Think Int'l KT (九龍塘朗思) 48人一班的「小」班教學

karaqueenie

我都幫你手POST埋去"朗思國際學校"版啦, 希望學校正視問題

[ 本帖最後由 karaqueenie 於 11-8-19 16:42 編輯 ]

karaqueenie

48人一班真係嚴重影響教學質素, 學校應該好好想方法改善一下

[ 本帖最後由 karaqueenie 於 11-8-19 16:39 編輯 ]

karaqueenie

學校地方係得咁大, 已經係一個事實, 學生又收哂, 又已經係一個事實, 地下得3個課室, 一個比LN, 一個比UN(E/C), 一個比UN(E/PUT), 樓上係比4-6歲的學生, 我相信都係得2個課室, 學校又唔比家長參觀, 所以樓上係咩情況,我都唔知, 而家政府又唔比人"僭健"所以佢地唔會好似舊校咁有個天台, 所以佢地究竟仲可以點改善呢?

karaqueenie

1&2. 舊校以前都係有同類似的事件, 總校長都係置之不理, 仲大大聲聲同家長講: 如果你接受唔到, 可以轉校, 所以反映不滿比校長知, 作用相信唔大
3.佢地又有足夠老師1:15, 同教署反映會受理嗎?
4.而家都差唔多開學了, 沒那麼易找的

karaqueenie

搞到咁大?

[ 本帖最後由 karaqueenie 於 11-8-19 16:38 編輯 ]

karaqueenie

so far 我個女都好鐘意個班主任, 我只係唔想影響到我的小朋友

karaqueenie

一眾朗思的受害者，我地再繼續討論落去都無用，學校未註冊及超額收生，全部都係一個事實，下一步，不如大家想下方法令ＴＨＩＮＫ給我們一個合理的交代，好嗎？

karaqueenie

係Ｋ１，己在８／８／２０１１在林肯道上課,在地下,班房約３００幾尺，現在約有２０多人，因舊生未返，我見佢的壁報版上１﹣１２個月,每月都有３﹣４個小朋友生日，到時九月返整，可能會有４０多人，另外，我也會去２７號的briefing

原帖由 hobby 於 11-8-20 00:01 發表

KARAQUEENIE,
唔好意思, 我想8吓, 你小朋友好似讀K1? 已經係林肯道上課? 地下/樓上? 班房有幾大? 幾多小朋友?
我好相信自己會再打電話去學校問清楚,
唔知大家會唔會出席27/8個簡介會呢? ...

karaqueenie

去其他分校，影響埋其他學校學生咪仲衰？！

karaqueenie

今天校長 briefing完，總括來說，

１．學校希望能在十月份出到教署的批文，現在校長亦沒有忍瞞註冊是真的未完成
２．現在等批的是幼稚園部（即３至６歲），幼兒部（即２歲班）還未開始入紙向教署申請
３．幼兒園部現在４８人一班依然會繼續,不會改變，但就有４個本地班主任＋２個外藉老師＋１個ＰＴＨ老師在場，校長所理解的小班教學是１：７，所以依然乎合小班原則
４．學校不會再有音樂室或圖書室，遲些會安排各自的班房有一台電子琴
５．在所有教署批文完成後，學校會安裝新的滑梯，活動式的帳篷
６．一樓會有play area （約１００尺），但２歲班不會上去，基本上一樓己裝修完成，９月１日會開始正式運作

明白校長也有其難處，亦承諾日後有進一步消息會向家長通告

以上資料供今天沒有出席的家長參考，如有遺漏請補充

karaqueenie

其實可能校長都無預計到教署咁耐都批唔到幼稚園部開課, 可能幼稚園部文件一批, 幼兒園好快也會被批, 你知啦, KLN TONG果D租幾貴, 等得教署批哂先收生, 分分鐘學校會白交一年租, 學校又點會同你冒呢個險丫

原帖由 Cindyjasper 於 11-8-22 00:49 發表

依家校長唔出黎講都唔得啦, 成年件事都揚晒, 再唔講就真係好大獲, 但點解兩歲班仲未入紙申請, 但又一早收生呢?

小朋友一返學就好易病, 如果仲要48人迫埋一個班房, 另加老師咪成五十幾人一班, 班房一有菌就會野開 ...

