------

choy1024

------

vcom

如果有這樣的想法，我估音小不是你所選擇的。音小著重平衡發展，不盲目追求成績，近期睇到有小朋友因學業問題而自殺，實在痛心，學習應該是愉快的。未讀幼稚園，已經安排到讀大學，是否誇張在D。

daddywai

又唔好講得咁決絕。

家長為子女揀學校，難免會心大心細，尤其是icqm的學費不是個少數目，親友的「善意提醒」，往往會給予很大壓力，除非有較強信念，否則難免有所動搖。

講番課程，感覺與創校初期已有不少轉變，相信學校也受到家長的壓力 (或許是互動吧)。例如中學部用的那本UPSTREAM 比較香港的普遍中學算是深的，通識的要求亦難到不少成年人。

vickylyy

同意daddywai的意見,
因為我選音小後,親戚/朋友好多都叫我想清楚,甚至有朋友個女讀完六年音小便轉校,話d同學不乖,但當然亦有朋友的孩子讀得開心,朋友也覺得音小好!
所以初時真的有很大壓力,始終讀12年,作為父母必定會左思右想,顧慮多多,但多得討論區的家長們的意見,又問下朋友,又想想我的孩子的性格是否適合此類學校,勿人云亦云,我現決定了給阿仔讀音小,所以我知道我會盡量配合校方的理念,讓兒子讀得開心.
大部分家長都認為名校便是好,催谷孩子,但教育真的不是這樣,谷得起就好運,但受不了就苦了孩子.

ckyung

同意，所以我也會比兒子讀音小，希望他能在一個愉快和充滿愛心的地方成長，至於曰後，我相信大部分的音中學生，也能完成大學課程。

siuyi

我選擇音小這間私小...
我的確有好大期望...
就係我小朋友可以開心健康成長、
有良好品德、
受聖經及音樂薰陶而令人生更加美善及積極!!!
相信小朋友建立好正向的人生觀...
亦會學習懂得怎樣處理自己的學業!!!

當然...幾乎每個家長都希望子女能順利完成大學課程...我自己亦然~
但大學亦絕不是一個人唯一的出路...
如果每事都只朝著這個目標...
那麼壓力自然會增加!!!
我自己絕不希望小朋友將來變成高分低能!!!
我只希望佢地能全人發展,
將來成為積極、負責、關顧世界、
愛惜自己、關愛別人的踏實人!!!

[ 本帖最後由 siuyi 於 11-11-30 10:14 編輯 ]

88654321

講真,我都覺得音小比較淺,同唔得嚴緊,好似我個女D字寫到鬼5馬6打風咁,我屢勸佢唔聽,我唔擦佢,想老師話吓佢等佢驚吓,点知老師次次都收貨. 而課程亦相比其它學校淺易.
但另一方面,我個女比其它學校嘅小朋友多好多時間學習課外知識----睇書.我每次同朋友傾開我個女愛看書愛到不得了時,我的朋友總是羨慕不巳,話自己的小朋友很小看書.咁緊係啦,大家一日都係得24小時,D小朋友一日做功課做到黑,做完又要日日温書,讀學校D書巳要日讀夜讀,点會仲有時間精力興趣睇課外書呢.

siuyi

我仔有時寫字都係鬼五馬六...
我又係唔會擦佢...亦專登唔擦...
佢班的老師又有提佢啊...哈哈!!!
老師提效果真係好好多哩~

原帖由 88654321 於 11-11-30 10:26 發表
講真,我都覺得音小比較淺,同唔得嚴緊,好似我個女D字寫到鬼5馬6打風咁,我屢勸佢唔聽,我唔擦佢,想老師話吓佢等佢驚吓,点知老師次次都收貨. 而課程亦相比其它學校淺易.
但另一方面,我個女比其它學校嘅小朋友多好多時間 ...

vickylyy

我個仔幼稚園k3,佢話昨天老師把他的功課掉左落垃圾箱,佢自己執番,但我又覺得老師好似激左d,不過阿仔可能真的激到老師好生氣吧!!
所以佢日後入到音小,我都要跟得足d.

vickylyy

88654321:
你的孩子讀幾年級??

88654321

佢今年讀緊2年級.

daddywai

我真係唔覺得icqm的課程淺 (每次考測都有人唔及格呢!)，或者是其他學校教得深吧，希望未入學的學生家長屆時不會有不合理的期望。

viv-viv

I am very interested in ICQM as well.  Can parents advise if the school has the problem of 教淺考深 or 教深考淺? Is there a lot of individual / group projects to do?

