聖公會林護紀念中學

csy_ma

原帖由 csonliuson2000 於 11-8-8 11:24 發表
Wan 2010,

Does your friend's son has a greater pressure ? Because everyone including the teacher/ classmates may expect him to get a high score in every subjects. It would give me some invisble press ...

剛巧有朋友有兩名子女皆唸林護。林護的好處，據她說，就是老師對非精英班沒有歧視。她的兩名子女，皆在數精英（林護有一班數，一班英精英，精英班大班，有時逾四十人，非精英班則小班，大概不逾卅五。不過精英班排位競爭激烈，稍不留神，翌年就跌出精英班。可能因為情況普遍？反而縮短了精英和非精英班的心理距離？），功課壓力不算大。
朋友其中一名子女中文考級十名內，但仍然非常樂意做額外功課來改善中文（碰巧因我答應其做義務中文輔助員才得知）。而其中四的中作，有些可能高於某些大學畢業生程度，這樣也不自滿，可證學風不錯？（其英文也另找現職中學的老師輔助）

csy_ma

原帖由 brian_cheng 於 11-8-19 17:40 發表
奇怪，一路以來D 人都話林護是超精英主義，老師給同學很大壓力。唔通而家變左？
如果我選擇，我會喜歡荃官或者安柱。荃官的學術水平與林護差不多，校風比較關愛；安柱可能學術水平稍為低一D，不過壓力肯定冇咁大。
當然，林護出左一 ...

謝謝兩位有關林護既消息。
我只係反映返林護家長既意見。我囡係林護聯繫小學既學生，但佢同我講，佢死都唔肯揀林護，我地都無可奈何。
不過，佢對林護既偏見，可能係源於我地。因為佢爸有位同事，係林護既高材生，當年年幫學校攞獎，暫取到中大，跟手去咗美國做交換生。佢屋企也很多兄弟姊妹，全家都憎死林護。咁，我地覺得一間學校做到其精英學生都唔鍾意自己學校，好失敗啫，所以由阿囡小一就冇考慮過佢。

而老公話佢新過黎既同事都係林護仔，位畢業生就隱約透露林護為保其100%入U率，有時會左右高中學生投考大學既意向。不過，老公冇詳細問落去。

都另有人有唔同既意見。有位朋友突然發現工作上談得來的同事，好多都來自林護，係比較踏實既一群。相較下，佢會話某名女校既畢業生，目標只係：嫁個有錢人……佢認為林護D非精英班畢業生亦幾OK。

據聞，林護之前既校長對分數好勢利，不過換咗好多年。但係，一校有其一校既校風，校護既家長睇分數好大，咁你可以話好，可以話唔好。好既，係分數論英雄，讀書叻既話，話之你單親公屋綜援戶，冇人會議論，只會更增光環。唔好既，亦可能係呢樣，眼界離唔開分數……

csy_ma

今日好開心呀！因為我教既其中一個細路獲選咗做某社社長 擒日上中文學習小組時，佢出黎對住四個人講今日要對住幾百人講既講辭時，仲係口窒窒，講稿都未寫完。今日睇佢個FB，佢D同學留言話佢最尾果段好touching，咁啱，我就單係唔知道佢末段講乜，因為佢擒日預演時太"行"，我叫佢諗過，同老死度掂佢

家陣我同林護既初中同高中小朋友都有接觸，都覺得佢地都幾上進。好似以上獲選為社長既小朋友，本身成績唔係太好，單親家庭長大，未必算係好有自信。但係，佢想改變，決定報名參選，咁就有咗機會。為咗競選，佢既學習態度積極咗好多：前晚就響FB捉住我同佢D中文成績較好既同學仔，要我地幫佢睇睇演辭，逐句斟酌……

旁觀佢地既社際選舉（仲有學生會選舉），對林護既印象改觀，成績唔好既，一樣有不同既渠道去獲得自信 。班同學仲好有兄弟情，我本來只係答應我囡上開英文既老闆娘，睇吓佢既仔既中文，後來個小組愈搞愈多人，我嫌煩，想減緊D人。班小朋友當堂乖咗，成日同我講我會努力，老闆娘個仔又督促其他同學仔交功課呀咁。至於社際選舉，無論有冇參與，佢地都好關心，一知道結果就唔理上緊堂都忍唔住對賽果議論紛紛（我可能又唔夠惡），唔係好似傳聞般單重視成績。

可借我囡對林護既偏見依然存在，仍然死都唔肯去 ，但其他有返咁上下鬥心既小朋友就真係可不妨考慮吓