面試遊戲.... 好失望好唔甘心

vnghk0001

Sheungki0101

原帖由 ronniedad 於 11-12-12 21:15 發表
其實面試點為之好??? 答岩哂? 做好哂要做o既野就叫好? 要知道呢d野大部份家長都知, 亦相信真係唔少小朋友係做得到的. 好認同有家長所講, 係佢地答問題及反應時, 他們有望住老師回答嗎? 或在面試過程中都能保持笑容嗎 ...

agree X 100,000,000,,,冇model answer ,,好多老師其實可能睇反應,專注力等等,,答唔啱又未必冇分

rosaki

原帖由 pangps 於 11-12-12 09:45 發表
自問阿女面試表現大部份都好好，佢亦好鐘意去面試遊戲，但一封又一封既waiting好沮喪，其他話走黎走去，掟玩具，唔出聲都有offer，十分不是味兒..................


星期六收民生result，阿女表現最好呢間，全普通話問乜都識答，仲要 ...

我係民生舊生, 當日我兩公婆均有出席, 個女係0902, 大b, 家住豪宅區, 家庭背景不錯, 老公係公務員, 我報稱家庭主婦, 因為我真係可以自由分配時間, 女兒表現不錯, 所有野做到晒, 留心聽故事兼好反應, 老師剩係對佢同另一個b女講故事, 因為佢地最乖, 問卷最後果題一定答得俾你更吸引, 因為我有在民生校園生活的經驗,最後都係reject, 所以.............你不是唯一in得好而waiting, 我係有更好因素的條件但結果比你更差!!

pangps

完全唔明白收生準則！
疊埋心水讀創價，已報英文oral同普遍話，下月開始返學
學老公話齋：「裝備好阿女，哪怕沒出路！
」

yanlee06

原帖由 pangps 於 11-12-14 04:59 發表
完全唔明白收生準則！
疊埋心水讀創價，已報英文oral同普遍話，下月開始返學
學老公話齋：「裝備好阿女，哪怕沒出路！
」

其實創價都係一間好好的幼稚園.  我個女都有APPLY, 不過結果是REJECT.

tantanmama

輸比其他表現更差的小朋友而唔甘心? 其實你又點肯定你子女比別人子女表現更好呢. 朋友話自己子女interview表現唔好/唔出聲都收咗, 你又點知佢真係表現唔好或唔出聲? 唔係陰謀論, 有時父母唔想俾太大壓力子女, 都會謙稱小朋友interview表現未如理想, 冇乜特別期望, 咁萬一失敗了, 也有下台階.
我今年只報咗KV, LH, PC同宣幼(已放棄唔in). 我都好想個女入KV, 又係waiting, 有失望架, 但唔洗逼自己一定要攞到KV個位先安樂嘅, 每間學校都有其出色的地方. LH英普班收咗我個女, 如PC唔收, 我都會俾個女讀LH, 最緊要有書讀啫.
你個女有冇返PN? 點解仲要每日返一個鐘phonics/oral+1個鐘普通話, 何不索性揾間英普(至少英文)的pn俾佢讀? 唔洗佢咁忙.

開心小花

我的小朋友都收了幾封Waiting/ Reject letter. 當然, 亦有學校收了我的小朋友. 既然我當初在這麼多的幼稚園選了這10間, 8間幼稚園去考, 即是都是我心儀的學校, 任何一間收, 我都覺我很開心. 當然, 一定會再分首選, 次選.
我記得上個月, 同我小朋友去面試一間熱門的幼稚園, 亦是我非常心儀的學校. 我的小朋友的表現可以說係in 咁多間中最好的. Interview之後, 我老公話去食下午茶慶祝一下. 我問點解. 我老公說因為小朋友表現好. 我話: 表現好未必一定收你的. 可能有比你更好的小朋友. 我老公話: 我只係見到自己小朋友係呢個幾月的Interview之中, 不斷進步. 我的開心只係因為我小朋友的表現. 而我的小朋友是否是學校那杯茶, 已不是我們可以控制到. 你亦都不會因為最後這間幼稚園是否有收我們的小朋友而評定她的能力及今日的表現, 對嗎? 我不得不認同我老公的想法, 一家三口好開心咁去食下午茶.
其實, 每一間的幼稚園可能著重小朋友的不同表現, 學校會選適合自己幼稚園的小朋友.我不會猜測學校收生準則, 我亦不會因為用收到幾多封Accept, 幾多封Reject, 又或者是哪一間名幼Accept, 哪一間Reject去評定自己小朋友的能力及表現. 有時, 收到Waiting/ reject, 我都會Hahaha咁過日子.. 我亦希望我的小朋友可以遺傳到我呢D傻氣. 做最好的準備, 作最壞的打算.

