傳統小學定活動教學好?

BABY@CHAN

小女專注力不足,
但現時既幼稚園都算谷,也可應付到~

活動教學,我怕小女會心散!
因佢平時都係一種得寸進尺的性格!

各位會唔會有咩意見?! 感謝^^

Whitesnow

谷都應付到就讀傳統啦

Charlotte_mom

我仔係直頭專注力失調
我果時都有問過幼稚園老師, 應該迫一迫佢, 定係活動岩, 老師答"佢要空間, 唔係要迫LOR" (<--呢樣你要同返自己幼稚園老師傾)

我仔而家係讀活動, 好處係老師包容(包容既程度係我仔評估放PAIR唔做, 全班最低分, 老師話佢平時學習無問題不過唔肯做之嘛, 完全無俾壓力我), 課程唔會谷住上, 老師有空間照顧小朋友個別差異, 亦唔會小一就操TSA果D, 如果日日十幾樣功課小朋友又唔願郁, 大家都會爆煲

唔好處就係, 活動教學, 上堂會教基本野, 之後要多D閱讀同上網等搵資料, 小組討論等, 活動教學學校有個特點, 就係唔會將所有要求1,2,3,4咁寫得清清楚楚, 佢地要求小朋友自學, 如果小朋友心散, 咁家長就永遠只知道有課本/工作紙既野, 其他咩都唔知; 我有個朋友, 讀果間無網上睇家課冊, 個仔又唔寫, 家長真係日日都唔知發生緊咩事, 要交咩又唔知要默書又唔知(當然倒轉傳統亦有RISK係家長+小朋友日日俾老師施壓, 話小朋友唔寫)

傳統又好活動又好, 最緊要老師肯包容, 記得拔尖都要識補底, 有咩事老師願意同父母合作, 係雙方面有商量既, 肯照顧個別差異既, 至係對小朋友最好

chmanpong

Dear Charlotte_mom,

         Could share your son's school name to me , because my son is so active , he have speech delay and some emotional , so I think that he need 有老師包容的學校. Pls pm to me . thanks.

chmanpong

Charlotte_mom

港大同學會小學

原帖由 chmanpong 於 11-11-30 02:11 PM 發表
Dear Charlotte_mom,

         Could share your son's school name to me , because my son is so active , he have speech delay and some emotional , so I think that he need 有老師包容的學校. Pls pm to me  ...

chmanpong

Thanks , Charlotte_mom.

tattc

原帖由 Charlotte_mom 於 11-11-30 11:44 發表
我仔係直頭專注力失調
我果時都有問過幼稚園老師, 應該迫一迫佢, 定係活動岩, 老師答"佢要空間, 唔係要迫LOR" (

我個仔上堂都好易心散，我都考慮緊呢個問題，咁charlotte_momo你覺得上活動教學，小朋友吸唔吸收到課堂既內容呢？有時真係好難理解，上堂唔專心，又唔鍾意做功課，咁會唔會真係學唔到嘢？
另外我想問下港同，家長同老師溝通係用英文／普通話？ 我好驚同老師溝通唔到！

Charlotte_mom

我仔幼稚園班主任話, 寧願間中有D互動, 起碼佢會醒下, 好過40分鐘呆完都唔知做咩WOR
我仔幼稚園時, 做小組討論, 老師評價係"9唔搭8" , 之後一年班, 去到下學期, 老師話佢有進步了, 識得留意究竟人地講緊咩自己至發表意見, 亦主動左, 我相信呢D係有得訓練同習慣的
英文/PTH老師除左幾個"鬼", 絕大部分都識聽廣東話的, 尢其低年班老師要照顧小朋友, 一定識聽TIM(不過佢地會O係小朋友面前扮唔識 ), 家長絕對可以同佢講廣東話, 只係老師可能會用返英文/PTH答你

原帖由 tattc 於 11-12-1 10:19 PM 發表
我個仔上堂都好易心散，我都考慮緊呢個問題，咁charlotte_momo你覺得上活動教學，小朋友吸唔吸收到課堂既內容呢？有時真係好難理解，上堂唔專心，又唔鍾意做功課，咁會唔會真係學唔到嘢？
另外我想問下港同，家長同老師溝通係用英文／普通話？ 我好驚同老師溝通唔到！

tattc

原帖由 Charlotte_mom 於 11-12-2 14:50 發表
我仔幼稚園班主任話, 寧願間中有D互動, 起碼佢會醒下, 好過40分鐘呆完都唔知做咩WOR
我仔幼稚園時, 做小組討論, 老師評價係"9唔搭8" , 之後一年班, 去到下學期, 老師話佢有進步了, 識得留意究竟人地講緊咩 ...

Thanks!

Parisienne

最近電台訪問施永青，佢話〝人類天生專注力唔長，因為以前野外求生，要一眼關七。太專注力反而會無命，隔離有老虎撲埋身都走唔切。〞

所以專注力唔足可以話係本能。
不過社會變咗，我地習慣要困住D 細路逼佢地練習專注，唔比佢走嚟走去、唔准佢九唔搭八、唔准夢遊、唔准兩頭望、唔准分心、唔准慢.....一定要專注，專注在大人覺得應該專注的事上。

從前因為太專注被老虎食嘅人，今日變得前途無限。
以前被認為生存機會最强、最機靈敏捷的一群，而家卻被社會視為專注力不足。

有時真係唔知個社會有病，定係個細路有病？

talknwrite

施永青的說法差矣, 野外獸獵, 不能專注去尋覓獸踪, 看見獵物又不能專注追捕, 又掂搵食!

