小朋友有嚴重鼻敏感, 可分享如何改善嗎?

miriam

我囡囡都有鼻敏感, 之後要佢游水, 另外又玩跆拳道, 依家好少翻發.

五歲仔

我全家都有鼻敏感, 連工人都有, 因為我地住市區, 空氣係好差, 根本上, 係香港, 大部份人都會有鼻敏感, 我個仔小時候都好嚴重, 大概到9歲後就好d, 佢而家沒有游水, 只係差不多日日都有跑, 同埋最緊要佢地識得把鼻涕沬出來, 好似游完水有鼻涕, 我都會有這情況, 只要 “腎” 曬d鼻涕出來, 就ok了


樓主, 你小朋友在旺角返小學, 個區的空氣係差d, 因為我住附近的, 所以基本上, 係無甚麼好建議可以給你, 因為都可以話係無用的 (除非移民, 去d空氣好的國家

TINGMUM

請pm 個e生名同地址比我. 唔該晒!

人地話有效的我都去試. 亞仔歲幾己被醫生話是超敏感bb, 鼻水唔停, 我當時仲以為係傷風.

*人地話某牌子蜜糖有效, 我有長期比佢食.
*人地話游水好, 我就細細個一直比佢學, 到舊年才在佢要求下停.  因對泳池水常有敏感.而家成日逼佢做運動, 希望有幫助.
* 空氣清新機有買過, 作用不大.
* 佢的被枕, 床墊年年換, 因擔心佢過敏. 間房更不準有公仔, 己做得好小心.
*中藥食過一段時間, 但好似一d效都冇.
*冬蟲夏草, 開始食緊....
*天灸, 39天都有做, 冬天傷風感冒係少左, 對鼻敏感冇效.
*脫敏針都問過2個耳鼻喉科e生, 佢地都話我仔連對空氣都敏感, 致敏原太多, 打針都冇用. 不過, 我都會去你的e-生再check check.

*講真, 佢個鼻己被佢捽到鼻頭冇骨似的, 我己預算定將來佢要做隆鼻手術.

*而家噴的類固有醇是3合一, e生話噴一星期就一定要停一停 . 初時好d,而家一噴完, 佢就不停打"哈痴" "什" 鼻, 有時眼都腫埋, 見佢咁真係好心痛.
*  專注力方面, 講真是非常差. 鼻敏感令佢好難專注做功課 以及影響社交.

TINGMUM

五歲仔 ,

"除非移民, 去d空氣好的國家"   每次見耳鼻喉科e生都講呢句.  真係好無奈!

仔仔錫錫你

1 空氣清新机長開
2 保持家居清潔
3 多做運動可增強抵抗力
4 中醫要睇幾個先可以揾到一個＂挾＂調理身體
5 西醫可試下早前無線laughting 哥果個皮膚專科，我老婆係nurse,佢話呢個係名醫，好掂亦好貴，睇3-4次應該攪掂

TINGMUM

可唔可以pm個中醫的全名比我. 我都想試一下針灸, 睇下如何.

我問過一個區內有d名的中醫師, 佢話中藥加針灸起碼要連續一年以上. 不過唔包搞得掂. 但體質就一定會有改善.  

其實一年針灸, 會唔會搞到成面針洞跡? 有d擔心!

pandabonita

或者搵d5用chlorine泳池試下(好似用双氧代替).
雖然hk overall 空氣好差,但有些地區相對上會好d,天文台好似有d data,同住高d又會好d.

急急媽咪

我小兒(現小一) 每朝起床打十幾個"核次"又"摔眼". 成日流鼻涕. 食藥好幾日又再復發! 已經有遊水, 床上沒有毛公仔, 一個星期換一次床舖. 唔知點可以幫佢? 凍嘢已經唔比佢食. 見您們各位媽咪話食 "冬虫草" , 請問 6歲可以食嗎?
點煮?

anteater

從生活細節入手,家裹的窗會完全關上,因為一開窗就有塵流動,對鼻敏感不好,總之一定不要讓他一起床就打X次,一流鼻水,成日都好難搞,

起身要:
1)穿多一件衣服,
2)不要呆著座,
3)飲溫水
4)關窗

五歲仔

原帖由 急急媽咪 於 11-11-23 15:22 發表
我小兒(現小一) 每朝起床打十幾個"核次"又"摔眼". 成日流鼻涕. 食藥好幾日又再復發! 已經有遊水, 床上沒有毛公仔, 一個星期換一次床舖. 唔知點可以幫佢? 凍嘢已經唔比佢食. 見您們各位媽咪話食 "冬虫草" , 請問 6歲 ...

