九龍城華英和旅港

SUNWONG9861

華英和旅港同是BAND 1，那一間會好些？

stupid123

華英

elbar

SUNWONG9861 發表於 11-12-22 15:48
華英和旅港同是BAND 1，那一間會好些？

自行首選 旅港開平商會中學 入讀機會較高。

wsc

回復 elbar 的帖子

請問迦密又如何 ?

khmama

回復 SUNWONG9861 的帖子

成績就華英高o的, 運動就旅港好o的, 睇下你小朋友鍾意邊樣.

ohnono

九龍城區四大熱門band 1中學，包括華英、迦密、旅港、黃笏南。其中又以華英和迦密較多放第一志願。華英為區內傳統名校，多人選擇並放第一志願自不用說。迦密之前有段時間放棄精英制，採用有教無類式教育，令成績下滑，近年迦密會改變教育政策，由不同區域的學校堅負起不同教育的使命。新人事新作風，大力催谷下，近年成績已攀上高峰，在最後一屆會考中並出現有九優的同學，風頭一時無兩。校長在簡介會亦重申如果你在乙部將迦密放第二位的話，機會係微乎其微。
旅港因為較著重運動，所以成績會比人忽略，但其實佢地d成績都唔差，只不過比運動項目蓋過。我記得前年A level都出左幾個4 A同學。上年因為佢無減班，大抽獎時有成90幾個位，比起華英、迦密嗰d 得60幾個位多成一大折，所以上年有同學將佢放第二位都仍然抽到。今年冇突然減班的影響下，大家可供抽獎學位數目相差不大了，唔知重有無呢支歌仔唱。
黃笏南都屬於四大之一，不過佢明年2012要重建，所以要暫時搬校，影響一定有，不過唔知會幾大，因為上年淨叩門人數都超過300人，考筆試時個禮堂虛憾過考會考。
講真，如果在九龍城區頭三志願填得好，放心，真係有9成幾中，最頭痕反而係將邊間放第一就真。

fyw123

我想問銀禧又點睇呢?近年是否成績下降呢?

ohnono

fyw123 發表於 11-12-30 14:01
我想問銀禧又點睇呢?近年是否成績下降呢?

銀禧以前郭校長較著重愉快學習，成績都算過得去，但好像總是欠缺了爆發力，我會將他放在保險線上。如果你有參加佢地的簡介會，你會發覺佢地學校係咁多間九龍城band 1中學裡最平均的一間，會考的優良數字都唔少，亦唔會比其他九龍城區的band 1中學差太遠，但d優良成績好像平均分比各同學，皆大歡喜，所以讀書就應該會開心好多。話得說回來這兩年換了校長，看來學校積極了很多，但要重建我們年青時代這學校的光彩，還要拭目以待。

我考慮這學校時我反為會考慮這兩三年，對面的黃笏南搬走後的重建工程會對附近學校帶來的影響，包括噪音，泥塵，泥頭車對附近做成的交通和滋擾等等。

fyw123

我就係參加了佢地的簡介會，發覺高年級的學生非常醒目和健談,感覺非常好,原本一心自行首選,但朋友識一位家長兒子今年讀F.1話走了很多好老師和新來校長只是注重做閱讀報告,連考試時間都要學生交,沒有時間溫書,非常不滿意又話校風差左,攪到我而家十五十六。

ohnono

fyw123 發表於 11-12-30 22:17
我就係參加了佢地的簡介會，發覺高年級的學生非常醒目和健談,感覺非常好,原本一心自行首選,但朋友識一位家 ...

證明新校長看到以前不足之處，成績唔夠突出，呢個亦都係吸引唔到一班九龍城同學的地方。
改革未必更勝從前，但每逢改革，學校所遇到的問題都好多，要兼容和處理新舊派系，又要將舊學生的觀念改變，新校長還要面對這問題多四年。有人遲官歸故里，有人漏夜趕科場，不喜歡的可以有另行選擇，不過比銀禧更好的，我相信預左會辛苦倍數上。
你話學生醒目，假假地佢地都係一間Band 1學校。或者遲d等到3、4月時可以去參觀下其他學校的開放日，可以比較下d學生。早兩星期我都去左聖嘉勒書院的開放日，我都比那些同學吸引到，十分精彩。

SUNWONG9861

回復 khmama 的帖子

thank you for your opinion!

jemm

九龍城區成績好的Band 1學生都喜愛揀華英, 競爭佷大。迦密則受區內基督教小學Band 1學生歡迎, 競爭亦很大。旅港以往很低調冇Open Day,但成績一向不俗,今年有2位 (A Level ) 4A學生, 亦受外區Band 1學生歡迎。不過, 想仔女高中通識課用中文教,要選華英及迦密, 想用英文教高中通識課, 則要選旅港, 今年新任旅港副校長, 就是主理英文通識課。

redredchan

jemm 發表於 12-1-2 06:47
九龍城區成績好的Band 1學生都喜愛揀華英, 競爭佷大。迦密則受區內基督教小學Band 1學生歡迎, 競爭亦很大。 ...

請問從哪得知華英高中通識是用中文的?

mabelma

中學概欖有寫:

2012/13 學年擬開設科目   
  中一至中三   
  以中文為教學語言 : 中國語文、中國歷史、普通話、宗教教育、體育   
  以英文為教學語言 : 英國語文、數學、物理、化學、生物、歷史、地理、基礎學習、電腦、家政、設計與科技、視覺藝術、音樂   
  按班別/組別訂定教學語言/校本課程 : -
   
  中四至中六   
  以中文為教學語言 : 中國語文、中國歷史、中國文學、宗教教育、通識、體育   
  以英文為教學語言 : 英國語文、數學、物理、化學、生物、組合科學、地理、歷史、經濟、設計與科技、電腦與資訊科技、視覺藝術

jemm

華英家長告訴我。

碧加

當初睇中學概覽列明以中文教通識，但在簡介會上聽到果位通識科老師話用英文教，
我怕自己飯氣攻心聽錯了，所以打電話去學校問，初時接聽果位話用英文教，我於是
提出中學概覽出錯了，她遂叫我等一等，接著接聽果位仲離奇，佢話以英文授課及用
英文教材，但文憑試可選中或英作答，搞到我滿腦子???
我都好想知個實情！

ohnono

jemm 發表於 12-1-2 06:47
九龍城區成績好的Band 1學生都喜愛揀華英, 競爭佷大。迦密則受區內基督教小學Band 1學生歡迎, 競爭亦很大。 ...

上年聽黃校長(前任校長)講話佢地用中文教授通識科，並不是擔心同學的英語能力，主因係英文通識教材和參考書籍比中文的難找也較少。原來係用英文教，唔通我理解錯左？。

jemm

我朋友孩子在華英讀中三, 其基礎學習(liberal studies)是用英文教, 但到中四(高中開始),她說用中文教通識, 她很頭痛, 因她孩子英文比中文好得多, 且是全級通識三甲。其實最重要除了要知通識上課時用何種教學語言外, 最重要是校內高中通識課考試時, 是規定用中文、英文或兩者皆可作答, 沒有理由在校內用中文作答而在公開試則用英文作答。

碧加

回復 jemm 的帖子

初中適應期用英文教"基礎學習"，對中文小學升上嚟的同學確實係挑戰，
奮力三年當掌握了技巧時，高中又轉channel用中文教，好似幾高難度噃！
不過，如果所謂"基礎學習"的內容與通識係各自獨立，咪就當兩科讀而非
延伸課程law，其實咁安排都幾惡搞！