
數學: 用唔同既立體野整一個模型

暫時唸到係咁多

隨住小朋友一路大, 學校要求都會越黎越高, 例如project有指定既sections同guildline, 小朋友1,2年班, 未識上網, print或者search出黎既野太深, 又或者未識將資料運用, 家長就要指導, 大個左, 自然更多部分要自己完成喇

原帖由 WanSze 於 11-7-13 01:28 PM 發表
Charlotte_mom
請問港同p1-P2係咪都係做project 多,不知p3-p6如何?謝謝!

Charlotte_mom

小1,2係持續評估, 即所有上堂表現小組討論, 工作紙, 堂課等全部都計分, 而學校亦間中有評估(你可以叫pop quiz, 係學完既野, 唔會預先通知), 唯一會預先通知家長溫習既, 係中默英默, 所以去到學期尾, 老師會知道每一科, 每一個小朋友名次, 不過唔會主動交代(去到p3-p6成績表都只有分幾級同評語, 唔會有名次)
小3,4一次2次考試, 考中英數, 其他科目都有評估但唔會o係大考特別有一個時間考, 平時有認真學習都唔駛特別溫
小5,6考中英數常音, 其他科繼續持續評估, 都係一年2次

所以其實小朋友不停都有學習同評估, 只不過唔係次次都要大考姐

原帖由 WanSze 於 11-7-13 02:31 PM 發表
謝謝!另想請問, 小學概覽2010的資料提到: 小一、小二不設考試；小三至小六每年兩次總結性評估。 不知道小三至小六所提到的總結性評估是指測驗,考試嗎?因擔心小一至小二沒有考試,到小三才有,家長及小朋友適應不來....再 ...

Charlotte_mom

學校有安排呈分, 有D學生(特別係最叻果批)都會考慮更上一層樓, 每年約有廿幾個學生會走, 都係去一般所謂BAND ONE名校(或者BAND ONE超級名校都有)
而其他人, 好似我咁, 唔好攪咁多喇, 直升啦
而家P1係$2100/1個月, 一年交10個月學費

中一適應問題, 留返俾IWFF答

原帖由 bwm 於 11-7-13 03:25 PM 發表
Charlott_mum,

Thanks for your sharing on hkuga. do u think the kids can adapt normal traditional secondary school after 6 years study in hkuga? will you plan to let your girl to study in hkuga's seco ...