K1唔肯番學

HappiMom

個女由nursery升上同一間學校k1, 因為由半日轉全日, 由eng cantonese 轉 eng putonghua, 頭三四日都ok, 跟住就喊唔肯番學, 宜家轉番eng cantonese, 半日, 都係咁喊 (由頭一日係學校都喊, 到哩兩日係學校唔喊,但係朝早就喊到死)

我就快顛, 請問各位高人有無妙計?

anteater

K1好小唔肯返學,可能間學校真係有問題...小朋友喊即係唔想返,以前我個仔讀N1日日都好唔想返學,以為佢仲細...而家轉左校返K1都不知幾鍾意返,看返轉頭,至知以前間N1學校好差.D老師都無愛心

dolphinmama

開左學叫做半個月啦,其實扣埋放假,今天都只係第10天上課,我都覺得仔仔返得好唔自在.........雖然佢冇喊.........

講下佢D反應:
1.問佢鍾唔鍾意間幼稚園,一時話LIKE,一時話唔LIKE
2.問佢咁仲返唔返呀,10次有9次都話返
3.每天差唔多行到學校就會一支箭咁衝入學校&課室,但入到佢又呆呆地,同剛剛的心情好唔match.....
4.放學時,唔知係咪累(眼瞓),會好扭,樣樣野都同我唱反調,過多2-3小時後又正常番......
5.問佢學校做過d咩,就話:乜都冇個喎!起初都有話會食下茶點唱下歌,過左幾日後就話連呢d節目都冇,又話學校冇老師,冇同學,得佢一個,講野9唔搭8,唔知仲以為佢"撞邪"!
6.同佢班主任傾過,老師話佢好活躍,唔太合群,唔專注,成日要叫住佢,但做起某d活動時又好留心.......

唉......唔知點解,我總係覺得仔仔好似唔喜歡呢間學校咁.......但如果真係咁唔喜歡,咁佢又唔會話抗拒返學,咁昕係點呀??????有冇媽咪有經驗分享下呢????

另外,你們剛剛上k1的小朋友,沒有返過pn,在學校會瀨尿嗎?唔計今日(因未放學),佢已經瀨過2次了,主要係冇同老師講,整濕左褲仔,但又唔係真係"瀨左"出來,因為同佢去返廁所佢係有尿尿的.............

好多野都令我好擔心,好不安呀!!!!!!!!請求大家分享下啦!

pooh仔

你小朋友是否剛讀幼兒班？
畢竟是新環境，要比時間佢哋適應！我大仔當年就無鬧情緒，開開心心返學，開開心心放學回家！
但細囡就有鬧情緒，佢就喜歡返學，但在校時老師十問十不應連奌頭都冇呀，返到屋企就大發脾氣，足足維持咗一個
學期。咁我每朝湊佢返學兼與老師溝通如何去做，每日我放工食完晚飯同佢傾有關學校嘅事，但例牌唔答我，如是這晚晚同佢傾計，佢唔答就有得佢，慢慢來！而家高班多嘢講到老師都讚！

[ 本帖最後由 pooh仔 於 11-9-20 15:14 編輯 ]

pooh仔

Deleted!!!

[ 本帖最後由 pooh仔 於 11-9-20 14:45 編輯 ]

ltang7

原帖由 HappiMom 於 11-9-19 21:04 發表
個女由nursery升上同一間學校k1, 因為由半日轉全日, 由eng cantonese 轉 eng putonghua, 頭三四日都ok, 跟住就喊唔肯番學, 宜家轉番eng cantonese, 半日, 都係咁喊 (由頭一日係學校都喊, 到哩兩日係學校唔喊,但係朝 ...

暑假有無上過咩暑期班？暑假係點渡過？
暑假點渡過係會好影响佢返番學既表現。
有d小朋友放完暑假，返番同一間學校都要適應，仲要係全日，更加需要時間。

yfchoy

dolphinmama

其實每個小朋友剛到完全陌生環境總會有點不安，往好方面想，喺證明佢有危機感。每人的適應期亦長短不一(我好明白妳既不安，小女亦是剛入讀k1)，你哋近期的話題是否只圍繞校園生活？既然小朋友有點抗拒校園生活而妳不停追問，佢只會求其答你(別小看現在小朋友的思想，很多事我哋估唔到)。嘗試同佢先由一些開心既話題開始，然後才續少的問佢對學校的感覺。
如果情況持續，你有否想過帶佢去做一些評估？有時可能小朋友對學校的事物不認同便會做出一些對抗行為。別太担心，若真的覺得自己和校方都冇辦法解決，不防害怕尋求專業人士協助。

原帖由 dolphinmama 於 11-9-20 11:08 發表
開左學叫做半個月啦,其實扣埋放假,今天都只係第10天上課,我都覺得仔仔返得好唔自在.........雖然佢冇喊.........

