轉校 - 事不延遲

fitceo

我仔仔正正是今年讀緊私小p.5,因為中文唔合格,學校要佢留班, 我地唔想留,而家仲搵緊p.6 學位,真係好煩. 大家如果考慮讀私小的家長,真係要諗清楚. 津校係唔會一科唔合格要小朋友留班的.

fitceo

我在這 topic最初時發言過,我仔仔同樓主仔仔情況差不多, 在6月頭老師call 我話,仔仔如果普通話不合格,將會留班,而我小朋友是p.5的, 因為上一年度佢都係普通話不合格帶科升班, 只有一星期時間就大考, 唯有盡全力去考,結果中,普都不合格,就算同校長詳談之後,都係要小兒留班, 我仔仔本身有中文既讀寫障礙, 學習中文對佢黎講已經好困難,再加上用普通話上中文, 佢係直情抗拒呢兩科的, 我都係同樓主一樣,見小朋友在這校同老師同學相處非常愉快,同埋小兒由2年級轉這私小幾年,都有幸遇到幾位都是有愛心的班主任, 一心想著普通話只是閒科,影響不大,就無諗過再一次去轉校, 想不到學校係堅決要佢留, 若果這裡有讀障的家長就清楚, 就算留多幾多年,其實對小朋友都係幫助不大的, 所以我著手同仔仔搵學校, 呢個月黎,面對無數的失望,要搵到p.6 的學位實在是很渺茫, 教署曾派過幾間小學去考, 有d會俾機會你去考,有d 見過成績表已經好老實地說不符合, 幸運地,在社工提議下,我到一間在家附近的小學扣門, 而又好運地在遞申請表當天,能夠有機會和校長詳談,最終經過筆試後接受小兒的申請,終於搵到p.6的學位了.
在這段日子中,體會到若小朋友成績麻麻, 如果在直資和私小讀的, 學校會怕你小朋友拉低派位率,在p.4時應及早跳船,早早作出準備,p5,6 係非常難去轉校的. 佢地係無有教無類呢d精神.

fitceo

還有在升中派位睇左一排之後,對中學直資都無晒信心,唔想幾年後又玩多一次轉校.會主力去番津校.
一間弱校會想辦法留住學生,一間商業學校會努力做靚盤數.

fitceo

原帖由 corliss_yu 於 11-7-27 21:16 發表
fitceo:
你完全講中晒，我想講的說話。
身同感受，好明白你的感受。這段時間，我真的去搵好多間學校，全部不是名校，只是秀茂X普通不過的學校，但都全部都滿，我打致電教育局，她覺得我囝囝是有書讀，因為她跟我説，學校是不可以以學生成 ...

thanks!

我地一起努力面對將來 ! 加油! 我相信還有很多真真正正從事教育工作的老師和校長的.

fitceo

原帖由 ziyi 於 11-8-1 17:05 發表
其實樓主由最初到現在都只想帶出如主題一樣 - 如果小朋友在不適合的學校就讀,無論老師幾好幾友善.小朋友幾唔想轉,家長應該及早決定轉校.

由始至終不是想說該校的壞話,但發展至今,我覺得對樓主來說,壓力越來越大了

...

非常同意!

fitceo

原帖由 182885 於 11-8-1 16:59 發表
Dear Corliss_yu,

我的兒子在傳統小學名校升小五，但因不能追上其學習的進度及大量的默寫和重覆的練習，於小四的成績大大退步(全班32人，他考27) 及失去學習興趣和自信心，情緒也出了問題！雖然有打算考到其他直資升小五，但考 ...

你住邊區 ?

fitceo

原帖由 182885 於 11-8-1 18:19 發表



fitceo,

葵青區，但小兒在灣仔上学。所以地點不是主要問題。

182885,

唔知點解pm唔到你,可否留email ?

fitceo

原帖由 extra369 於 11-8-13 00:41 發表
同意PMma, 我兒是四小龍那間直X, 這個以成績 (成人世界的業績為主導) 的環境, 給一個才幾歲的小學生壓力很大, 寛容和發展興趣發揮的空間狹小, 我兒那班三年級中文科由九月第一天開學起就日日有TSA卷家課或堂課,  做 ...

至幣在d 小朋友受得壓力受得谷既mami 心目中, 佢地既小朋友無問題,就以為能力不及既係家庭父母唔盡力呢, 相信呢度90%既mami都會著緊小朋友的學業, 事實上唔係你100%付出,就會有100%的回報, 我有兩個小朋友, 1個係好受得谷的, 小5,6兩年因為要應付呈分,要不停去補習, 佢只會口頭有時會呻辛苦,但你叫佢去做多d 習作,佢唔會say no. 唔洗勞氣, 另一個有讀寫障礙的仔仔,就呢幾年,由佢小2開始我用晒我所有的放工假期時間去陪佢學習, 花在佢學習上的心思, 比另一個多幾十倍, 得出黎的結果... 係唔係你盡心盡力嗰個就會100分呢?針唔拮到肉, 唔會知有幾痛的.