用戶登入
用戶名稱:
密      碼:
搜索
教育王國 討論區 自閉寶寶 分享:囡囡開始了第一次髗骶骨治療的感受 ...
查看: 32240|回覆: 22
go

分享:囡囡開始了第一次髗骶骨治療的感受   [複製鏈接]

Rank: 4


810
1#
發表於 12-2-21 13:55 |顯示全部帖子 |倒序瀏覽 |打印
本帖最後由 wingwing2009 於 12-2-21 13:56 編輯

囡囡今年係協康返緊, 老師曾經提議比囡囡試針灸同埋髗骶骨.  囡囡好抗拒針灸, 做了兩次已落不了針(因囡囡反抗得好緊要).

其實我地排緊協康既髗骶骨治療, 但一直沒有消息.  最近我見bk 有人試了亦recommend 左幾個治療師, 我地就就揀左一位女治療師.

今日終於同囡囡去做了.....開頭囡囡入到房一直都好開心...仲自己爬上床, 之後個治療師開始同囡囡做頸位...囡囡就開始黎料, 狂喊....個治療師便問我在懷孕時有沒有甚麼特別事發生...講講下我地才記起囡囡在我肚內時有臍帶圍頸既問題, (3個圈), 但出生時一切正常等等...治療師說她可能在這個階段時令到佢一d 神經出現了紋亂訊息, 導致囡囡有語言問題...一直囡囡都係度反抗, 喊, 叫...治療師話由得佢抒發佢既不安情緒, 還同囡囡講, 你唔舒服可以大喊, 不用怕 (聽到這裡我已眼淚在心裡流....)  但還要裝作平靜, 我只好緊緊拖住囡囡隻手安慰佢...

之後, 治療師帶上手套及手指圈, 準備幫囡囡做口..., 囡囡仍然不停地叫喊...(真係心痛死), 但冇幾耐, 囡囡居然靜了下來, 還睡著了...治療師話好多少朋友放鬆左情緒之後會訓著...但囡囡成身已濕晒, 出晒汗...

全程50分鐘既治療叫做完結, 她安慰我說, 每個小朋友, 就算大人做這種治療也會出現情緒不安同哭鬧, 叫我不用擔心.  佢仲話囡囡第一次做這種療程表現得已很好...還說, 通常一般呢類小朋友做一兩次後我地會發現佢說話會多左..叻左...但同時情緒可能會大左,然後會慢慢會平靜下來.  叫我們給多點耐性.

我地約左下個星期一再做...睇下做多幾次效果如果, 會再來分享一下..

在這我亦多謝bk 的有心家長們給予我很多有用既資料!  希望大家一同努力!
   8    0    1    0

Rank: 4


810
2#
發表於 12-2-21 16:49 |顯示全部帖子
其實我都唔知, 但係上次去做針灸時, 個醫師又係問我類似問題, 咁我都冇講比佢知臍帶圍頸問題, 但佢又問我囡囡有冇跌親or 受到驚嚇...醫師同我講, 如果bb 曾受到外來既事而受過驚就好易會咁喎...咁囡囡係我肚入面有冇受過驚, 我真係唔會知lor...今日個治療師話如果(佢只係話如果..) 囡囡有可能係肚入面因臍帶緊左而受過驚嚇, 會影响到佢腦神經可能出現錯亂訊息...(好似係咁既意思).  不過, anyway, 我只係覺得佢都係想知會有乜可能性才會有咁既結果啫, 我又冇乜特別feeling.  不過佢話治療可以刺激腦神經重新生長, 咁都冇壞掛...不過我會試多幾次再觀察下囡囡既進度再作決定...唔得既, 咪又諗下其他可行既方法...無論點都要堅持, 令囡囡可以有進步為目標.

Rank: 4


810
3#
發表於 12-2-22 10:02 |顯示全部帖子
我見個治療師好溫柔, 個囡係驚多過痛LOR..如果痛, 我估呀囡唔會做做下訓著左..做完口之後, 我見好多痰出左黎..個治療師話係正常喎...

