學校與補習社

88violin

為何小朋友已經每日返學
都仍然需要去補習? 又或者返屋企,家長再教過? (英,數)

點計係學校學唔識?  反而補習老師可以教的明白!

我好奇為何????? 點計??????
仲有些小朋友需要全科補,咁喺學校整日做咩?

學校老師授課時,不理小朋友是否聽得明都仍繼續教嗎?
小朋友出面如事先補過先可以上堂聽得明,咁其它冇補的小朋友是否就如鴨子聽雷?

我覺得學校可以在教學效率提升,
咁家長同小朋友都可以多些親子時間!

kikiboy

是全班大多數同學都在學校學不懂嗎?
如不是, 我會反問自己, 為何別人的小朋友在校能學懂而自己的小朋友卻學不懂呢?

Wendy212

一至五去補習社的大多是因為家長返工, 無人睇住d仔女所以放在補習社托管做功課, 只係有多餘時間先會比d練習佢地做下, 而唔係真正的補習. 或者有些家長唔識教, 又或者d細路唔聽家長話, 遲遲都未能完全功課, 所以先放喺補習做功課.
其實上堂係大部份學生都會明, 唔明的又唔會出聲問, 咁老師問"你地明唔明白"的時候, 無人答, 佢就會繼續教落去.

88violin

kikiboy, Wendy212
我並非指我家中小朋友,也不是返補習社做功課等家長收工接那些。  只因我看到好多家長都幫小朋友報補習的原因,大多數都係跟唔到學校進度,而且是各種學校都有, 睇到補習社...x研 / xkid , 學英數的小朋友讀名校大把呀, 除咗平日,好多都是星期六日補, 問咗d家長,話唔補會唔掂 ...

Master_Sam

我發現既情況係:

派位的學校收生程度參差, 學校不可能照顧每位學生, 有一些的確進度有問題, 上堂唔明.

有一些是家長真的不能在家照顧小孩, 或不懂教導, 是有需要的.

有一些小孩單獨在家不能自理, 總在熟識的地方HEA.

名校的是人人都要求孩子上課前已預先學習一次, 在上課時已有慨念, 可增加記憶, 快人一步. 就會形成老師越教越快, 唔補唔得.

森森美

Hi miffy,

請問你小朋友是否在油天對面d 補習社做功課, 邊間比較好小小?可否比d 意見
Thanks!

ponysee

今年開學試咗2間,(一間,跟果個老師完全唔得,英文唔識,查電話字典,教錯晒,中文都有好多錯.)補咗半個月就走.
第二間教功課ok,(呢2日測驗,佢地話仔仔多功課,沒時間幫同佢温,又無比卷佢做,沒責任心.)測驗要自己同佢溫.

[ 本帖最後由 ponysee 於 11-10-28 14:28 編輯 ]

ponysee

原帖由 miffy 於 11-10-27 14:01 發表
咁揚??

pls check pm.

miffy
    可否pm補習社個名比我.thanks

88violin

多謝你分享,我好明白需要返工的家長俾子女去補習社做功課的用意,真係對家長有好大幫助,會減輕父母收工太遲跟唔到功課或者冇時間做親子活動的壓力。   我只係希望小朋友在學校每日6-7個鐘的時間充份學到嘢,不只學新嘢,又可以撥時間補底(咁就唔需要再補習),最好再做埋大部份功課,咁就太好了! 我知係異想天開,但又唔想睇到囡囡幾乎每日都做幾個鐘的功課同溫默書


而且我覺得既然學校有教,但放學再花多倍時間去補習的小朋友仲慘

[ 本帖最後由 88violin 於 11-10-28 10:39 編輯 ]

鋒媽

本人覺得補習社只是做功課及看管小孩地方, 在學校8小時都不能明白的, 試問補習社得2-3小時(比例可能是1:20或以上)能否弄明白呢, 而且補習社好與否好在乎家長點睇, 因有部份要求唔欠功課就OK!有部份要求考試都要補習社教到科科90分(註本人不是開補習社), 我本人都不滿意補習社教學的方法.

IntotheSea

學校老師對住咁多學生又要做本身果堆admin野，邊度照顧到你個小朋友？都係教教教教教哂d野就算數嫁姐
出去補習都係想學多d野姐，平時又唔係好多時間睇住小朋友，何況教好佢？我本身都唔識教小朋友學校既野

TwoBabies

補習社好與不好,都係講運數.若果要去好多人的補習社,通常係父母返工,夜返到屋企或者無人教等原因.我亦識得有家長係因為唔想同小朋友破壞關係而去補習,只求做好功課,考試時有人同小朋友去溫習.

事實上,現時家長和小朋友都好辛苦.

ponysee

補習社,只可以跟小朋友功課,默書,測驗要靠家長自己跟.

Master_Sam

補習社可以傾要求架. 我以前起青衣, 依家起太子都係同補習老師講要在測驗,評估前先幚手教好測驗內容, 有時間再完成功課, 因評估前一般較少功課.

不過我揀既補習班都係6個以下, 唔會揀10幾廿人的班. 我知有D補習社收900一個月5天2小時, 太平LA, 唔相信D老師會帮埋溫習. 1400至1800會合理D, 可以有要求.