統一派位如甲部填區外名校機會是否很渺茫?

夢B

想問吓有經驗家長,如甲部填區外名校,有冇人試過真係得左架?
其實我只係諗住當買六合彩咁,博一博,咁諗係咪好蠢?
我又想問甲乙都填區內名校係咪因為叩門易d?

katrinafu

甲部一定有人得，只是位數很少, 　因為統一派位中是有10%是比甲部不受學校網地區限制 . 即是每間學校會有10%是收網外學生 .
如果抽中,  真係幸運中的幸運 ..

小曳人

有心儀嘅學校就當然要填啦，話唔定中嗰個係你呢？呢填就無得中喎...
我身邊都有朋友由統一派位甲部入到心儀嘅學校！

夢B

唔該晒,另外我想問統一派位係咪唔計分架?

katrinafu

原帖由 夢B 於 11-9-2 16:41 發表
唔該晒,另外我想問統一派位係咪唔計分架?

計分是在第1階段 "自行分配學位" .


自行分配學位 在「自行分配學位」階段，家長可替其子女向一間位於任何小一學校網的官立或資助小學，遞交小一入學申請表，申請該校的自行分配學位。自行分配學位分為兩類： 甲. 供有兄／姊在該小學就讀或父／母在該小學就職的申請人的學位

• 約佔學校小一學額30%
• 未能用盡的學額，學校可根據「計分辦法準則」自行分配
• 如如有不足之數，以原本預留作統一派位的學額填補
• 凡屬此類別的申請人，必獲取錄

乙. 根據「計分辦法準則」分配的學位

• 佔學校小一學額不少於20%
• 若申請人數超出其學位數目時，須按照下列「計分辦法準則」甄選學生.

統一派位 學校須預留小一學額的大約50%，由教育局按小一學校網和家長選擇進行「統一派位」。「統一派位」的學額中有10%是不受學校網限制的，家長可選擇最多三所位於任何小一學校網（包括住址所屬學校網）的小學。 「選擇學校表格」分為甲部（不受校網限制的學校選擇）及乙部（住址所屬學校網的學校選擇）兩部分。家長可在甲部填入最多三所任何小一學校網的選校編號。此外，家長在填寫乙部時，應盡量將其居住地址所屬學校網的小學，按照意願排列先後次序填入表內。

http://www.chsc.hk/psp/psp_content5.php?lang_id=2

HILDA0817

我中咗甲一九龍塘既女校, 我都係好好彩. 不過唔填一定無機會

mission2011

大抽獎姐,唔試下點知自己小朋友有冇運呢.......

angeemama

That's true.  You will never know whether you are the luck one.

My case is similar to yours and I am planning to try on my luck on the first round!!

莎莎莉莉

咁你地會唔會在第一輪填一間唔係自己校網的學校?

人地話, 如果去到扣門時, 你扣果間如果係兩輪都係填第一志願, 機會高d

但係, 第二輪我又填唔番呢間唔係我個校網的學校喎....

Sindy

原帖由 夢B 於 11-9-2 15:00 發表
想問吓有經驗家長,如甲部填區外名校,有冇人試過真係得左架?
其實我只係諗住當買六合彩咁,博一博,咁諗係咪好蠢?
我又想問甲乙都填區內名校係咪因為叩門易d? ...

每間既叩門準則都唔同, 睇下你想叩邊間,早D問定資料... 有D都未必要你一定要簡佢先有得叩架

我都識有人甲部填間熱門既入左, 始終有位係度, 實有人入得到架, 不過就唔係咁穩陣.. 睇下你點部署囉

McBonnie

每間叩門準則唔同, 甘嘉諾撒聖心叩門要不要簡佢先有得叩架? 因為我唔係住中西區, 乙部無得選佢.

easybring

人地話, 如果去到扣門時, 你扣果間如果係兩輪都係填第一志願, 機會高d-----如果你本身同學校無關係, e.g. 宗教or舊生, 而呢間學校又大熱門, 扣門時機會高dd也沒有大用, 太多申請人和你的條件一樣.  睇你博唔博!

原帖由 莎莎莉莉 於 11-9-5 10:33 發表
咁你地會唔會在第一輪填一間唔係自己校網的學校?

人地話, 如果去到扣門時, 你扣果間如果係兩輪都係填第一志願, 機會高d

但係, 第二輪我又填唔番呢間唔係我個校網的學校喎.... ...

