囝囝唔想再學violin

smallfoothk

佢己放棄了,老師都放棄佢,佢一年在初級冇進步,遲下要上二手市塲估出

SCKnight

我都好擔心小朋友日後都會放棄。辛苦練咗年幾，初見起色。小朋友每日自動練琴。但撫心自問，我覺得佢係為咗交差多過為咗興趣....

雞肋、雞肋！

nakoko

我仔學鋼琴都3年了,一直都表現平穩,冇話好鍾意,亦冇話好抗拒,一定唔會自動自覺練琴,但叫佢都會去,有時會樓令下,但氹下都ok,但最近因為準備考琴試而出事了,老師要求高左,表示唔希望只係合格咁簡單,所以執得好緊要,亞仔開始抗拒,最近2次哭住同我講唔想再學琴,我好心痛,好後悔同佢報左,我唯有同佢講,辛苦埋呢3個月,考好個試,未來3年都唔再同佢報考試,我自己問自己,當初比佢學琴既目的,係希望佢o係音樂既薰陶下成長,培養對音樂既興趣,諗住係時候push佢一下,同佢報考試,冇諗過適得其反,對佢造成壓力

kkhon

同老師傾過我唔急於考級只想keep住佢有興趣，老師變得冇咁嚴厲，亦好好同囝囝傾過原來佢驚換老師，最近好合作表現好咗。培養一個小孩真係唔簡單，大家比心機！

nakoko

kkhon 發表於 12-1-4 23:35
同老師傾過我唔急於考級只想keep住佢有興趣，老師變得冇咁嚴厲，亦好好同囝囝傾過原來佢驚換老師，最近好合 ...

但你仔不是就考3級嗎??係咪未報架其實??

kkhon

未報4月份趕唔切打算報10月份考

eugenebb

Hi, 或者唔駛急考 grade, 如果係我, 我會堅持學落去.

學得小提琴有心理準備長線, 在初段同鋼琴既難度差好遠, 難得小朋友學左咁耐, 仍然話鍾意!  姚玨都話四歲起學小提琴, 11 歲先鍾意, 因為當時至開始掌握 basic skills, 開始可以用琴抒發感情.

小提琴學得好, 係好好聽.  亦因為難, 對小朋友係好好既素養訓練.

我諗住俾自己個仔 start.

BTW 我妹係小提琴老師 (唔係廣告, 也謝絕所有 referrals).  我係想 share, 當中既過程, 係唔簡單...!

共勉之.

fanwong29

小兒之前學小提琴又遇着一位認真和嚴謹的老師,當有音拉錯就會"放聲"指導,我曾觀堂上課,我都比他嚇了一跳,其實可以輕鬆一點,大家都可以好d。