昨日買校服一事

vans519

昨日, 我帶同小朋友回學校買校服, 就發生左以下的事:

我: 唔該我要1條校褲, 一套運動衫, 4對socks

校服啊嬸: d socks 冇哂貨喇, 如果你要買, 就要去我地公司買

我: d socks 係唔係一定要有校徵架

校服啊嬸: 通常d小朋友見人地0個d socks有校徵, 都想自己有囉

我: 咁即係唔係著白 sock 都得架

校服啊嬸: 學校冇話一定要點既, 不過通常都有校徵就好d囉

校服啊嬸: 皮帶你要唔要?

我: 咁而家你幫佢執0個條褲, 個褲頭鬆唔鬆

校服啊嬸: 通常d小朋友見其實小朋友有, 都會想要 (我心諗, 唔通個小朋友見人地有d咩, 我都要買俾佢咩)

我: 唔要喇

校服啊嬸: (即黑面)



總結: 0個位校服啊嬸到最後2個問題都係冇正面回答我, 其實可以好簡單答我一句, 可以同唔可以 and 鬆同唔鬆咪得囉, 我感覺佢想屈我同佢買多d野, 因為個故事..............仲未完

番到屋企, 我發覺多左2件恤衫, 同一條褲, 我初初都奇怪, 點解我買咁小野都咁貴, 原來佢博大霧, 自己幫我加order, 學校之前有份通告俾我地, 係寫低要買d咩野校服數量, 然後當日交俾校服商照單執, 我張通告都冇要恤衫, 同埋只要一條褲, 佢就要我買多一條褲同2件恤衫, 好離譜囉

而家我冇理由為左0個百幾蚊, 特登揸車去佢shop退錢, 油錢同隊道錢都唔夠cover, 況且佢都未必會退錢俾你, 要你換貨, 咁我可以換d咩, 我樣樣都齊喇, 而家著唔哂呀, 我覺得佢地好唔老實囉

vans519

exactly, 就係0個個女人喇, 態度真係好差, 一味只係想做生意, 一d 都唔helpful

vans519

好一句奸商, I like it

vans519

今日經開, 攞埋佢執多左, 夾硬要我買既校服去退錢, 佢地真係好衰, 死都唔肯退, 叫我換第二d野, 咁我話我要一件冷背心啦, 之後找番錢俾我, 佢又唔肯, 佢死都話唔可以退錢, 叫我再換多一樣野, 然後我仲要補番錢俾佢, 咩野人黎架, 最後, 我堅持唔換其他野, 只叫佢退錢, 因為我已經讓左步, 你唔妥協, 咁即係, 你有心咁樣做, 然後我仲要再多付錢, 咁樣做生意唔得囉, 我話你唔退, 我就去消委, 最後佢都係退番錢俾我!

大家下次買校服, 一定要小心呢間野既操手問題

vans519

很多謝進媽媽的提醒, 我仔仔今年升讀小一, 請問還有什麼需要注意?