kianmaggie

開心小花,

好有同感& 認同,見到佢哋一次in 得好過一次都已証明有進步, 我哋都已經好開心.

pangps

非常同意!

Cutemom0808

原帖由 開心小花 於 11-12-14 13:59 發表
我的小朋友都收了幾封Waiting/ Reject letter. 當然, 亦有學校收了我的小朋友. 既然我當初在這麼多的幼稚園選了這10間, 8間幼稚園去考, 即是都是我心儀的學校, 任何一間收, 我都覺我很開心. 當然, 一定會再分首選,  ...

體貼的daddy

d500man

原帖由 開心小花 於 11-12-14 13:59 發表
我的小朋友都收了幾封Waiting/ Reject letter. 當然, 亦有學校收了我的小朋友. 既然我當初在這麼多的幼稚園選了這10間, 8間幼稚園去考, 即是都是我心儀的學校, 任何一間收, 我都覺我很開心. 當然, 一定會再分首選,  ...

Agree !!!

小鄧

遊戲就是這樣玩的, 好被動, 我地只是有權玩或者唔玩囉。我都有報KV, 學位有限, 結果都係reject, 我地冇唔開心, 因為深明遊戲規則就係你都唔知個規則。其實真係唔收的學生比收的多, 唔好太失望。我都首選KV, TT也是reject, 直到又一村收左 (3日已經通知收), 我地就決定收工, 之後的soka, KRS 都決定唔去in了, 一來唔會再俾機會佢地reject & waiting 我地, 二來俾返d有需要的小朋友, 三來老師可以早d收工。我地覺得好多時上天已經有安排, 我地就去面對及接受, 大家都會開心d。我地應該想想現在擁有的, 積極d發掘現有offer的優點, 我就近來發現左又一村都有好多優點, 好放心小朋友入去讀呢, 退一步海闊天空呀。

最後衷心祝福樓主wait 到 KV。

wong0723

totally agreed!!!!

rcr

同意


每次我同囡囡去完INTERVIEW
我同老公都會獎勵個囡,
因為小朋友咩都唔知,
只要囡囡盡左力, 我地已經好開心

百厭豬

每日返放學來回3個鐘,好辛苦喎~

Sheungki0101

原帖由 小鄧 於 11-12-14 15:21 發表
遊戲就是這樣玩的, 好被動, 我地只是有權玩或者唔玩囉。我都有報KV, 學位有限, 結果都係reject, 我地冇唔開心, 因為深明遊戲規則就係你都唔知個規則。其實真係唔收的學生比收的多, 唔好太失望。我都首選KV, TT也是re ...

Agree X 100,000,000

torunpoland

做咩唔甘心啫?

人哋前世欠你咩!

自己仔女的能力, 唔需要用幾多封 accpetance letter 去決定; 亦唔會因為rejections 而否定! 你唔信自己, 都信下仔女的能力啦!

rabbithung

我個女是超細女，上年IN時沒有心儀幼稚園收她。心想給她做大B，讓她有更多自信心去面試，又搬去九龍塘區，大部份九龍塘名校，步行十分鐘便到。最後，收到的不是REJECT，就是WAITING，IN得好的是WAITING，IN得不好的亦是WAITING，都不知道可以點。我都有失望，但總要面對......

hkka

會否係佢地為你住屯門都山長水遠出九龍番學著想？小朋友太辛苦了，休息非常重要呢！

chingcat

有學校收都唔開心？？創價都唔收我呀！當日呀仔表現得好好，不過就不停向老師發問問題，可能怕佢將來係問題學生（每事問）所以WAITING