Band 1 頭要咩條件？

redkoni

原帖由 中英數常 於 11-9-23 10:40 發表
想請問大家，Band 1 頭學生之成績需要合乎咩條件呀？

是否需要：

　中Ａ
　英Ａ
　數Ａ
　常Ａ
　視Ａ
　音Ａ

科科都要Ａ呀？就算一科Ｂ都會跌落 Band 2 呀？

呢個成績表好靚, 可以留番嚟叩門用, 但不能保證是Band1, 更加不能保證是Band1頭!

redkoni

唔怕得罪, 這類所謂 straight "A"s 的小六成績表, 除了報自行和直資或者叩門, 會給學校留下多少好印象之外, 主要還是視乎這間小學的brand name value吧! 否則, 我覺得用相框掛在家, 鼓勵小朋友再接再厲, 幫助會更大.

至於Band1頭的學生成績是否必須要straight "A"s? 也只是家長一廂情願的想法. 嚴格來說, 考完三次呈分試後, 小六學生統一派位大抽獎前才分Banding, 抽獎又無分Band頭或Band尾, 所以是否Band頭巳經再無意思, 反而考完頭兩次呈分試教育局為學生排的territory-wide ranking list就意義重大, 排名愈前表示你好大機會攞到自行和直資面試的入場券, 有得面試才有發揮的機會! 當然, 也有少數學校單憑這個結果作為自行收生的要求, 毋須面試, 出名的例如張祝珊過往的做法.

講番呈分試校內全級排名次, 中英數常視音的比重是9:9:9:6:3:2, 有人以為數學,常識攞100分較容易, 可以拉高名次, 我覺得這是美麗的誤會.  其實小學競爭激烈, 數學,常識攞100分大有人在, 不要以為咁樣便高人一等, 正如家長kls12 指出, 呈分試排名次是以standard scores去比較, 如果數學,常識等學科全級成績的mean是高分的話, raw mark就算攞100分都不算突出, 而家小學生數學和常識閒閒地都平均90分喇. 所以家長fallenleaf 說得對, 除了數學和常識要好之外，其實科科都要好，如果想全級排頭位, 缺一不可, 更要再受惠於師兄師姊的福澤, 成績才可以擠身全港小六年級的前列, 換句說話, 成績表上的"A"s, 只代表來自小學的raw marks, 正所謂各自表述, 我夠話我叻到飛起添, 如果像扮跳橋的李父一樣自以為是, 是否自欺欺人?