臨近考試功課比平時還要多-2年級

iwon888

臨近考試功課比平時還要多，好似教唔切監硬趕住教咁....
下星期就考試，日日咁多功課做，連要考d 嘢都未教哂...根本無時間温習.....課程編排好似好亂咁, 老師又趕唔上~

昨天一日之間重要中、英、數，評估一齊做.......
考試都要分開考啦, 又點會有好成績??
阿囡重話小息時, 佢班個班長重無故大哭....聽佢咁講, 個小朋友好似好大壓力~ 為考試而讀書咁, 真替自己個小朋友擔心......
唉~ 今日又考oral, 手冊又唔寫幾時考, 又多功課做, 冇時間練習呀...

其他家長覺得點呀?? 係咪換咗校長後, 教學方針改變咗??
家長日, 校長重話要多看課外書, 邊有時間呀??

[ 本帖最後由 iwon888 於 11-11-10 16:03 編輯 ]

婕婕媽

我囡都二年級...又唔覺, 上星期d功課量同平時差唔多, 而呢個星期d功課仲少左, 教既進步都ok

而評估唔成績計分.......我呢年採取冇同佢特別温, 主要睇佢平時吸收几多, 自己先知真係錯係邊, 再同佢講解....而佢個班又冇同一日評估晒, 最多一日兩樣, 仲要數學係唔會講几時評, 係突擊, 我覺得ok ga, 咁小朋友先知自己真係明几多....

oral...小一時, 佢地手冊都只寫呢個wk oral, 冇特別寫明邊日....所以冇乜大分別

唯一係比小一深左...呢樣又係梗ga la, 阿囡個腦轉唔切, 要花多左時間係數學上.....所以攪夜左

iwon888

無理由喎....每班嘅手冊都一樣喎~ 好似尋日咁, 同一日要連續寫中文詞語單元三和英文 SG5, p.4-5 penmanship, 淨係呢part都寫咗個幾兩個鐘頭...平時邊有2樣一齊寫?? 可能我個囡寫得比較慢或我要求高, 佢話d同學寫到求求其其打風咁都照交, 但我一定要佢寫到四四正正囉...跟住重有數學, 常識........重要上網做HK Reading, 不過大部份學生都冇做呢part~

尋日簽閱嘅中、英、數評估，阿囡話係前日同一日做喎....雖然話唔計分, 但都無理由咁樣test 法囉.....有冇諗吓d小朋友先7歲咋, 因住適得其反~

[ 本帖最後由 iwon888 於 11-11-10 17:11 編輯 ]

婕婕媽

每班手冊都唔一樣, 大家每日上堂分佈都唔同, 中英文同日要抄生字常發生

HK Reading...hehe..我地都冇做, 有時間就會做下

iwon888

估唔到係度開貼呻吓, 今日d功課即刻少哂.....唔通學校都會有人嚟呢度巡吓, 睇吓家長嘅意見??? 係就好囉, 間學校好少俾家長反映意見, 班主任又零溝通, 想跟進小朋友嘅表現簡直難過登天...個內聯網只有一言堂, 完全冇得俾家長反映意見...到有事發生或個班主任忍唔住 or 心情唔好時先嚟嘈家長, 個小朋友基本上返學嘅時間重多過喺屋企, 學校唔同我地溝通, 試問我地又點知佢喺學校乖唔乖?? 咁點解校方一路都冇向家長反映, 我地咪當佢ok, 如一早講嘅話, 做家長咪可以早d跟進和配合囉~

最搞笑聽到個家長話個班主任已經通知佢話佢個小朋友今年好大機會留級....連第一個考試都未考已經判咗佢死刑....既然只係剛開學, 點解唔同家長傾吓有咩辦法幫吓個小朋友, 大家互相配合睇吓問題係邊度....但相反校方已經即刻放棄咗個小朋友....個家長家吓好担心同無奈, 但又唔知點做....唔通學校想汰弱留强??

mrs.lo

我個囡都係二年級學生，佢哋都係好似平時一樣功課量！差不多！其實平估我當老師考試前幫佢哋重溫，睇吓佢哋平時吸收幾多，知佢哋邊到弱，就重點培訓！ 你提到一日做三科評估，我囡都係，重要數學係突擊，英文只係話next week FA only!我都覺得可以接受！
老師都好好，昨日老師打俾我們家長同學係學校同學習情況，同問係屋企做功課有無問題！我仲以為有曳所以打嚟。嚇死！其實小一個時都有！老師好關心佢哋！:loveliness:
你個囡邊班？會唔會同班！:D

iwon888

我真係羨慕你個囡嗰班......你個女喺邊班??
我而家先知原來每班教學進度、功課都唔一樣....咁一定會有做事認真、有愛心和負責任嘅老師, 但遇唔遇到就真係睇彩數.....

mrs.lo

我囡囡都幾好彩，兩年老師都好關心同學，又很同家長溝通！佢又讀得開心！最重要無投訴！我哋啲working mama就安安樂樂！:idea:

婕婕媽

原帖由 iwon888 於 11-11-10 17:11 發表
估唔到係度開貼呻吓, 今日d功課即刻少哂.....唔通學校都會有人嚟呢度巡吓, 睇吓家長嘅意見??? 係就好囉, 間學校好少俾家長反映意見, 班主任又零溝通, 想跟進小朋友嘅表現簡直難過登天...個內聯網只有一言堂, 完全冇 ...

