參加明年2012大抽獎的荃灣校網家長, 請進來分享一下...

monmonc

各位隸屬荃灣校網的家長, 大家分享一下有甚麼策略/ 戰略參加來年的自行及大抽獎....

荃灣校網只有13間本區中學, 其餘他區的每間中學只分配幾個學位給我們大抽獎, 再加上明年龍年出生率極高, 和縮班問題, 相信戰況更激烈!!

各位家長有何相應計劃?

monmonc

荃灣校網內, Band1英中只有4間, 為荃官, 何傳耀, 可風和王少清.

小兒計劃自行考荃官, 你們的選擇是甚麼呢?

acf

荃灣網只得那4間英中, 小得可憐.  真係不知道有什麼策略.
荃官是荃灣區龍頭中學, 相信很多人自行都會選這學校.

原帖由 monmonc 於 11-9-22 18:03 發表
荃灣校網內, Band1英中只有4間, 為荃官, 何傳耀, 可風和王少清.

小兒計劃自行考荃官, 你們的選擇是甚麼呢?

Lovely媽咪

上年最多人首選一定係官中,其次何傳耀,另林護都多咗人試.
大家留意王少清係冇面試的,真係睇成績.

monmonc

原帖由 Lovely媽咪 於 11-9-23 11:25 發表
上年最多人首選一定係官中,其次何傳耀,另林護都多咗人試.
大家留意王少清係冇面試的,真係睇成績.

始終林護屬他區, 靠大抽獎的幾個位太博了, 有心入應該自行就選它.

王少清沒有interview?意思是自行階段只看applicant的成績資料和教育局的次第名單?

monmonc

荃灣區最top的小學是否荃灣官小及浸聯會? 有否家長會帶小朋友跨區考中學/ 直資或傳統名校?

Lovely媽咪

原帖由 monmonc 於 11-9-23 14:45 發表


始終林護屬他區, 靠大抽獎的幾個位太博了, 有心入應該自行就選它.

王少清沒有interview?意思是自行階段只看applicant的成績資料和教育局的次第名單? ...

林護一定只可靠自行,大抽獎既機會同中六合彩一樣咁難
係呀,王少清講明不設面試,佢都一定有收生準則,將面試既%放埋成績,所以佢成績係佔好重比例

creativy45c

想同大家分享小小經驗，小囡都係荃灣區的BAND1學生，今年巳經升上咗心儀嘅中學啦，舊年我地揀學校時同大家一樣心大心細，最後我地喺自行時揀咗1，可風，2王少清，可風有得面試，而我覺得我囡面試的表現頗成功的， 但是亞囡面試完之後竟然話～千萬唔好比我考到吖！原來亞囡根本唔鍾意呢間學校，所以各位家長就算你幾心儀邊間學校都好，最緊要你嘅小朋友都真係鍾意至好同佢報吖！另外佢有個同學係佢地學校嘅BAND1尾生，但係佢好博喎，荃灣綱有D他區學額，每間都係得4﹣6個位，佢喺攪珠第一位填咗安柱，又比佢得咗！

Lovely媽咪

原帖由 monmonc 於 11-9-23 15:00 發表
荃灣區最top的小學是否荃灣官小及浸聯會? 有否家長會帶小朋友跨區考中學/ 直資或傳統名校?

如果真係講派得最好,聽聞係浸聯會.
點會冇人跨區考中學呢,直資都好多人試啦....我仔學校都有人考到英華,瑪莉諾,蔡繼有.....

monmonc

原帖由 Lovely媽咪 於 11-9-23 16:53 發表

如果真係講派得最好,聽聞係浸聯會.
點會冇人跨區考中學呢,直資都好多人試啦....我仔學校都有人考到英華,瑪莉諾,蔡繼有.....

你小朋友的小學都好勁喎! 請問就讀荃灣哪間小學?

我都有計劃叫小兒考英華, 當是買個保險及多個面試經驗

monmonc

原帖由 creativy45c 於 11-9-23 16:51 發表
想同大家分享小小經驗，小囡都係荃灣區的BAND1學生，今年巳經升上咗心儀嘅中學啦，舊年我地揀學校時同大家一樣心大心細，最後我地喺自行時揀咗1，可風，2王少清，可風有得面試，而我覺得我囡面試的表現頗成功的， 但是亞囡面試完之後竟 ...

謝謝你的分享! 你說得對, 作為家長心儀的學校, 最終都要子女喜歡才行, 因為他們始終是end user! 請問你的小女最後入了哪間中學? 如是王少清, 請問是一間怎樣的學校?

另你的朋友都好博, 放他區的安柱為第一志願, 其實想深一層, 可能就是因為所有人都抱住沒理由將他區放第一的心態, 所以你朋友能一擊即中, 好戰略!

monmonc

請問有否海壩街官小的小六家長嗎?

creativy45c

我囡入咗體藝中學，係佢考入去的，佢宜家讀得好開心！
亞囡好多同學都考到王少清，聽聞校風好好，見佢D同學暑假時都幾本暑期作業，相信都幾多功課吓！

monmonc

大家對可風有甚麼評價? 我唯一不太喜歡這學校是其宗教信仰, 集儒釋道三家, 好像太奇怪, 太複雜了.

monmonc

另各位荃灣家長於今年的自行階段會選哪兩間中學?

monmonc

原帖由 creativy45c 於 11-9-23 19:12 發表
我囡入咗體藝中學，係佢考入去的，佢宜家讀得好開心！
亞囡好多同學都考到王少清，聽聞校風好好，見佢D同學暑假時都幾本暑期作業，相信都幾多功課吓！ ...

真為你感到高興! 你女兒的sports肯定十分標青.

作為家長, 仔女考入心儀的學校比自己嫁到好老公更興奮:

csy_ma

可風而家不只有儒釋道，愛國教育都行得好前。佢本來因為功課量較少，而成為我囡既目標學校之一，點知老公識有朋友既朋友響個度教，話自己都唔係好支持得住果度既愛國教育 咁我地惟有放棄

laushanshan316

請問直資中學, 在九龍和沙田區, 邊間好呢?

monmonc

原帖由 csy_ma 於 11-9-28 12:08 發表
可風而家不只有儒釋道，愛國教育都行得好前。佢本來因為功課量較少，而成為我囡既目標學校之一，點知老公識有朋友既朋友響個度教，話自己都唔係好支持得住果度既愛國教育 咁我地惟有放棄 ...

絕對同意, 我也不太喜歡太左派的學校. 撇除可風, 荃灣區好似沒甚選擇了

monmonc

原帖由 laushanshan316 於 11-9-28 13:37 發表
請問直資中學, 在九龍和沙田區, 邊間好呢?

我也不太清楚, 聽說匯基, 顏寶玲, 聖馬加利, 基督教祟真都不錯....