選校,可以再來一次嗎?

henchow

上星期小朋友在校內發生一件小事,該事情讓我真正後悔為他選擇了這間學校.

事緣, 今年阿仔讀K1開始(去年在這校讀N1),就一個月有兩次「Show and Tell」時間(一次中文一次英文),當阿仔開頭三次(2次中一次英)都做得好好之際(自己介紹物品而不需要老師協助), 我們就更相信阿仔可以自己應付得到. 但最近一次的「show and tell」,皆因為我沒太多時間和阿仔練習,所以心知可能出來的結果都未必太好,但還是讓阿仔自己發揮. 那天放學, 阿仔告訴我們他沒有完成「show and tell」,因為太怕醜, 還說自己最後還喊了. 不過這一切, 接阿仔放學時老師一句都沒有提到.

平日每天接送阿仔返學放學, 老師都沒有對學生在學校的事告訴家長. 算吧, 平時相安無事都還可以, 發生了這次「show and tell」事件,又竟然一句都唔提. 咁到底要發生咩事老師才會同家長傾?

小朋友回到家中, 阿仔提到他喊得好大聲(好耐沒有喊過),我們就知道他面對著挫敗.挫敗是必然,亦是教導小朋友的好時機,但中英文老師都覺得沒有問題,只是安慰了事,並沒有把握機會去作解釋及教導.

上年我已覺得學校古怪,(如:小朋友返到學校門口所有老師都不會主動跟小朋友說早晨,亦沒有要求小朋友去打招呼)但我一心想課程深D,學到英文就是最重要,所以都算了. 但經過這件事我深深體會到好課程亦要有好老師配合,加上小朋友的好素質,學習才會事半功倍.

當初選這學校, 是因為在網上的口碑及課程,以及派位結果,事實亦如之前預期一樣, 課程的確很好,但...就是空有「硬件」,而軟件質素就欠奉,最終是換來一次又一次的失望.

現在,作為家長的真是感到進退兩難,唯有盼望下一次選小學時,真的是以小朋友的好處作選擇吧!

[ 本帖最後由 henchow 於 11-10-17 23:19 編輯 ]

MBK

其實我覺得遇到好老師係好彩，老師無熱誠，打份工...上堂交足功課，放學唔跟進，家長係無奈的！

無氣同你講

真係誇, 如果咁都要大囉大古CALL家長, 比著我真係煩都煩死, 不過如果真係唔鍾意轉校都未遲

其實有D人要所有注意力係曬自己身上會唔會係一種妄想?一個小朋友咁在意得失又係邊個做成?一定係平時壓力唔細先會對自己要求咁高....真係慘, 得果3歲幾人仔.

[ 本帖最後由 無氣同你講 於 11-10-17 16:54 編輯 ]

Winniestar

Maybe this is the first time, they need time to observe before telling you.

ronniedad

不喜勿插.............我都想知家長會唔會夜晚見到另一半都會同佢講番哂子女今日全日做過咩, 發左幾多次脾氣, 扭左幾多次計, 有咩做得好好......................如只是偶然在情緒發生O既野我相信每個小朋友都會有的, 因一次問題就話想選過另一間或覺得學校有問題又未免.............如小朋友知道原來表達自己O既後果會係出現咁O大既轉變(轉環境), 驚佢第二時發生咩都唔敢同你講你咪仲煩.

dolphinmama

我係一個FTM,唔怕大家見笑,我係真係會日日同老公講仔仔的事,可以話返到學放低佢後就打俾老公講去返學的經過,中午放學後老公午飯時就講放學的事情,晚上又會講全日的總結,乖既講多幾次,曳既又發洩幾次,哈哈~~~

老公對此係樂此不疲的,相反有時真係冇咁多得意野講,或者我顧住睇電視,佢反而問我:今日仔仔冇特別野咩?

大家可能覺得得兩公婆好冤氣,但這也是一種樂趣,只要我的分享唔會影響到老公工作,其實真係好開心架,因為爸爸唔能夠全天候見到個仔,但都會想知佢的生活點滴關所謂點滴,就真係好細好雞毛蒜皮的事囉!

言歸正傳,我估我知係邊間,樓主有感而發,可能同最近見到好多那校新學年INTERVIEW的負面感想有關,因此被觸動了.......

唔係話小小事都要學校通知家長,但既然樓主是親自接送的,交代一句都可以吧!

我仔仔的學校算是出名唔同家長溝通,但每次仔仔有咩"異常",老師一定會同我交代一句.所謂異常,就是平日都冇咁既事,特然今天出現了就要及早了解,正如樓主所講,他仔仔之前的SHOW & TELL都好好,但今次衰左,仲衰得咁慘豬,呢D咪就係異常囉!

