評估在即，開始温書未？

8331

原帖由 thatwhy 於 11-10-20 09:22 發表


吓, 唔係呀?

試過有一次，如果成績在九十分以下就要在聖誕假買
一本數學作業做，是全本做完它，我多數幫阿女買一
本最少業數的，哈哈！

kuen2348

原帖由 8331 於 11-10-22 16:22 發表
以前我的小孩在小息和午膳時有時間多就做下功課，
等回家時可以多d時間讓我幫他們溫書，所以他們每
天都可以在九點半上床的。

大家都可以試下這個方法，因為充足的睡眠很重要的。 ...

多謝8331，囝囡都上了中學仍百忙中提點我們，謝謝您！！

thatwhy

今日亞囝派左成績la(英文除外),係電話度佢話比我聽D成績ok la, 每科都係爭3-4分.  但係亞囝話好唔開心,因為話比許老師罸,話仍成績低wor. 心唸唔係ar..

回家了解, 原來祗要拿不到滿分就要番屋企作寫10條應用題,(全班祗有5個人滿分), 佢唔識點作就要我放工番屋企教佢, 用左1.5小時完成2版密麻麻的數學紙. 亞囝寫到手都痺之後仲喊話點解老師要罸?

睇番亞困錯的題又唔係應用題,為何要寫應用題呢? 我知許老師是教開5,6年班的尖子班, 呢套教學方法是否可以識用於初小班呢? 這樣祗會令學生害怕了數學, 家長係屋企點安慰也沒作用.

我明白亞囝讀尖子班是多功課多要求, 但沒想到會以這樣的教學方法。 作為家長, 已盡量教他們溫習做功課, 而亦教導他們凡事盡力而為,盡了努力就可以了, 為什麼作為一個教師唔可以這樣教學生呢?  

許老師係咪唔識中文詞語,可否唔用"罸"呢個字,起碼學生聽起來舒服D.

而家有D後悔亞囝讀左尖子班!

[ 本帖最後由 thatwhy 於 11-10-24 23:38 編輯 ]

kuen2348

我完全唔認同許老師用罸方式來谷起學生成績，這樣只能達短期效果，學習喺長遠，係耐力比拼，這樣會徹底磨滅小朋友學習興趣，我發覺尖子班要求是較高，但我個人覺得分班喺方便因才施教，好嘅继績推動鼓勵，成績差設法補底。唔喺要來標籤！
                就算許老師唔講罰字，但事實喺罰咗，你估啲學生感覺唔到？
                此風不可長，一定要同老師傾，是佢個人問題抑或學校問題？在家長日攞出來討論，睇吓其他家長有否同感，一定要攪清楚！

thatwhy

自問不是一個怪獸家長，直昇機父母，對事不對人。我亦記得莊校長係家長座談會講過,分班喺方便因才施教，拔尖補底，學校不會標籤任何一位學生，家長可以放心。現在我對呢番說話有些懷疑。

再者，亞囝已常對我講：老師話尖子班既要咩..., 老師話尖子班既唔可以咩.....  這樣已加了無形的壓力給學生， 一些學生善於表達情緒的學生就可以和父母傾訴而開解， 但一些學生祗會放係心裹, 壓力愈積積大,隨時不知以什麼方法爆發出來。

thatwhy

其實要評估攞滿分是
1)許老師的要求or
2)尖子班的要求or
3)科主任的要求or
4)莊校長的要求
點解家長手冊無寫?

有無讀其他尖子班的家長可解答我問題呢?

Rainy

許老師係男定女來架, 咁嚴苛....

我果個若係比佢教就大件事, 肯定日日罰...
晚晚收到電話都似....

thatwhy

原帖由 Rainy 於 11-10-25 11:29 發表
許老師係男定女來架, 咁嚴苛....

我果個若係比佢教就大件事, 肯定日日罰...
晚晚收到電話都似....

其實絕對同意成績唔理想既一定要多做練習操fit,所謂玉不琢不成器，自己亦會額外買補充。但亞囝昨晚作寫的10條應用題,好奇怪又不需要計答案wor.   (我估係咪到時交換做呢????)

我驚亞囝未成器之前已經比打碎左! @.@

kuen2348

我囝上年二年級喺尖子班，上學期第七下學期第五，但因操行得C+，三年級去咗普通班，我講出嚟原因唔喺吃不到葡萄是酸的。

上年班主任上學期時經常掛在口邊，你吔喺尖子班，點解考試成績有啲仲低過普通班？
我個人傾向喺老師嘅壓力，以上年為例，班主任教數學，5班數學科老師都唔同，
你可想像吓，一個帶住尖子班嘅班主任，佢教學科成績竟然差過其他班；佢會點諗？
其他老師點睇？

所以咪要攪清楚，早些撥亂反正。點解要用罰唔用獎勵來鼓勵自己帶果班學生？


[ 本帖最後由 kuen2348 於 11-10-25 22:14 編輯 ]

thatwhy

原帖由 ssassa 於 11-10-25 18:13 發表
咁我囡囡都係攞唔到滿分，而要做10條應用題，但呀女又覺得無野，仲好積極出題添呀.......

而我覺得咁樣做都唔算係罪，只不過多左樣功課囉！

唔好講到咩罪咁誇張, 大家祗係觀點與角度問題,明白老師緊張學生先會咁la!

我既問題係攞唔到滿分,祗欠1,2分都比老師話成績低, 而被老師用"罸"呢D字眼,從而打擊學生的自信心.

[ 本帖最後由 thatwhy 於 11-10-25 22:09 編輯 ]

kuen2348

原帖由 ssassa 於 11-10-25 18:13 發表
咁我囡囡都係攞唔到滿分，而要做10條應用題，但呀女又覺得無野，仲好積極出題添呀.......

而我覺得咁樣做都唔算係罪，只不過多左樣功課囉！

我估你所講:唔算係"罪"应是想寫唔算喺"罰"，正是每個人觀点反应不同，妳女女在這壓力下仍能從容面對，真是難得！小數小孩会想我点解拿唔到100分，我應受罰，但大多數小孩会想我己盡力点解受罰，但我個人覺得對任何人来說鼓勵讚賞往往遠比懲罰好，所以我覺得對住一班学生应用鼓勵讚賞方法啱用D。
這是值得大家討論。

thatwhy

29/10 有幸見到許老師,聽到佢說話後,有D都頗為有道理, 亦不是囝囝講咁得人驚.  不過而家知道佢地對尖子班的要求,心諗自己都好難一言兩語改變佢地既教學方法。

不過我仍然緊持教亞囝學習既方法係: 考試/默書儘力而為就可以, 求學不單是求分數! (我亞囝比較受呢種方法)

[ 本帖最後由 thatwhy 於 11-10-31 15:12 編輯 ]

kuen2348

Rainy

請問, 二年級除了要背1-10的乘數表外, 11-20要背嗎?

kuen2348

原帖由 Rainy 於 11-11-9 13:11 發表
請問, 二年級除了要背1-10的乘數表外, 11-20要背嗎?

唔需要。背熟1-10足夠了！

你放過你囝囝啦！

Rainy

好彩, 嚇鬼死我呀

thatwhy

許老師話12都要背wor.

kuen2348

原帖由 thatwhy 於 11-11-11 22:38 發表
許老師話12都要背wor.

哦！我囝二年級無話要，估唔到今年二年級要背，真是意外，亦覺得很奇怪有無此需要。