一位自稱小學老師,在地鐵兜補習生意...??有D長

ms.aeroplane

今晚同阿女坐地鐵...荃灣線,去到大槪長沙灣站,突然有位女士出現,因為同緊阿女傾計,冇為意佢幾時上車,位女士問我如果去調景領,去邊個站轉車,我指住路線圖話觀塘線尾站LAW...!然後佢就問我個女讀幾年班,我答佢小一,跟住佢話佢係小學教師,教石硤尾某英文小學普通話同英文...我好奇怪問,你學校都係觀塘線喎,點解會唔知尾站係乜...佢話佢冇去到咁遠...所以冇留意!跟住去到太子,我話你唔轉車,跟住佢話有幫人補習,聽日要去調景領個新學生度.,所以問定先..!佢今晚其實會去銅鑼灣幫小學生跟下普通話(果時係差唔多9:00PM),...一路上,佢好積極介紹自己,佢話主要幫人補普通話同英文,會教拼音...作文,閱讀理解,口語...一輪咀講左好多,仲話收費好廉宜只係$125/HR..佢仲比埋自己電話我...然後問我聽日有冇時間試堂,我話冇時間,!只係同佢講我個女已經有個私人英文老師同埋佢已經學左英文拼音,跟住佢就話佢普話係好好,因為佢係好耐之前响北京落嚟,仲即時轉NICAM講普通話比我聽,我話暫時唔需要啦!又過左一陣,佢又問洗唔洗幫阿女做個乜鬼小學評估,比佢做份野,評估下程度之類,我開始覺得佢好煩,我就話唔洗啦...!之後佢就冇再講野,响自己個袋度攞住本記事簿寫下翻左好多頁,佢坐左响我隔離,我只係用眼尾SHAU佢...所以睇唔到本野有D乜,我估佢可能MARK左好多補習schedule,唔知真定假啦,可能搏我望到會問下佢!一直去到金鐘,我同阿女要轉港島線...我就睇下佢會唔會轉車去銅鑼灣,我起身果一下,望一望佢,佢用好平淡(好似冇我咁好氣嘅態度)同我拜拜,但係我冇提佢轉車...唔知係米再揾新目標...請大家小心小心...!!!佢大約三十幾歲!長髮...佢話佢叫DAISY!

[ 本帖最後由 ms.aeroplane 於 11-10-2 00:50 編輯 ]

ms.aeroplane

OMG!!!
今次佢係聖方濟各小學!偽名係DAISY...!電話:6432 0317

佢似乎改左手法!
之前都見到你地個名校老師厄人個POSE,但冇入去睇!
當遇到E個人時,我個腦叮左一下,會唔會同個POSE有關...!

其實冇落搭...係因為見佢好HARDSELL,同埋佢好"CHUR"下,...仲有係我唔會揾現職教師做補習...!佢係勁都唔洗週街WEAR客啦!我問佢做老師好忙果喎?仲幫人補習?佢話佢咁做左七年,時間分配得好好...!

得閒入BK巡下,真係獲益良多...!

[ 本帖最後由 ms.aeroplane 於 11-10-2 10:46 編輯 ]

ms.aeroplane

YES!揾傳媒放佢蛇...俾多D人知佢嘅惡行!

ms.aeroplane

你同佢講唔好再打比你,踼爆佢係厄人,話佢再打嚟騷擾你,就報警啦!!!