講下佢D反應:
1.問佢鍾唔鍾意間幼稚園,一時話LIKE,一時話唔LIKE
2.問佢咁仲返唔返呀,10次有9次都話 ...

klm402

我女女本身PN班係上午班, 後來到K1就全日, 學校8月返學, 佢日日都樓計唔肯返, 我都好頭痛, 後來到9月1日...新同學仔多左, 有D同學仔喊既時候佢反而唔再喊, 其實老師角色真係好影響小朋友, 你試下同佢傾下計睇下佢點表達你知丫.
我都曾就呢個問題同老師傾過, 老師話半日轉全日雖然都係同一間學校, 但係模式大不同, 所以叫家長們都要耐心慢慢協助小朋友去ADAPT呀.

dolphinmama

我仔仔的情況同你細女真係好似,真係好令人擔心及洩氣,有時仲會反問自己係咪選錯左.......但係.......如果連做媽媽的都洩氣,孩子又怎會再有興趣!?唉.....好矛盾!

原帖由 pooh仔 於 11-9-20 14:39 發表
你小朋友是否剛讀幼兒班？
畢竟是新環境，要比時間佢哋適應！我大仔當年就無鬧情緒，開開心心返學，開開心心放學回家！
但細囡就有鬧情緒，佢就喜歡返學，但在校時老師十問十不應連奌頭都冇呀，返到屋企就大發脾氣，足足維持咗一個
學期 ...

dolphinmama

謝謝你的提議!
真有如當頭棒喝,其實,佢唔肯講學校的事又係咪咁重要?最緊要我知道佢係"安全"就得啦,我都覺得自己係俾左太大壓力佢啦,或者係因為見到朋友的子女都能大談幼稚園的快樂生活,而我個就......所以先咁在意,你講得對,佢唔願講就由佢啦!

原帖由 yfchoy 於 11-9-20 15:00 發表
dolphinmama

其實每個小朋友剛到完全陌生環境總會有點不安，往好方面想，喺證明佢有危機感。每人的適應期亦長短不一(我好明白妳既不安，小女亦是剛入讀k1)，你哋近期的話題是否只圍繞校園生活？既然小朋友有點抗拒校園生活而 ...

yfchoy

如果之前說了些令妳敏感的話，千萬別介意！
不過上星期小女也有點像你囝囝的情況(我以為佢喺學校冇喊，但後來老師說佢頭一星期入課室的頭幾分鐘會喊住叫媽)，當時我都有點surprise。因為小女一直在托嬰園是很開心返學，冇想過會這樣。後來回家問佢鍾唔鍾意新學校，初時話鍾意，一時又話唔鍾意。同佢一齊上車有個同班同學，但佢話個女仔唔喺(當時好担心，解釋俾佢聽咩叫做同學仔。但老師後來解釋可能因為唔同小組學習所以覺得唔喺)。之前第一天同佢返學見班主任時佢都鍾意老師，近日問佢佢又話唔鍾意，鍾意之前(嬰園)老師。當時我都諗點樣可另佢喜歡返新學校。用了一些奬勵說話都不行！後來我決定在自己公司食晏時間送佢搭校車返學(其他家長告訴我那天之前原來佢喺校車喊到pa地)，我間直難以相信佢會咁做(佢自出世到現在從未試過在街外咁樣，那是頭一次)！當時唔知點可令佢開心，當時只想到每天佢離開家之前跟佢通電，令佢知道媽媽愛佢，返學喺必要的，媽媽要努力揾錢不是唔要佢。盡可能暫時要每天送佢上校車(放學時太早走唔到)！同佢講佢叻唔喊就叫姐姐帶佢返去探佢既好朋友和老師。
唔知喺咪真喺有用，我送佢搭校車既第一天佢有點唔捨得，但我不停好似傻婆咁哄佢笑直到上車為止。往後的兩天也不停雀躍地送佢返學，第四天佢已經唔使我陪(第三天我喺突然喺校巴站出現俾佢驚喜)，喺電話同我講佢會唔喊和乖。而老師亦跟我說佢冇再喊。
至於問佢學校情況，這兩天喺我問佢既情況下佢答咗一兩樣我就冇再問。昨晚佢突然對我唱咗首我之前從未聽佢唱過既歌(應該喺校內學)，但我冇問喺唔喺老師教，因為我知道佢開始返學開心便可，佢喜歡講便講。想知道也可以問返老師。