朝早的氣溫較低, 如果一起身打好多噴嚏, 試下唔好用個鼻呼吸住, 用口呼吸, 等個鼻適應左個溫度, 才用鼻呼吸, 係專家教的, 我就非常有效, 你可以教你的小朋友

TINGMUM

anteater ,
1)穿多一件衣服, 有做
2)不要呆著座, 有做
3)飲溫水, 冬天就一定, 夏天間中有飲涷野
4)關窗 ... 真係好重要, 特別而家天氣開始涷, 朝早x次好辛苦...

bb560

樓主可以試下‘捏脊’，我囡囡的鼻敏感也是這樣好好多，還高了。‘捏脊’是一種按摩穴位的方法，不用化錢也沒有副作用，但你和你仔都要好有耐性，因每晚睡前也要做。

‘捏’意思是用拇指和食指及中指夾着脊骨兩邊的皮肉，從臀部做到頸，先用拇指推（推時要用少少力按下去），後用食指和中指一起夾向拇指處，（之後再重複用拇指推，後用食指和中指一起夾向拇指，一直做向頸部，做到頸部爲一次，做十次）當然媽媽要兩手一起做。

因脊背兩邊有凹位，那裏有很多重要穴位。

pandabonita

但如氣管敏感就最好小心d. 好似我囡咁,兩樣都有,就只好在家keep住contant d 的溫度和濕度.

原帖由 五歲仔 於 11-11-23 23:48 發表
朝早的氣溫較低, 如果一起身打好多噴嚏, 試下唔好用個鼻呼吸住, 用口呼吸, 等個鼻適應左個溫度, 才用鼻呼吸, 係專家教的, 我就非常有效, 你可以教你的小朋友 ...

[ 本帖最後由 pandabonita 於 11-11-24 16:28 編輯 ]

HgI

我曾在夏天時做天灸, 效果很好,有人話做天灸要連續做三年, 要有恒心。另在家用空氣清新機。

TINGMUM

唔該晒, 會試下做!

TINGMUM

有冇人用緊果部rainbow 用水除塵機, 覺得好用嗎?  報價要hk$27000, 好大部, 覺得好貴, 但又d心思思想買.

meemeefung

這是一個中醫教我的，如有鼻敏感可以每天早晚用鹽水噴洗鼻子，作用是清潔鼻孔。據我一家人的經驗所得，效果良好，但需持之以恆起碼一個月才有效，這些鹽水在藥房有售，不含類固醇或藥物，沒有副作用，且費用很低，可以長期使用。雖然這方法只能治標，但也可對敏感的情況大為改善，減少發作的次數。如情況嚴重我才帶兒子看醫生，吃抗敏藥和用醫生給的噴鼻藥水。另外留意家中環境，塵蟎是主要的致敏原，孩子的床單，枕頭套，被套要每4天洗一次，還要用熱水浸洗，才能徹底沙殺滅塵蟎。

林嬌嬌

我仔九歲，鼻敏感，氣管敏感，濕疹，食物敏感，都有。

我覺得冇方法解決的，只有見步行步，小心留意有咩不妥立即出手。 我分享自己方法。

1）不要游泳池，因為泳池水太多化學物致敏。我仔本身冬泳亦有游，去年決定不再游。的確減少經常鼻子不適。

2）鹽水是可經常使用的，牌子是sinomarin. 天然成分。早晚及任何須要清潔時。

3）有時在街上冇藥冇鹽水，可以找一杯熱水來蒸鼻腔，然後 *sang* 出鼻液分泌。重點是清潔鼻腔污染物。

4）鼻子和頸不要著涼，早上出門冷要用口罩，夏天晚上睡覺只用風扇。

5）天灸有做。manuka有需要時有飲。有時候做多些運動，行山呼吸新鮮空氣，單車跑步。一個月平均一兩次。重點是，放假要多接觸戶外空氣及深呼吸。

6）一見亞仔有打噴次，我已立即action,叫他噴avamys.(代替睡前一次）用三天至七天不等。這藥是低劑量類固醇，吸入最直接解決又不進入身體循環系統。

7）當狂打噴次，要立即服抗敏。xyzel.加傷風藥，有鼻塞，加服zytecD很見效。當然要洗鼻及噴鼻。

8）rainbow 吸塵機有用過，不過我不覺得其他吸麈機會差些。重點是睡房要少塵埃。

9) 天氣轉乾，我用放濕机加尤加利精油。空氣會清新舒服些。

10）每星期煲一款雜菜湯，蔬菜隨便加三粒蒜頭一個洋葱，（紅菜頭如有更好）增強抵抗力。

11）青蛙仔，食過不知多少盒？！我仔大半年冇食了，似乎冇食都可以。

我仔的鼻要好小心睇，鼻水會引起咳，變成氣管咳，食唔到睡唔到，辛苦到入院住要聞氣。好彩沒有哮喘。試過鼻水流去胃，他會反胃，胃痛。

總之，盡一切能力阻止他病。其實，鼻敏感，氣管敏感，濕疹，食物敏感，冇離開過亞仔，只是，能夠控制便是，不會好像之前般受苦。

加油，不要氣餒！一定可以控制的。

bb560

樓主如果同囝囝捏脊,需要五星期才會見效. 你可以去書局看一看這本書.....特效按摩1 神奇穴位使用手冊 p.290 有提及關於捏脊，前一兩頁有提關於腸胃保健 ， 按摩腹部。。。。我看見有另外一本書說濕疹的成因是便秘。
書局還有其它關於保健的書，你可以去看看。