"溝通方面".......手冊度有一欄專俾家長同老師通訊, 每日老師都會檢查手冊, 如有留字必知

如用內聯網, 家長可以SENT EMAIL俾全校師生, 或個必老師....又或者係睇功課個度留言

再唔係可以致電回校, 老師盡可能都會即日回覆

如係小朋友行為上有特別問題, 可揾賴老師(唯一唔教書既老師), 佢係全心全意攪呢方面問題, 好helpful....佢亦拜托家長義工...如執勤時發現某d小朋友有問題要話佢知, 等佢去跟進

記得...有次大雨已經係遲到, 個工人冇帶傘就咁同d小朋友沖返黎, 賴老師同工友即刻拿晒毛巾同衫同小朋友又索又換, 兼提工人姐姐, 甘大雨唔好沖返黎住, 咁沖法小朋友好易病, 呢d情況下可以致電回校講出情況和地點.....睇到呢幕都几窩心

"汰弱留强" ..........um....我見學校為小朋友做補底方面都做得唔錯, 小二比較針對英文科, 比較弱既小朋友係分左小組授教兼係升小二暑假時係有特別培訓....

同埋二年級已有留級生.....如想汰弱....無需要留級, 早d升佢地上, 唔好阻住d位.....呢隻汰弱留强既手法, 係有d學校採用緊.....

婕婕媽

原帖由 iwon888 於 11-11-10 20:06 發表
我真係羨慕你個囡嗰班......你個女喺邊班??
我而家先知原來每班教學進度、功課都唔一樣....咁一定會有做事認真、有愛心和負責任嘅老師, 但遇唔遇到就真係睇彩數..... ...

整體上呢度d老師算唔錯, 又關心學生.....比好多學校好...

BluMa

原帖由 iwon888 於 11-11-10 16:02 發表
無理由喎....每班嘅手冊都一樣喎~ 好似尋日咁, 同一日要連續寫中文詞語單元三和英文 SG5, p.4-5 penmanship, 淨係呢part都寫咗個幾兩個鐘頭...平時邊有2樣一齊寫?? 可能我個囡寫得比較慢或我要求高, 佢話d同學寫 ...

妳個囡是否讀Apple班,據我囡囡講因為要考Oral(中,英都要),所以當一個同學在考時,老師著其他同學在課堂上寫詞語及Penmanship, 其實在課堂中是足夠時間完成的. 可能你真的要求高.

iwon888

多謝哂咁多位媽咪的留言，真係獲益良多.....
如果夾硬升d學生上去，到咗考政府TSA評估時咪會拉低哂學校平均分，好似會影響升中學位....唔係咁咩??  Anyway, 下星期期考，大家一齊努力吧~

hipo

我之前都post咗出嚟問d家長。我個仔都係二年級，都唔知點解都係勁多功課。我個女舊年都係二年級都冇咁多功課做。佢已經做得唔算慢，抄寫又多，抄完中文又要寫penmanship，足足用咗成個幾鍾。我見以前佢在導修課都可以做些功課，但我個仔話而家好多時導修課都用嚟教書。我真係發現而家既小朋友仲辛苦過大人去返工。不過而家既小朋友個個都係咁，唯有大家加油一起努力啦！

原帖由 iwon888 於 11-11-9 20:30 發表
臨近考試功課比平時還要多，好似教唔切監硬趕住教咁....
下星期就考試，日日咁多功課做，連要考d 嘢都未教哂...根本無時間温習.....課程編排好似好亂咁, 老師又趕唔上~

昨天一日之間重要中、英、數，評估一齊做.......
考試 ...

hungrybaby

iwon888 發表於 11-11-9 20:30
臨近考試功課比平時還要多，好似教唔切監硬趕住教咁....
下星期就考試，日日咁多功課做，連要考d 嘢都未教 ...

唔知點解，這個星期的功課比假期（新年，聖誕）還多！造完功課已沒有時間溫習。其他班已教完書，並在溫習考試，女兒那班仍在教書和造功課。下星期考試，怎麼辦? 有無人知道發生什麼事？到底是學校、老師還是學生有問題？

婕婕媽

我個囡個班已教完書, 功課都唔算多

hungrybaby

回復 婕婕媽 的帖子

囡囡昨天功課量如下:
中文科:改進評
英文科:WS Corr and WS, FA Tomorrow (21/2)
Maths: WS Corr, Bk P22-29, Ex 1-2, TSA P48,49, 作業12-14, 改P9-11

今日功課: (少D)
英文科en + Corr, Ws Corr
Maths: Bk P44-47, TSA P10-15 + Corr

真係人都Din, 今日先教方向, 下星期就考試, 你話怎麼辦?

婕婕媽

我聽阿囡講E班老師安排d功課好似多d....但有几多份ws同作業都係一樣甘多, 唔知佢地係唔係老師再額外俾d練習

改正....我冇視為功課, 如果之前做得ok, 都應該唔駛點改, 一日有六樣功課左右都合理

婕婕媽

hungrybaby

睇你囡d功課....數科好似都真係趕趕地, 中英文都教晒?

下星期考試喇~ 希望班細生生性性

hungrybaby

回復 婕婕媽 的帖子

婕婕媽

英文, 數學未教晒。因為WS很多都要改, 所以+埋便很多了。英文ws corr有些是一個月前的功課, 不是額外俾d練習。數學現在才教鈔票, 硬幣, 抓換和方向, 下星期就考試, 怎麼辦? 上學期已經是這樣, 今個學期又是這樣, 到底學校發生了什麼事? Touch wood, 我真的不希望第三學期也是這樣。

婕婕媽

hungrybaby

如有懷問, 可老師傾下, 我個班冇乜呢個問題, 會唔會因為要就全班小朋友既進度, 聽聞有班都係今個星期先教緊方向