Finally, is the school providing very clear notice/information on the areas of school work to be revised in dictations/assessments/exams each time prior to these tasks?  Thanks.

vickylyy

原帖由 ming2 於 11-11-30 12:52 發表


或者咁講啦...要同人地講深半年一年課程個D學校就當然會比人地淺啦..不過我都係覺得佢地係按番正常程度去教,唔覺特別淺...不過學校睇書0既風氣就真係好好...我兩個女都係書不離手個D小朋友,一有時間就會拎圖書睇.. ...

非常同意MING2的話
各位家長,我真的很感謝你們的留言,真係讓我好好打了強心針!因為我近來心情有點受影響.阿仔現K3,佢學校已算是活動教學那類,但一上到K3,班主任在家長日一坐下已很不客氣由頭到尾一句讚賞說話都沒有.我明白阿仔係大意,愛玩,真的欠專心,但佢唔會走出位,老師話佢寫字唔夠好,我要同佢多D串字,老師嚴肅地叫我一定要加快同佢溫習,但我卻認為這個年紀着重認字,多認字,有助對日後看書和寫字打好基礎,個個人仔都係發展有差異,掂解阿仔老師睇到佢如此?相反,教會主日學老師全無投訴,說他好問為什麼,幫手做野,發問一定舉手和先稱呼人.愛看圖書,我帶阿仔去面試學校,只有書就能令佢坐定定
可是昨晚,阿仔透露老師把他的功課簿掉在垃圾桶內,阿仔話老師話佢D字唔靓,今天阿仔話自己發燒唔番學,因怕老師罵他.唉!!只是一個幼稚園生,不至於要這樣吧!!所以我定必向老師了解清楚,以免我想錯方向怪了老師,對大家都公平D.
大家有咩方面讓我開解阿仔??

daddywai

I don’t think the school has the problem of 教淺考深 or 教深考淺， basically all the questions examined are covered within their teaching scopes. But harder questions may require some analytical and integration skills, especially in higher forms, students may find difficulties to get high marks. But I suppose its no problem at all, a good exam paper should distinguish different levels of students.

The school will provide black and white notice indicating the areas covered (chapters, worksheets, tenses, types of PE skills, etc) in each exam.

siuyi

vickylyy:

你仔仔的班主任...似乎真的過了火位...
無論如何...
掉小朋友的功課入垃圾桶我覺得絕不是一個好方法...
而且會影響及打擊左小朋友對學習興趣及增加壓力...
真係要好好同該老師傾傾...

音小的老師...真的好有愛心及會用正面的方法教導小朋友的!!!
我仔的老師...除左係學校全職老師,
令我仔暫時都無一課堂會有抗拒...
又會把老師教導記上心之外,
甚至連學校外聘兼職的果位教樂器既老師都好細心及有耐性...
亦會因應我仔的性格作出調適...令我仔好接受他的教導...
所以令我感到學校係會連器樂老師都經過一定標準既選擇...
經過早排的觀課...我更加安心~~~ ^^

原帖由 vickylyy 於 11-11-30 22:46 發表


非常同意MING2的話
各位家長,我真的很感謝你們的留言,真係讓我好好打了強心針!因為我近來心情有點受影響.阿仔現K3,佢學校已算是活動教學那類,但一上到K3,班主任在家長日一坐下已很不客氣由頭到尾一句讚賞說話都沒 ...

[ 本帖最後由 siuyi 於 11-12-1 11:57 編輯 ]

TYma

借此機會讓小朋友體會到各種老師都有,若我遇到類似不公平的對待,我會鼓勵小朋友同情這位老師的心理可能病咗,或者有咩事影響咗心緒,同埋會同小朋友講這並不是你的錯,我們原諒這位老師吧!

都講吓我在音小參加家長會D經驗...
記得P1第一次參加家長會,見到音小老師拿出囡囡 成績表時,我的眼中除咗睇邊科叻之外,最關心是那些唔叻的科目同表現評語,當我向老師提出問題,問到:「是否自己囡囡同班上其它比較起來... 」 你估點? 我都未問完,老師已經打斷我,並大致講出:「唔好同其它同學比較,我們只看個人是否盡心盡力做,在我們睇來,你囡囡可以有能力做得更好,我們要鼓勵佢盡量去試....」又有一次,我囡囡有科考得好差,我心急去搵老師傾,老師反而叫我不用擔心,隨年紀再大D就會進步咁話...我聽落好感動,是啊! 小朋友不正需要這些機會嗎?

[ 本帖最後由 TYma 於 11-12-1 13:46 編輯 ]