分享現在考小一的情況

小曳人

出年才到我兒，星期六帶佢返學校上興趣班，見到隔離小學面試，家長帶住一個個只大阿仔少少嘅小朋友去面試，感覺...就好似我都要帶人仔去面試咁！不可思異~ 咁細個人仔就要做大事咁！
出年.. 就到我帶住呢個人仔，去隔離小學面試..

HKPES

I'm so touched by your sharing, Laney.  Thanks.  May the Lord always be your strength!

heiheikwok

本身阿仔可以入 daddy 畢業間小學, 因為有朋友去年有20分第一輪入唔到而要大抽獎, 朋友自己有d內疚, 點解唔好好安排, but final 大抽獎都入到, 佢提醒我就算真係揀個間小學, 都安排下考學校, 一來俾阿仔去試下見識下, 二來自己有個保障.

其實我今年四月先去揀下學校, 我會揀番d 車程唔太長既學校, 一d 超級名校唔會揀, 學費超貴唔揀, final 我都係申請左四間, 之前 in 左一間, 星期六兩間, 仲有一間向呢個月尾.

chanwendy

我由未生小朋友就睇中某私校, 點知唔收, 真係好 sad.  之前一路 plan 好咗就係只報一間私校, 兩間直資, 自行選咗自己校, 一路都覺得呢路係錯的, 亦一路同自己講要以平常心.  私校唔收, 一間直資一路覺得係陪跑居多, 另一間直資其實覺得機會都好大的. 後來機會大的一間直資原來一早安排過一次面試, 所出的 offer 係多過佢的學額, 即係要有好多人 give up 先到我.  自此我又緊張起來了, 面對一直諗住陪跑的一間直資, 又變得更佷入讀.  自己都開始所有時間都諗住呢件事, 一時叫自己要平常心, 一時又平常唔到.

miss_cockroach

我只係幫阿仔報左3間
唔得咪大抽獎and到時叩門
又唔會無書讀

其實依家直資競爭愈來愈激烈
都係歸根於政府唔限家長註冊幾多間直資學校
導致同一批家長有好多offer
有d就一間都無
點解唔可以好似考中學咁
同一時間只可以註冊一間
你收到間好d既offer
咪去註左冊既學校退學囉
咁原本無offer既家長就會多好多機會
亦都唔洗家長咁擔心同恐慌
依家咁既形勢都係因為咁而造成
真係好悲哀

miutang

同意! 老實說, 我都只希望入到個WAITING LIST, 然後待那班尖子選擇好後放返位出來, 有機會WAIT到自己個仔...如果同一時間只可註冊一間, 情況應會好些吧.

原帖由 miss_cockroach 於 11-10-10 13:12 發表
我只係幫阿仔報左3間
唔得咪大抽獎and到時叩門
又唔會無書讀

其實依家直資競爭愈來愈激烈
都係歸根於政府唔限家長註冊幾多間直資學校
導致同一批家長有好多offer
有d就一間都無
點解唔可以好似考中學咁
同一時間只 ...

olimo

由亞仔一出世, 我就開始計劃和留意d學校
想了幾年, 都係覺得政府學校合適

雖然想小朋友讀政府學校, 不過都報了 3間直資
in了2間
我都係話比個仔知道, 去學校玩玩, 叫他給學校打分數, 沒告訴他是 interview

kat0318

我只幫我阿仔報了4間直資/私立.
我一點也不覺得自己不是好媽媽~
我阿仔是超細b, 12底出世. 老公已唔想佢早一年入學.
眼見阿仔的吸收能力幾好, 就俾佢以細b身份係今年繼續升讀k3.
因為佢細, 要同5歲幾的小朋友爭, 已經好辛苦, 所以我寧願報少點.
同埋, 我自己重視愉快學習, 多於一切名聲 (一來他日讀書壓力大, 我又無咁多錢供佢呢樣個樣).
所以只報4間,
現在已in3間, 尚好, 他都話玩得開心.

但由於同一時間, 我亦要同佢參觀數間津小, 以防萬一.
結果, 某日我地準備出外參觀完某幾間津小, 樓下姨姨問他去哪, 他很淡然地說,
"我去參觀小學, 因無人收我嗎~"
心沉了下去, 很傷痛.

所以,
我真的希望在餘下的interviews裡, 他只需開開心心地去面試.
他還少, 只有4歲幾, 真的不希望給他更多的壓力.

