仲係好似小學生咁!!! 點教?

cellon

孩子有時是要慢慢教的.

samuel89

原帖由 Hoining 於 11-12-6 10:57 發表
我絶對明白你嘅感受，因為你個仔同我大仔簡直係失散左嘅孖生兄弟一樣
我做左好多野都係無用，就你講因欠交功課問題已在11月底被記缺點一個la!
要寫嘅野實在太多，我地不如交換電話互相呻下la! ...

交換電話互相呻下la! ...<---好似系應該諗諗計解決問題,唔系互相呻下哦......

cherubic

女人是須要傾訴才可以減壓。第二步才想辦法。我讀書時房間及書桌都很混亂，其實現在也是，我媽會在我考完試才幫我整理，現在輪到老公，有時是我仔。但我在其它方面做得不差。我想說的是不要要求各方面都完美。

原帖由 samuel89 於 11-12-6 15:30 發表

http://ucenter.baby-kingdom.com/data/avatar/000/00/03/49_avatar_middle.jpg交換電話互相呻下la! ...

502

還記得我嗎？ 當年差點跟你仔做成同學， 今天我亞仔也升中學了！

完全明白你的感受，我仔同你仔一樣不遑多讓， 缺乏自我管理能力， 對自己沒有要求，把口話得， 但做起來就全部不得， 要求中學生的自由， 交的貨卻是小學生貨色 。。。 （下刪五百字）

可能現在你要做的真是完全放手， 起碼初中死左仲有救，真的等到高中考公開試就神仙難救！ （不過更大可能是未到他死我地已經氣絕身亡！ ）

有問題就上來訴下苦啦！

carrai

你地果個係囝，我果個係囡呀....陰公
唉！女仔人家......

S.S.

我起先以為你地講緊我家少爺tim...唉 ! 阿大少今年P.6,出年升中喇,可能學校唔係嚴,佢對欠咩欠咩完全視若無睹...真係想死 ; 個書包好似難民營咁... 咩都質哂入去....

vincher

我試過為了訓練兒子pooh pooh 後清理，禁止姐姐為他洗under(因他清理不好，經常under 有 cc)，要他親手用舊牙刷自己洗！:hehehe: 結果……當然他改掉陋習！
:hehehe: 一個字，記之以「狠」！！！

mio8390

其實現在的小朋友一點都不白痴幼稚，罵人駁嘴駁舌十分了得，只是要佢做正經事就唔識做，等父母或傭工做，如果唔想自已的孩子做超級港孩，好像之前網友說"狠"，好多超級港孩都是父母做成。

chuenma

Hi Teresa

記得我嗎？我個仔同你個仔係校友，而家係P.6。

我個仔除咗無駁咀、仲未敢自己走只第度玩和成績ok之外，跟本同你個仔一樣，激都我死死下，仲要老師安慰番我，叫我慢慢呢，d男仔係噤，要比d時間呀仔。你記得那課'垃圾山的小女孩嗎？'有一天我地個仔間房會變垃圾山。

1st trem test之前我仔欠交17次功課，爭3次就要記過，無得升中學；又唔抄齊手冊，同佢對功課都無用。仲有本語文小檔案，P5佢欠交1年，(老師同我聯手教訓佢，但又無記過喎，老師真好) 問佢覺得自己應該點做，又唔知，提議比佢應點做，佢又話無信心做到。佢仲要同同學相處得唔好，d conduct唔好升唔到中學，你話我煩唔煩。

佢最近完成的3個月'自我型像訓練班'好似好小小，(方法主要是要家長放手，等佢撞板，吸取教訓，教小朋友每一樣事程都有規則，唔守規則不但無回報，仲會比人留攔，困難重重同唔好受，不能達到目標)佢各方面態度好咗(當然仲有好多進步空間)，同佢講交功課係遊戲規則，玩遊戲要遵守遊戲規則，佢又好似明d。以前叫佢執番自己d手尾都唔願，而家都ok，有時仲會幫吓我。但間房仲係一個死症，d培訓員話，房係佢自已世界，唔影响到人，叫我唔多理。好難頂！

1st trem test之後到而家考試只欠交4次。可能升中佢自已都緊張 ，又主動温書。唔知考完逞分試或到F.1又打回完型。

放開d，試吓放手，用佢地d語言同佢說話，在佢立塲看事，睇吓有無好d。

Teresa

多謝你地鼓勵, 比我知道I'm not alone!!

近呢幾個星期, 我個仔似乎有少少轉變. 我搵左social worker跟佢, social worker有同佢傾下計做我地中間人, 幸好我個仔都肯同佢傾. 呢牌, 我個仔似乎乖左, 因為佢喺學校闖左禍(焦聊幼稚地闖禍), 班主任要留佢堂+扣conduct. 但另一方面, 班主任又同佢講話覺得佢岩岩做功課交帶左就闖禍, 好唔抵(之類之類既話). 佢好似又知道自己咁闖禍係好無聊.

