陳錦鴻自爆兒子患自閉症 希望有人能幫到他

anan3388

其實佢小朋友有上密集的，並不是不面對現實。

自閉情度人人不同，有冇語言和努唔努力不一定有直接關係，有些努力都未有語言，但有其他天賦的例子快有呀！不我覺得陳生的態度很好，很勇，很配服，希望他也能找到條合適的路

kelvin_hmlau

我都覺得陳生真係有勇氣同樂觀, 是做人應有的態度.
反而A仔程度差異太大, 無人可以寫包單邊樣最work.
佢有錢讀國際請shadow, 相信都有資源做個別訓練.

powersuit

我囝囝與他的小朋友曾在同一私人s位就讀，家長觀課曰那天他也有出席，看得出他是很愛惜及緊張兒子的進度的，我相信他必定也安排了其他training給兒子。那時的他，似乎還有點點迴避兒子的問題。現在他坦然面對兒子的問題，可見他已比之前釋懷了些，至於他談兒子的病時有點避重就輕，我覺得是可以理解的，因為他面對的是公眾並不是自己的親朋，那也是保護兒子的一種行為

anan3388

我覺得佢既態度已經俾孩子一個很 好的榜樣。希望他的孩子可有一天打開度門啦！Pray  for every autistic kids' parents! add oil!

樂心

家長要釋懷, 讓孩子感受到被愛, 而且這愛是無條件的.  因為他們比其他小朋友更難理解情感, 所以我們要明確及重覆地表示出來, 他們才可以接收到.
我兒子6年歲那年, 有一段時間情緒很低落, 覺得沒有朋友, 沒有人願意與他玩, 在校出了一些行為及情緒失控的事件.

現在我很滿意他現時的進度.  

說來太話長.  總之我們的正面態度及包容是對他們極大幫忙的, 大家努力, 不要放棄.

自閉症的光普太大,  我兒的情況應算是輕微.   但資料顯示這障礙是不會消失的.  所以我只能盡力教他處理不同的情景及事情, 希望他可以掌握到一些技巧, 將來可以應付生活所需.
有些 Social Norm, 一般孩子是不用教的, 他們自然會知道.  但自傾的小朋友便要學習, 我們要刻意按不同的事件, 慢慢逐一教. 而且不斷重覆教.  

我和小朋友都在學習.  大家努力 !

P.S. 我兒3歲是確診了有自傾.
       但他現在沒有什麼大問題, 情緒控制方面是比一般小
       朋友差, 現在學習及進步中. 每個小朋友都有或多或少
       的問題, 不單是A仔有問題, 他的問題不是嚴重.

希望以上的分享可以鼓勵大家 !

purplechung

dada5 發表於 11-11-16 13:24
http://dailynews.sina.com/bg/ent/hktwstar/sinacn/20111115/00242917743.html

陳錦鴻自爆兒子患自閉症  ...

陳錦鴻講下都好, 我覺政府真係無咩協助比到我地, 等排學校要1-2年浪費左小朋友醫治時間, 我要不停上網搵資料, 搵方法, 真係咩方法都要去嘗試.
私人機構治療又勁貴, 好彩有其他家長介紹左一間非牟利志願機構比我, 亞囡e+每個星期上45分鐘言語治療.

陳錦鴻話會再生小朋友, 但第一個小朋友係A仔, 細佬妹好大機會都係, 所以請三思!!!

shirleycnf

我連自己朋友同事都唔敢講, 佢真係好勇敢.

shirleycnf

是因為D朋友好鐘意認叻, 自己個仔幾勁, 個女又幾勁

rose-mag

purplechung 發表於 12-3-20 12:04
陳錦鴻講下都好, 我覺政府真係無咩協助比到我地, 等排學校要1-2年浪費左小朋友醫治時間, 我要不停上網搵資 ...

都唔一定，我個仔有自閉傾向，有統感同社交問題，語言有少少遲緩，
但我個女細個仔年半，完全冇問題，而且好醒目學嘢又快，
佢嘅出現反而幫到仔仔；問題係機會率係一半一半，照顧一個已經好花心機，
再有多一個會唔會湊唔嚟，我仔以前學校有個家長，三個小朋友都有問題，
佢幾乎崩潰，如果可以揀，我估佢都選擇唔生咁多個。

waiyuktsoi

我個仔都係自閉.今年高中畢業.煩緊佢既出路

lambk

Did u talk with your son what he preferred?

rose-mag

pipi331 發表於 12-3-22 07:47
若老天爺比面, 再生多一個 唔系a仔, 但比: 讀寫障礙, adhd, 資優...... 是但邊樣都頭痕.
禾識有人, 大仔 ...

