對浸信會沙呂小失望

tph1112

小兒曾在浸信會沙田圍呂明才小學就讀，本來派到這間學校是很高興。不過，小兒因成績不好和頑皮，被校長、老師們和班親們標籤。在二年級上學期，因英文科不合格和平均分69分，校長提議小兒下學期降落一年級，校長不理會家長之感受，只著重學校的聲望，沒有關心小兒的心理狀況，我完全對浸信會沙呂小失望，我和太太覺得沙呂小對小兒的處罰太苛克，故此便替小兒轉校。
  最初小兒轉校出現退隱行為，我和太太不斷鼓勵他，終於他開口說喜歡新學校。
    好多朋友說，名校作風就是這樣，我和太太為有接受現實。

[ 本帖最後由 tph1112 於 11-7-22 16:31 編輯 ]

overview

我覺得如果成績唔達標, 都係應該今年留班, 重讀小二.

家長為小朋友揀學校唔好單睇"名", 真係要知道小朋友程度可唔可以跟得上, 明知學校程度深, 而小朋友配合唔到, 真係讀得好辛苦架, 好多學校主科唔合格係要留班, 但你學校要你下學期降落一年級, 好明顯係迫你小朋友轉校, 因為conduct & 學業唔得, 學校就會放棄.

原帖由 tph1112 於 11-7-16 00:52 發表
小兒曾在浸信會沙田圍呂明才小學就讀，本來派到這間學校是很高興。不過，小兒因成績不好和頑皮，被校長、老師們和班親們標籤。在二年級上學期，因英文科不合格和平均分69分，校長提議小兒下學期降落一年級，校長不理會家長之感受 ...

mio8390

家長是瞎目的，只追求名校，沒有想想孩子的能力，所以現時好多名校都有一班成績追不上的學生，等自生自滅。
所以有學者說過，做一線的二線生，還是做二線的一線生會多了機會和快樂？但這個道理是大部份家長不會明白的。

五歲仔

我估樓主的仔可能係年尾出生, 兼且幼稚園讀活動教學少功課那類, 所以基本上,學校在佢小一時,已經要求學生留一年級, 但免強將佢試升, 於2年級上學期仍見他跟不上, 故建議他下學期讀回一年級, 用意應該係想學生打好基礎, 而且學校一年級上學期的學位應該係好緊張, 好難有留班位的

學校可以讓小朋友留班, 其實係好的, 如果年年比佢照升, 照畢業, 你又想嗎? 聽聞喇沙係無留班制度, 多年來, 即使你讀唔到都照升你, 到你畢業時便say goodbye (當然係升唔到自己的中學啦)

qkhui

小朋友本身升小二時, 老師有否說是"試升"

jeremyphlam

原帖由 tph1112 於 11-7-16 00:52 發表
小兒曾在浸信會沙田圍呂明才小學就讀，本來派到這間學校是很高興。不過，小兒因成績不好和頑皮，被校長、老師們和班親們標籤。在二年級上學期，因英文科不合格和平均分69分，校長提議小兒下學期降落一年級，校長不理會家長之感受 ...

我覺得樓主的信仰和學校處理學生事情上是否應分開來考慮呢?

神的救恩和我們一班罪人所做的事真的可以放在一起衡量嗎?值得為了這件事嬲了神嗎?

信仰是那麼兒戲嗎?

tph1112

因為豬流感，所有一年班同學直升。
小兒成績差，但總分是合格，降班的提議真是不能接受。

qkhui

我同意你所講, 信仰跟學校處理問題上真的需要分開來看.
當然明白樓主及仔仔的感受, 但其實如果學校不是對仔仔有信心, 是不需要叫仔仔降班重讀, 因為我知有些學校, 如果覺得這位小朋友沒有進步的機會, 他們是不會級他們留級/降級. 只想他們盡快讀完小學階段擺了.

tph1112

留班降班不是問題，校長對家長之態度......差...是極大問題。

cherry媽咪

[quote]原帖由 tph1112 於 11-7-17 00:49 發表
留班降班不是問題，校長對家長之態度......差...是極大問題。 [/quote

那是她的問題，與基督教何干？我從來唔覺得所有基督徒都是好人！

五歲仔

原帖由 tph1112 於 11-7-17 00:23 發表
因為豬流感，所有一年班同學直升。
小兒成績差，但總分是合格，降班的提議真是不能接受。

因為豬流感而沒有考下學期試, 已經係兩年前的事, 你個仔應該今年9月升小四, 是不是呢? 點解現在才提出對前小學的不滿呢??????

當年我個仔小二, 也沒有考下學期試, 當時溫緊書, 睇住新聞報導話即日停課, 之後仲安排小三的TSA唔駛考, 都幾亂, 我地學校就用上學期成績及下學期測驗成績去決定升班/留班

樓主, 想問呂小升班係唔係主科要合格呢? 還是只要總分合格便可以升班呢?

因為我地學校係要3主科合格才可以升班, 唔合格會補考 (期間學校會同小朋友補習), 再唔合格才留班, 要留班, 都唔容易

校長態度問題, 好現實的, 我相信佢對成績好的學生一定係四萬禁口, 唉……(好多學校都有這問題, 唔係只得呂小)

lrxsam

信神, 唔係信學校....因覺得學校唔好, 就唔信...咁呢二十五年, 個種子只係撒在路旁....可惜!
其實可以同學校傾試升, 最重要係落實自己家庭會多花時間教育...比學校保證, 令學校多返信心...其實小朋友能力差別唔會係咁大, 差別只在家庭所花的時間和資源培養!

tph1112

因為我內心仍然不悅，親子王國討論區是無意中發現，所以有感而發。
  我向教育局申訴，學校應要參照學校行政手冊及小學資助則例去處理留班事宜，但內容中沒有提及降班，我相信降班是校本管理。
  教監說一至三年班沒有降班這回事，因為他們太細，未掌握讀書方法，高年級就有可能，因要呈分。
可惜，我聽了校長的說話，我好不安，當時未有成績表分析，我和太太決定轉校。
  其實，我和學校關係，在小一開學時已經出現問題..........

馬媽媽

Sometimes, it seems that we have the bad experience. But God always gives blessings when we are facing the bad experience. Believe in God and he will guide you and your child. And I think that this bad experience may also be a blessing to your child in long run. Don't get conclusion so soon.

smallmama

如果好似你咁, 我都應該會離開神, 但事實係相反.
我仔當年有幸入到一間出名既男校 (我仔入小一時係津校, 之後的轉為直資), 但不幸小一發現佢有讀障, 學校已經開始每學期成績不好見校長(我仔本身沒努力沒話說), 但當年豬流感要抽他回校考試, 你可想而知我幾咁火, 而且不幸欠小小才可以升班, 結果我選擇離開, 不願佢留級去班直資生一齊, 因為咁佢會仲辛苦, 但幸好神為佢預備另一間好學校, 係呢間新學校, 我仔過了很開心的2年, 相信佢未來呢2年會繼續在這所學校快樂地完成小學既階段.
所以不要為了學校而離開神, 祂一定有祂的旨意在這件事上.
一起加油吧!

[ 本帖最後由 smallmama 於 11-7-19 09:39 編輯 ]

cadamom

同意，再者人的缺點更證明了聖經說得對：
世人都犯了罪，虧缺了神的崇榮耀。
基督徒只不過是個得了救恩的罪人，當我們忘記依靠神的時候一樣犯錯。
樓主決志時相信是決志跟隨神，萬不要為不值得的人失去自己在天的福份呵 ！

原帖由 [

那是她的問題，與基督教何干？我從來唔覺得所 ...