之後, 音樂老師又鼓勵佢要努力考好theory exam (佢已經考左幾次都fail, 問題係佢以為我見佢係咁fail會同佢quit, 結果我係堅持要佢考到為止), 老師利誘佢考返好D音樂就有機會出去外國比賽(因為佢係choir member). 我明查暗訪, 又知佢真係好勤力去練歌, attendance好好.

我諗, 佢開始有少少改變, 主要係因為參加左童軍. 佢開始admire佢個leader, 話佢好照顧D brothers. 有一次, 我仔喺球場比高年級蝦佢, 佢個leader見到, 即刻扯佢走. Sports Day第一次service, 我仔唔係好識整條領巾, 佢話leader一早講明會幫佢地整理.  做得leader, 唔止玩得仲要讀得, 我就順勢鼓勵我仔要學習leader以佢為榜樣, 佢好似好受. 入左scout, 佢次次交scout既通告, 開會, 集訓都好交帶好準時. 呢樣我真係意想不到.

近呢個星期, 我病緊冇咩精神, 根本冇同佢睇功課check佢D野. 只係同佢講, 有咩事你自己承擔, 到時又比人扣conduct/老師call我投訴, 甚至成績大跌, 隨時比人踼出scout, 到時全世界都會知就瘀喇.

唔知佢收到我講既幾多, 不過我真係覺得, boy scout幫左佢, 令佢改變左少少.

至於"垃圾山"既房, 污糟蹋塌既衫褲, 有用/冇用既物品, 仍然一樣!!! 只有叫工人唔好同佢執唔好同佢洗, 由得佢, 臭既話佢自己比人笑就算喇.

mayc

回復 Teresa 的帖子

間房問題,不如試吓邀請他的好朋友或同學來家聚聚/玩/溫書,事先大家一齊整理吓屋企,叫佢整理吓自己間房,看有沒有效?

hogwarts

Dear Teresa,

Please check PM.

hogwarts

savoy

我個都係仔，佢F1時唔好得過你仔仔幾多，除左佢conduct一直都幾好。不過做什麼都唔上心(自小都係)，家長會我同佢班主住傾訴時，真係講到我眼泛淚光。原來呀仔見到有記在心，之後幾次家長會佢都好怕我又講到想喊。好彩學校老師個個都好包容，沒有給你hard feeling。

現在F3，讀書態度緊張了。但書房睡房的零亂情況依然無改，我亦唔會幫佢執。你放鬆自己，唔好逐樣都跟樣樣都要跟你意思去做。過度期過左應會有改善，但唔好期望會完全改變!

兔仔得媽

睇晒啦！
同我家大少差不多
可以點呢

sandycat

回復 Teresa 的帖子

Teresa,

同您和ALAL.......同期媽咪一樣在BK多年(幼稚園開始),不過我是沉默份子,難過的小學(小五小六升中)亦過了,沒時常上BK(因當時重udercontrol), 但今天和您仔仔一模一樣,明白青春期,是會怎樣怎樣怎樣,但當老師要打電話投訴, 那種包容.體諒通通會消失,惟有一起邊造邊學!!!! 大家加油!!!!

小B媽咪

Teresa
放鬆下啦! 我相信絶大多數啲男仔，都係咁樣，，既然佢覺得no problem，咪放長雙眼睇下佢幾時撞釘! 我阿仔都成日鬼殺咁嘈，揾唔到呢樣嗰樣，我都係冷眼旁觀，結果佢咪cc氣自己諗掂辦法去解決。男仔大過啲，就會注重儀容，當佢被同學仔瘀過笑過，佢就會有所改變。
大家加油呀!

Teresa

我覺得佢地peer pressure比我哦N次有用.  小學時, 因為佢好多古惑, 我直情要打比佢D同學對功課對手冊黎make sure佢唔係"偷工減料". 上到中學, 佢叫我唔會打比佢D同學, 話好冇面. (真係覺得, 好呀! 乜你都要面架咩?), 我都聽佢講冇打比D同學, 但係我就要佢自己打比同學confirm, 開著個電話speaker等我聽到佢地既對話. 呢個方法都幾work.

我個仔既思想仍然係好小學雞, 只要佢認為嗰一刻唔想做佢就唔做, 但事後就係咁講大話補呢個鑊, 連老師都覺得佢有呢舖癮. 佢有時心情好時同我地傾計, 問佢點解平時D test/dictation/homework做到一塌糊塗, 佢就話其實佢係嗰一刻唔想做, 所以唔理三七廿一就求其了事..... 唉! 佢又冇諗過咁係會累死自己!

而家.. 都係試緊唔同方法. 學校老師打黎, 我都好坦白同佢地講呀仔既野 (反正我都慣哂成日接老師電話), 乜方法都try下, 希望有一日有一個方法係work, 或者, 望佢有一日"叮"一聲開竅.