WCYH

ｈｅａ係偶然的閒息，愉快學習不代表無目標學習．有少許壓力會令人進步（若小朋友心靈脆弱另計），大力的讚賞支持係令佢有勇往直前的毅力，而不是幫他避開壓力，要教他處理壓力．五歲係小但絕對聽得明道理，現階段就係一個鍛鍊，雖不能說享受，但我看到她進步，有禮貌（不是做出來），已滿足．

仕澄母

其實作為家長，我們都想小孩愉快學習及快樂成長。但到了一些＋字路口，總會問自己可以幫他决擇將來的事總不能隨隨便便入一間連自己都不認識的小學，便說開心學習。始终大家都要面對小五小六呈分試，將來便會發覺要努力考試，會不會已太遲

kit-long

都明白要呈分,現今小朋友過完一關再關

per

原帖由 wing 於 11-10-9 17:51 發表
教育制度苦了家長之餘, 最苦係小朋友

agree!!!!!

laiyuen

我都只係幫呀仔報左3間直資＋1間私校。其實由囝囝出生開始，我地都用聖經既真理去教道佢，教佢要有禮貌，禮讓，見到人要叫人，做天父喜悅既孩子等等，無上面試班，只有上寫字班（因佢手肌差），同畫班（因要幫佢有興趣揸筆）。去面試前，只係同呀仔講到時要有禮貌，識幾多就答幾多，唔識就話唔識，做返自己就得。我地相信天父自會安排一間適合佢既學校俾佢。

仔仔錫錫你

經過數間interview後，令我加深認識小兒。

平時怕羞慢熱的他，只需父母們一句話，即大膽勇於面對回答老師；面對不懂的問題亦能勇於老作到最後才請教老師；在陌生環境自己都未顧掂的情況下亦樂於協助其他小朋友.....   所有面試完了，結果如何也不再顯得重要，因小兒經過多次interview的試練已明顯超越我所定的標準。

希望大家不論小朋友能否入到心儀的學校都給予欣賞的眼光去囋賞小朋友，始終小一面試同我們大人搵工一樣咁難，什至付更難。

mama64

自己壓力大，小朋友也辛苦，在香港這樣的教育制度下只有的是無奈。

Peter2880

原帖由 kat0318 於 11-10-10 14:07 發表
我只幫我阿仔報了4間直資/私立.
我一點也不覺得自己不是好媽媽~
我阿仔是超細b, 12底出世. 老公已唔想佢早一年入學.
眼見阿仔的吸收能力幾好, 就俾佢以細b身份係今年繼續升讀k3.
因為佢細, 要同5歲幾的小朋友爭,  ...

小朋友自己說出"我去參觀小學, 因無人收我嗎", 真令人心酸, 希望大家都成功!

laiyuen

其實大人最好唔好喺子女面前表現到好緊張，小朋友會感受到的，搞到佢地都緊張埋，咁去到面試可能影響表現。我地次次去面試都盡量表現得好輕鬆，同佢講去玩下遊戲又答下問題，識就答，唔識就話唔識。So far我個仔次次去面試都好開心。其實今次只係佢地生命中一個小考驗，未來仲有好多關等佢地去過，大家都take it easy吧！希望大家既小朋友都可入到適合佢地既小學！

莎莎莉莉

原帖由 laiyuen 於 11-10-12 00:06 發表
其實大人最好唔好喺子女面前表現到好緊張，小朋友會感受到的，搞到佢地都緊張埋，咁去到面試可能影響表現。我地次次去面試都盡量表現得好輕鬆，同佢講去玩下遊戲又答下問題，識就答，唔識就話唔識。So far我個仔次次去面試都好開 ...

yes!

今日, 因為已有一間直資學位在手, 去英華IN.
見校長.
阿仔超開心, 出到來, 我問佢做過D乜,
阿仔只係話: 校長同我地玩之麻...

沒有期望, 自然不會緊張了.

lcflks

我個仔去考DBS那天有一點咳，考完試出來，自己第一句就同我講，「媽媽我唔知佢收唔收我，但我聽到老師同另一個小朋友講，咳就唔好來考試，所以我忍住唔咳! 我無咳呀！」我自己聽到已經超級感動，也很自豪，我覺得佢盡了很大努力，原來孩子無形壓力還要比媽媽大！！我一直擔心要不要再報學校，因我只報了兩間，一間是他自己選，一間是媽媽選的，但兩間都是頂頭大熱，機會渺茫，正擔心要不要backup，但看見兒子對收唔收他也著緊，媽媽決定還是不報，等奇蹟等抽獎！！

莎莎莉莉

原帖由 lcflks 於 11-10-12 00:20 發表
我個仔去考DBS那天有一點咳，考完試出來，自己第一句就同我講，「媽媽我唔知佢收唔收我，但我聽到老師同另一個小朋友講，咳就唔好來考試，所以我忍住唔咳! 我無咳呀！」我自己聽到已經超級感動，也很自豪，我覺得佢盡了很大努力，原來孩 ...

乜個老師咁講架.....