係呀，有時個天都好識玩人架，我識人就係大仔資優，冇時停，
教個大都好辛苦，點知個細仔就係語障，好耐都講唔到嘢，
再加上有自閉傾向，佢話原來天堂地獄只係一街之隔。

purplechung

rose-mag 發表於 12-3-23 02:57
係呀，有時個天都好識玩人架，我識人就係大仔資優，冇時停，
教個大都好辛苦，點知個細仔就係語障，好耐都 ...

我都類似, 大囡細過好叻好乖好醒目, 讀書又叻小一考私校同叩門都收.
亞妹評估左有自閉傾向, e+三歲半先開始學講野, 不過英文生字一早就識晒&肯講.
佢地都係天同地, 我起初都接受唔到亞妹係咁, 都有喊架

purplechung

rose-mag 發表於 12-3-22 04:35
都唔一定，我個仔有自閉傾向，有統感同社交問題，語言有少少遲緩，
但我個女細個仔年半，完全冇問題，而且 ...

你好幸運.  
我同亞囡去治療既時候見到有對父母帶住個仔去治療, 大家傾計既時候先知道, 佢仲有一個女都係嚴重自閉症.
有次去聽講座, 有位媽咪都話佢二位小朋友都係患有自閉症.
又有一次去治療既時候同另外一位媽咪傾計, 個大仔讀間私小都幾出名, 我問佢咩事黎, 佢話小朋友專注力不足, 而細仔都有治療, 不過唔記得係咩事.
真係聽完都有的驚, 有一個都咁擔心仲要係二個, 比著我真係接受唔到, 心理壓力一定會好大同自責

rose-mag

purplechung 發表於 12-3-22 20:21
你好幸運.  
我同亞囡去治療既時候見到有對父母帶住個仔去治療, 大家傾計既時候先知道, 佢仲有一 ...

初初我都唔覺個仔有問題，但妹妹係樣樣都快過哥哥，又醒過哥哥，
只係以為女仔有D嘢係比男仔成熟，但因為我對自閉症都有少少認識，
親戚中有人三個小朋友都係，所以我對個仔嘅行為幾上心，
去同醫生講，醫生就話不如做評估，第一二次做嘅評估唔完全，
但就發現有問題，好彩去到做第三次係好正式嘅成兩個幾鐘一次，
分別一次做語言行為，一次做統感，兩個報告出嚟都話仔仔有自閉特徵，
但唔可以講係自閉，界定為自閉傾向，之後就開始做OT同ST，
明顯係幫到佢，而家仲等緊另外一個訓練係幫佢行為果邊。

我兩個小朋友相差年半，但兩個識嘅嘢差不多，而家個女已經識寫字，
識畫公仔，個仔因為已上幼稚園所以識嘅多過個妹，但真係睇到佢係慢D嘅。
我都知我好彩，因為見過一不離二，二不離三，但身邊朋友有自閉兒個D，
第二個小朋友都係正常（全部都係女），不過佢地有D湊得好辛苦，
因為佢地仔仔較嚴重，係唔睬人同尖叫個種，囡囡又細，
仲要花時間照顧，當囡囡扭抱又會忽略個仔，但顧住個仔又忽略個女，
搞到好似兩個都照顧唔到咁。我自己兩個差年半，反而細個湊時冇呢個問題，
而且我仔唔係嚴重同典型果種，佢好鍾意痴住我，要我俾好多注意力佢，
所以初初我同人講佢有自閉問題，個個都話我痴線，點睇我個仔都唔係，
好彩老公肯聽我講，肯陪我去搵評估。

heiheihaha2009

torunpoland

今期明報周刊的封面係陳錦鴻, 標題大約是

停工一年, 自閉兒有進步, 喜見曙光.

相信訪問內容有不少是他的個人感受, 但願給各位家長一點溫暖及支持!

anteater

他的兒子可以公開朗誦,不知道他點樣做到?