我這個回覆好長氣，希望冇悶親妳同埋我的經驗可以啟發到妳諗到一些方法協助囝囝適應新生活。

原帖由 dolphinmama 於 11-9-20 17:42 發表
謝謝你的提議!
真有如當頭棒喝,其實,佢唔肯講學校的事又係咪咁重要?最緊要我知道佢係"安全"就得啦,我都覺得自己係俾左太大壓力佢啦,或者係因為見到朋友的子女都能大談幼稚園的快樂生活,而我個就......所以先咁在意, ...

HappiMom

我個情況係long story, 一言難盡, 不過總括係同一時間太多野要適應,全日, 語言,新老師,,,之類, 而好重要既係有一個老師比較惡同厭,而課堂安排又有問題,a bad start! 宜家轉左半日幾日jie..暫時覺得真係要軟硬兼施,唔可以只係哄,都要試下嚴肅一d話mami, daddy 唔 開心, 又或者佢喊時叫佢深呼吸之類.....仲有, 同意唔好直接問太多學校既野,如果開心,其實佢地會係言語間表達出來 !

dolphinmama

我又怎會覺得你長氣呢?反而是你願意花咁多時間講述自己的經驗,這對我來說實在是太保貴了!

小朋友要面對一個新的階段,做媽媽的我反而令他百上加斤,我覺得好慚愧!但看見你的經驗,令我重新整理自己的態度,希望真的可以令仔仔舒服一點,事實上,這兩三天來,他都好像"平伏"多了.

dolphinmama

樓主,我們都一起努力吧!希望過多一兩個月,我們可以上來BK報喜,就係大家的孩子都找到了快樂的幼稚園生活吧!

hkka

小朋友晚上幾點睡，夠唔夠精神好緊要。全日班是否有午睡？有無真正入睡得到呢？俾我會同班主任溝通了解吓。

wooho

点算??
開心返;但中途哭(重要係唔收果隻);
問又話開心;但日日Miss要同我了解

怎辦??

yfchoy

囝囝平伏多就好了，慢慢會好起來！小女現在都會開開心心返學，不用我陪亦可。昨日我又突發地去了校車站看看，見到佢對一起等車的同班女同學都唔抗拒，回復以前的活潑，可以放心了！大家一齊努力吧！

原帖由 dolphinmama 於 11-9-21 10:35 發表
我又怎會覺得你長氣呢?反而是你願意花咁多時間講述自己的經驗,這對我來說實在是太保貴了!

小朋友要面對一個新的階段,做媽媽的我反而令他百上加斤,我覺得好慚愧!但看見你的經驗,令我重新整理自己的態度,希望真的可以 ...

sunggie

我女女都係咁,無返過n班,8月初開始返全日制k1, 開初喊,慢慢唔喊,呢兩個星期又喊過,每日起身就話唔返學...平靜咗問佢返學開唔開心就話開心,但就唔想在學校瞓覺,老師都話佢唔瞓覺,2個鐘都可以唔瞓著,無無聊...

有時分組活動時無端端會大喊;玩大肌肉課時就ok;一時又話唔去學校厠所...總之就好似精神分裂咁...老師話可能佢適應時間要長d...

唉...真無奈,都唔知可以做d咩幫佢!!!

yfchoy

知道小朋友哭的原因嗎？妳是否全職湊小朋友？會否每天都會親自送小朋友返學？老師要跟妳了解些什麼？

要知道一點，如果喺全職媽媽整天照顧小朋友，到佢哋要開始返學時通常都較困難。就算佢哋好喜歡學校，但當想到要和之前整相對的媽媽分開是很不情願的。

原帖由 wooho 於 11-9-22 13:48 發表
点算??
開心返;但中途哭(重要係唔收果隻);
問又話開心;但日日Miss要同我了解

怎辦??