Sindy

原帖由 McBonnie 於 11-9-7 09:53 發表
每間叩門準則唔同, 甘嘉諾撒聖心叩門要不要簡佢先有得叩架? 因為我唔係住中西區, 乙部無得選佢.

嘉諾撒聖心.. 我唔係佢代表,只可以講我見到既野,同埋呢兩年換左校長.. 有無唔同左, 我又無特登去收風..

以前聖心係鐘意第一二輪都揀佢既學生, 但下午班計,佢得十幾個位, 佢又有幼稚園, 所以你唔係佢幼稚園,而只靠誠意的, 機會都唔會特別大的..

福媽

我又係想博跨區, 我都驚D人話我傻但話掂都係靠lucky..話唔定有抽獎運...(自我安慰中)

im_csb

老細教落, 我地唔要suprise

mission2011

原帖由 福媽 於 11-9-7 19:08 發表
我又係想博跨區, 我都驚D人話我傻但話掂都係靠lucky..話唔定有抽獎運...(自我安慰中)

如果自己個區冇勿心儀學校，大抽獎甲部揀跨區名校並非儍事，我小明友都係今年六月跨區抽中左九龍塘某間名校.....不過如果我住係e.g. 31區/12區，甲部可能都會揀番本區。

另外,跨區都要考慮下小朋友抽中心儀學校後，洗唔洗長途拔涉番學.....有冇校車/褓母車到.....可唔可能搬近學校等等...

福媽

原帖由 mission2011 於 11-9-8 00:27 發表


如果自己個區冇勿心儀學校，大抽獎甲部揀跨區名校並非儍事，我小明友都係今年六月跨區抽中左九龍塘某間名校.....不過如果我住係e.g. 31區/12區，甲部可能都會揀番本區。

另外,跨區都要考慮下小朋友抽中心儀學校後，洗唔洗 ...

我住大埔想抽91網..交通應唔會太長時間..因爸爸朝朝揸車送小朋友返學..

其實我想請教你..有冇咩策略可以多些機會抽到跨區? 當然我明白都係靠運氣..

甲部填1st跨區..咁2nd係未填本區次熱既學校for保險呢? 定還是2nd都可填大熱既學校...

我好苦惱..請貴人/高人指黠迷津..

katrinafu

原帖由 福媽 於 11-9-8 10:01 發表


我住大埔想抽91網..交通應唔會太長時間..因爸爸朝朝揸車送小朋友返學..

其實我想請教你..有冇咩策略可以多些機會抽到跨區? 當然我明白都係靠運氣..

甲部填1st跨區..咁2nd係未填本區次熱既學校for保險呢? 定還是2 ...

我個人認為呢個派位遊戲真是得兩個字" 賭博 " .  賭博中運氣佔80% , 技術佔20%.

我囡囡今年升小一, 我早於一年多前準備好及裝備囡囡考私校, 已有私校在手,  然後比較大膽少少博間好D的官津 ( 我一向沒有抽獎命) ,  得15分的我選間15分有機會會抽籤的學校 , 但衰了,  統一派位甲乙部的第1志願一定係大熱學校 , 但第2志願是次熱的,  一樣衰哂. 最後是叩門, 叩到間好的官津就讀官津, 叩唔到就私校.

經過一年幾的遊戲 , 經驗話我知, 看你有沒有私校在手,  而當你派不到理想的官津時, 又叩門不成時, 你是會讀私校的,  咁你 "膽博膽 " , 博一博佢 ,  運氣好的第一輪你都成功咗. 但如果是經濟不容許讀私校及直資的, 咁真係填表是慎重想清楚 .

暑假剛開始終於叩到一間理想的小學, 放下了大石 , 當小學迎新日當其他家長很自豪說第幾階段中了這間, 又說好容易抽到入來 , 然而我走的路比他們多, 因為帶著小孩叩門, 慘過自己見工,  面試時她應該會認識的事和字, 偏偏她不回答或答非所問 , 畢竟一個5-6歲多的小孩也有他們緊張的情緒 .

kelly_0404

原帖由 katrinafu 於 11-9-8 10:53 發表


我個人認為呢個派位遊戲真是得兩個字" 賭博 " .  賭博中運氣佔80% , 技術佔20%.

我囡囡今年升小一, 我早於一年多前準備好及裝備囡囡考私校, 已有私校在手,  然後比較大膽少少博間好D的官津 ( 我一向沒有抽獎命)  ...

妳在第一輪交表時已經有私校在手?
私校一般在甚麼時間面試?