[ 本帖最後由 karaqueenie 於 11-8-22 10:15 編輯 ]

karaqueenie

但校長亦說, 茶點時間難免48人GROUP埋一齊, 不過我相信茶點時間只是一會兒, 算acceptable, 反而要注意的是傳染病問題

原帖由 hobby 於 11-8-22 09:58 發表

LN - 共48人, 4組, 會2組一group咁上堂, 如果以24人來說, 課室算大, 有3個門口
UN - 1班24人, standard 課室

karaqueenie

反而書簿我又唔係咁擔心, 因為剛開學, 未有咁快要用書, 派習作紙上堂, 同樣不影響上課, 如果你交左錢, 書本遲早都會有, 校長都有講過, 有家長試過在七月份, 因為校舍的理由而退學, 所有費用全數退回給家長, 如果你擔心, 可試下向學校提出

原帖由 iloveu3939 於 11-8-22 01:23 發表
2歲班未入紙？？！！咁即係點？！
上週問過學校，未有確實上課時間表，未有書單，未訂書！
咁收千幾蚊書簿買乜？？
very worry!!!!!

karaqueenie

上年咩事呢?
PN就話可以唔讀住, 3-6歲果D可以去得邊?唔通而家先黎搵學校收?! 校長問題o者, 唔關d老師事, 要識得分開黎睇

原帖由 joeywongmy 於 11-8-22 16:54 發表
不嬲對think既印象都唔好
上年kowloontong學校已經有問題
今年又係咁？

唉
各位家長都係諗諗係咪一定要係度讀
做教育做到咁
仲要比小朋友係度讀4年？ ...

karaqueenie

校長都有提過, 一係返舊校, 一係停課, 直至教署出批文才正式開學, 其實本人prefer 返舊校, 因為老實講, 邊個知教署幾時批得出D文件? 校長果時都一心以為四月出得到啦, 點知到而家都未出到, 四個月又四個月, 唔通要D小朋友無止境停課咩?但係返舊校又係唔係上策呢? 咁多個小朋友迫返番舊校, 到時咪又係48人一班, 問題依然存在, 只不過唔洗擔心註冊問題吧

原帖由 DaisyDaisy 於 11-8-23 08:36 發表
其實我睇完都唔係好明點所指48人部份時間共用課室安排係點，但睇嚟學校未完成註冊就比較大件事。呢家已八月尾，叫d家長點算。各位真係要同學校傾吓可唔可以去舊校或其他分校上住課先，甚至有無其他後路啦。 ...

karaqueenie

我上年都IN過英藝, 一入去果座巨型滑梯, 果十幾架disney正版豬仔車, d外藉老師列隊同你打招呼, 200尺的音樂室, 又有小型圖書室, 又有雨天操場, 又在地鐵站上蓋, 就算interview當日都有外藉老師同你一路玩住唱遊一路等interview, 好多野都令我好心動, 不過我見THINK好似歷史耐D所以最後雖然交左留位費, 但最後都reject左佢地, 唉, 點知而家自己就搞成咁

原帖由 hobby 於 11-8-23 08:48 發表

我估英藝會有位, 因為見到有家長幫小朋友退學, 但有邊間學校仲有位, 真係要蹤間打電話問先知

karaqueenie

其實而家係幼稚園部未註冊好, 又唔係完全未入紙申請, 我覺得3-6歲班留在林肯道, 教署應該會有D情講, 但係如果學校真係連N班都未開始入紙註冊, 不如N班返去舊校果邊, 因為N班在舊校已經註左冊, 林肯道可利用現時N班的課室改建為圖書室又好, 音樂室又好, 等D小朋友多個課室用, 舊校又可以容納返哂PN的小朋友, 本身果邊都已經有4個小課室, 48人分番開4班, 每班12人, 真正係小班教學, 而且舊校本身又有圖書室, 音樂室, 呢個方法會唔會2全其美呢?不如大家比D意見校方

[ 本帖最後由 karaqueenie 於 11-8-23 15:58 編輯 ]

karaqueenie

PN本身都無全日架, 得半日架咋, 3歲班開始就有全日, 四月份開第一次家長會時, 校長話行IB的全日班會在舊校, 但唔知點解, 而家唔理IB唔IB, 一律去哂新校

[ 本帖最後由 karaqueenie 於 11-8-23 16:15 編輯 ]

karaqueenie

係咩??? 你小朋友番緊? 九龍塘WOR?!

karaqueenie

唔好灰心, 看看校長今晚的家長會又有D咩新進展

原帖由 陳犇犇 於 11-8-23 19:28 發表
我都係呀，英藝、芳芳樂趣、YORK、啟思...全部都話收囝囝，點知自己......