本身是自閉現在又懷疑仔仔有讀寫障礙,點算好我好唔開心!!

媽咪保保

仔仔今年是小學1年班, 最近考試或小測發現他中文填充或閱讀理解完全唔識做, 而且聖經及常識都不合格不懂得將答案填寫, 另外每天寫手冊都不完整, 字體有些是寫錯, 他會將字體加上了一些筆劃好怪, 但中英默書及英文科就沒有問題, 我都不知道他是讀寫障礙還是語言理解有問題, 但言語治療師就覺得佢理解唔係太差只是弱少少, 我跟一些專業人士傾過佢話懷疑佢有讀寫障礙, 我聽到又好似覺得有啲似, 但我聽完後細心想了成晚都訓得唔好, 因為我仔仔本身有自閉傾向, 經過不段訓練情況改善了好多, 而且他是讀主流學校, 只是專注力較差語言表達都沒有問題, 我覺得我已經好努力幫仔仔去改善仔仔情況但現在又發現有另一個問題, 我真係覺得好唔心有時又覺得點解個天會感對我, 我不段努力但都要不段去考驗我, 我真係覺得好辛苦, 我本身又要工作而且又要照顧第2個小朋友, 當然我都明白我比有啲人好幸運起碼佢身體健康, 但有時又會覺得點解我仔仔唔可以好似其他人一樣, 偏偏又要選擇我仔仔, 照顧一個自閉小朋友其實比其他小朋友要花好多時間, 如果佢再有問題我要花更多更多時間, 所以我真係覺得冇氣力又要工作, 我真係好唔開心, 但我都會積極去面對, 我知道如果我唔幫佢冇人可以幫到佢, 希望各位家長可以比比意見我應該要點做好. 謝謝

[ 本帖最後由 媽咪保保 於 11-11-23 11:11 編輯 ]

kelvin_hmlau

人生本是不公平. 有的人不努力就得不到想要的東西. 有的人不努力就可以一直得到. 或許反而幸運也不一定, 這樣努力不懈之下, 可能會比其他人獲得更多.

講返正題, 我知道如果學校知道小孩有學障, 應該會在課程有適當調適, 例如延長考試時間, 協助書寫等. 另外一般OT 都會關注小孩寫字, 例如照抄圖形, 執筆姿勢, 力度, 書寫流暢等.

加油!

kinkwongwun

首先妳要明白同接受佢係有自閉症傾向，其實有自閉症嘅小朋友我哋話佢哋係呢個污染世界中嘅小天使，天父關上佢一道門會為佢打開另一道門!所以妳放心，佢唔會俾呢個咁嘅世界影響到係佢嘅長處!
妳可以試吓搵CP(臨床心理學家)幫吓佢，我做緊嘅機構有呢D服務，但我唔係道賣廣告啦。
另外其實我個仔同妳小朋友嘅情況可以話係99%一樣，今年升小一，有自閉症傾向，語言發展遲緩，社交能力差。但佢好有音樂天份，雖然係"死背"又唔識變通，甚至可以話係"死咕咕"，但係可以憑記憶砌300塊砌圖，同用琴"督"到成首歌喎~呢D咪要欣賞同發展嘅地方囉!而且佢幼稚園只係得2個學生可以係"自行分配"中中獎，咁唔係代表佢叻，而係代表作為父母幫佢揀合適嘅路遠比同呢個世界比賽好，亦證明天父係公平咁去愛佢地上嘅兒女~!
至於妳話學校成績問題，係妳對佢有要求，而唔係佢有問題，如果要抽一D所謂"標準"出哩比較，咁警察唔識醫人、消防員唔識捉賊、醫生都唔識救火啦~!所以妳應該慶幸呢個世界仲有人係擁有自己世界而唔係隨波逐流嘅人~!總之就俾心機加油，天父會一直照顧佢架!
(以上言語出於好意同鼓勵，無意批評任何人，如有冒犯，請多多包涵)

bbricky

首先你不好咁担心先,上帝創造每個人都有祂的美意,慢慢來!如你有宗教信仰多替他禱告吧!我亦是剛升小一的家長,上月我帶我囝囝回醫院覆診亦曾問醫生相同問題,我小朋友確診自閉症,上小一後反而有其他問題更影響他,可能是ADHD/讀障,首先醫生同我講有自閉的小朋友可能已包括其他問題,不能夠太仔細看見,她建議我回校同老師講睇下有否調適能協助舒服些,考試我小朋友不需要寫全句的重組句子,只用1,2,3,4來排,供詞填充如要寫太多亦同樣,結果出來成績比我想像中好,我剛上完一個讀障課程,導師想我地明白,既然小朋友在提取信息時出現問題,我地就應多體諒他,加油吧!I will pray for ypur family!

媽咪保保

好多謝各位, 我會努力面對