問題是社會要人類早點學習, 要早點起步, 要為金錢世界找出優秀腦袋去為施永青這些資本家搵錢;  野外求生, 又怎會要一個六,七歲不能專注的幼兒去打獵哩!

lukimama

請問點知咩小學係傳統教學定活動教學?

Whitesnow

大部份政府津貼小學都是傳統的

HaYi

我又覺得施永青有point wow.. 不過現實是在香港教育制度下, 專注力不足就不易出好成績, 好似森美的例子我睇佢係資優但有一點ADD, 所以仍能有好成績.  在港同/ 播道此些學校我相信大人小朋友都會開心些, 有多些時間去加強自己, 而不是如在傳統學校花大量時間去配合rule.

Charlotte_mom

成日都話, 識拔尖時亦要識補底, 至係應有既辦學態度, 其實ADD/ADHD小朋友學習能力唔弱, 以我仔為例, 智商仲要比一般高, 如果有適當指導(例如1:1/小組有人KEEP住引佢注意), 學習可以好快, 老師有讚佢比其他同齡都要快.........可惜問題係, 有幾多學校肯俾呢D心機時間呢?

原帖由 HaYi 於 11-12-13 11:19 PM 發表
我又覺得施永青有point wow.. 不過現實是在香港教育制度下, 專注力不足就不易出好成績, 好似森美的例子我睇佢係資優但有一點ADD, 所以仍能有好成績.  在港同/ 播道此些學校我相信大人小朋友都會開心些, 有多些時間去 ...

mrsjacky

原帖由 HaYi 於 11-12-13 15:19 發表
我又覺得施永青有point wow.. 不過現實是在香港教育制度下, 專注力不足就不易出好成績, 好似森美的例子我睇佢係資優但有一點ADD, 所以仍能有好成績.  在港同/ 播道此些學校我相信大人小朋友都會開心些, 有多些時間去 ...

我最近都有為此深思過，我仔讀一d好傳統既小學，最近佢因為粗心大意帶漏野比老師罰抄，抄左個半鐘，睇住個仔平時自理相當OK但一時大意受罰，有d心痛，但我無出聲講咩，當係一個教訓比佢。那邊廂，朋友個仔平時都幾無簧管，就讀活動教學學校，出名有愛心，成日唔交功課，但老師家長係不停tum佢鼓勵佢，佢稍為肯做少少即刻有獎勵。我無意比較，但心裏真係唔好受。點解我仔做左99樣，漏一樣就要罰，佢只做一樣懶做99樣就有得讚﹖我知係我自己揀傳統學校，因為我信嚴師出高徒，但果一刻信念真係動搖！到而家我都唔知自己有冇揀錯，但個仔話返學好開心，even d老師咁鬼老屎忽，佢都仲話開心好鍾意老師，我真係唔知講咩好！唯有希望佢再謹慎D，唔好再受罰。

小朋友適合邊種制度固然重要，但家長自己既適應能力其實都要考慮，我自己係自由民主氣氛下長大，唔係幾受得住傳統老師果D威嚴，但針無兩頭利，凡事有利弊，我只能夠同自己講，食得咸魚抵得渴！我想嚴師出高徒，自然就要忍心D！

Charlotte_mom

最近與同校家長食飯, 有家長大仔讀傳統小學->中學, 細女讀活動既學校
女女唸野, 不嬲都係"無話咩係唔得", 不過難免粗心大意計劃欠周詳(即心口掛個勇字), 最近發現自己想讀FASHION DESIGN, 自己拎住本334書仔研究將來選科可能性, (搵資料係強項, 不過未必會考慮埋現實情況), 話XX科岩晒, 將來要讀POLY, 因為FASHION DESIGN最出名
哥哥聽到, 大驚, 話FASHION DESIGN點搵食呀, 點解唔入3大點解唔讀咩科, 對於細妹果種"神經刀"簡直嘆為觀止, 對哥哥黎講, 好多野都係"不可能", 條路應該要咁走, 好多野都係好好計劃, 唔可以有意外, 謹慎性較強, 但靈活性就較低了(唔願試亦唔敢試)
你講得岩, 針無兩頭利, 人既成長亦一樣, 有D培養多左, 第2樣就少左, 無話邊樣係ABSOLUTELY岩或唔岩, 有咩唔妥, 自己執妥吧 共勉之

原帖由 mrsjacky 於 11-12-14 10:26 AM 發表
我最近都有為此深思過，我仔讀一d好傳統既小學，最近佢因為粗心大意帶漏野比老師罰抄，抄左個半鐘，睇住個仔平時自理相當OK但一時大意受罰，有d心痛，但我無出聲講咩，當係一個教訓比佢。那邊廂，朋友個仔平時都幾無簧管，就讀活動教 ...

mrsjacky

原帖由 Charlotte_mom 於 11-12-14 03:14 發表
有咩唔妥, 自己執妥吧

同意！阿媽既職責就係玩包底，學校漏左既，自己補返，學校over左既，自己減返，一日到黑都好似tune琴大師咁！

依你朋友個case，其實我想我小朋友有大仔既謹慎三思(呢part學校攪)，但有細妹既靈活多變(我盡量比空間佢)。