關唔關心,唔使好多說話,一句,真係一句就夠!

麥兜MaMa

其實只是小小挫折, 我們家長面對1~2個小朋友, 相對會緊張d.
而老師面對十幾個小朋友. 可能有挫折的不只1,2個小朋友, 場面亦司空見慣, 不覺得有大問題.
如果遇上1,2個十分有心的老師, 能事無大小都和家長談實屬幸運, 更應珍惜.

kufubaby

其實係邊間學校? 有無TIPS? 起邊區的?

dolphinmama

所以我真係覺得自己&仔仔都好幸福及幸運!

原帖由 麥兜MaMa 於 11-10-18 11:13 發表
其實只是小小挫折, 我們家長面對1~2個小朋友, 相對會緊張d.
而老師面對十幾個小朋友. 可能有挫折的不只1,2個小朋友, 場面亦司空見慣, 不覺得有大問題.
如果遇上1,2個十分有心的老師, 能事無大小都和家長談實屬幸運 ...

whychan777

我又會咁諗, 若果一次做得吾好, 老師即刻打黎, 吾多吾小家長變相有壓力......

你的仔仔不嬲表現咁好, 一次失手, 老師可能覺得好小事............細到連佢都吾記得左呢...

pandabonita

或者老師會係評估報告到和家長講lei,又或者你主動打電話同老師傾下先la.

試下想如果每件事做不到都要講,會5會令自己變做helicopter同好緊張 lei? 當然小朋友行為有改變要正視和安慰下,如最後發覺不適合就早d轉.

安安太太

其實每一班裡面都有差不多30個小朋友, 每個小朋友每日或者都會有些事發生, 如果老師樣樣都要打俾家長報告, 確係無此需要!

有些事情家長覺大件事, 但在老師眼裡是十分平常, 我十分相信, 每次都會有小朋友唔識講, 怕醜, 驚到喊!

我相信如果你有任何疑問, 你應該都可以直接打給老師, 我相信老師是很樂意解答!如果老師不需要回答, 這才是問題!

既然你已經選了這間學校, 又何需後悔呢?

kartimmi

我都想知係邊間，可否pm 話我知

sheffield

唔好意，單看你寫的又唔覺得真係咁大件事…其實老師"閱B"無數，見到小朋友喊或因為失敗而喊是非常普通的…大班的有30人，小班的都有15-20人，每個小朋友都有自己的長處，就是短處也會進步，今日係你叻叻，聽日就我叻叻，好普通啫！再者，起點贏不等如以後都會贏，小朋友一定會有機會失敗並要從中學習面對失敗。如一次兩次佢都唔習慣，還是在學校喊，我個人就覺得老師需要跟家長聯絡，讓家長知道要幫小朋友，給他/她多點輔導如何面對及處理失敗。小朋友是有自學能力的，在他們自己學習的過程中，亦同時增加了他們的抗逆力！到他們處理不來就需要我們協助…
除非學校真的好有問題，否則就沒有轉校的需要…每間學校都好有唔好，到你轉到間出名關心學生的，你又會嫌棄佢課程太過淺…

只是個人看法，不喜勿插…

neko1234

我覺得老師無問題..一班廿幾三十個學生..
如果事無大小..都要一一向家長滙報..老師咪好唔得閒..

小朋友做唔到哭喊好正常..呢個只係學習成長中的一個小問題..

或者你覺得老師唔夠重視你個小朋友..但一班幾十人..如果老師花大量時間去關心安慰一個小朋友..呢個小朋友不單學不到獨立,面對困難以及自己處理情緒..還會令班上其他小朋友被忽略..

做父母係有責任自己教導小朋友..唔係一味話老師唔夠照顧..

老師和家長..應該係雙向溝通..你發覺小朋友有問題..你可以找老師...讓老師留意一下..而唔係一口斷定老師做得不夠..始終老師面對幾十個小朋友..唔係太大問題..老師未必注意到...

Charlotte_mom

讚成樓上幾位所講
K1小朋友返學喊, 好平常吧! 而當時亦好明顯大家都知道係小朋友表現失準所以喊, 又唔係不知明既情緒困擾, 如果咁都要求老師滙報, 老師真係好唔得閒
(尢其放學時間, 忙到九彩, 點都要先顧好小朋友安全, 仲邊有時間見家長丫!)

原帖由 neko1234 於 11-10-18 01:11 PM 發表
我覺得老師無問題..一班廿幾三十個學生..
如果事無大小..都要一一向家長滙報..老師咪好唔得閒..

小朋友做唔到哭喊好正常..呢個只係學習成長中的一個小問題..

或者你覺得老師唔夠重視你個小朋友..但一班幾十人..如 ...