之後佢仲同囡囡做左一陣頭位, 呀囡已經無反抗得咁緊要..

希望下個星期囡囡會好D無咁抗拒啦..

Rank: 4


810
4#
發表於 12-2-24 10:05 |顯示全部帖子
why-me 發表於 12-2-23 17:42
另類療法亦有可信性, 我仔做左成年, 真係一直有進步, 唔只我感到, 老師都認同.
當初都係協康PT姑娘建議, 佢 ...
想問咁你囝囝現在講野進度係點呢? 可以分享下嗎?  我還是很肉赤個囡受皮肉之苦....

Rank: 4


810
5#
發表於 12-2-24 10:10 |顯示全部帖子
apple~y 發表於 12-2-23 14:49
髗骶骨治療係咪好貴呀??係咪即係按摩??
髗骶骨即係咩意思??
我唔知係咪叫做貴, $750 / 50mins, 我之前請個語言治療師上門教都要$900/45mins.  咁相對呢個治療叫做平少少掛.

我都係上網睇關於髗骶骨治療, 佢同一舨按摩係唔同, 佢話小朋友頭髗係由好多版塊合成, 我地d 小朋友既問題係因為果d 版塊接洽有偏差, 導致大腦訊息傳遞得唔好引致....所以治療師係幫佢地將呢d 版塊重新再整合...


Rank: 4


810
6#
發表於 12-2-24 11:49 |顯示全部帖子
jjcow 發表於 12-2-24 10:39
我想問,我仔個頭骨歪架,又凹凸不平,係咪即係所講嘅接合得唔好呀?

你呢個問題咁我又唔識答你, 我諗你最好尋求一些專業意見會好D.


Rank: 4


810
7#
發表於 12-2-24 14:42 |顯示全部帖子
apple~y 發表於 12-2-24 13:26
回復 wingwing2009 的帖子

多謝你解答,
呀囡完全唔肯做針灸, 反抗得好緊要, 又喊得好勁...成間醫院都聽到佢喊聲...所以我地放棄左...

Rank: 4


810
8#
發表於 12-2-27 10:15 |顯示全部帖子
今日囡囡做了第二次治療, 我今次冇去, 只有工人姐姐同daddy 同佢去, 做完老公打比我話囡囡冇上次喊得咁勁..只係叫住"媽咪" "daddad", "姐姐"..同埋做口都係訓左..聽完老公咁講, 我個心都叫做舒服d.

不過好巧合, 囡囡做完第一次治療後, 講野都係好左, 會講長少少既句子, 完整左.  不過我做治療既同時, 亦開始左食大然supplement, (差不多3個week), 所以唔知係邊樣對佢有幫助.  不過佢現在眼神接解真係好左好多, 星期六見到我哥, 佢還會主動拖我哥同佢玩, 仲會識答我哥既簡單問題..(哈..連我哥都話佢叻左), 我哥是幾個week 就會黎探我地一次..佢話佢真係唔同左喎..

Rank: 4


810
9#
發表於 12-2-27 14:11 |顯示全部帖子
本帖最後由 wingwing2009 於 12-2-27 14:16 編輯
owl_2046 發表於 12-2-27 11:48
可否分享下你囡食咩野 supplement?
我仔都做左1年髗骶骨, 應該同你個女同一間(Causeway bay) ...

我之前比佢食xx肉鹼..但沒有太大效果.  所以我最近去開益x坊買野(我之前都係係佢度買), 咁同個職員講開, 同埋我係一d網站度見到一種叫”豆磷脂”既天然食品(其實係黃豆度抽取出黎), 咁我買左, 比囡囡食, 仲有一隻叫”腦磷脂”, 專係用黎修補腦細胞的..你可以去web度打呢兩樣野,會有好多資料..我都有一齊食. 仲有一直有食開omega 3 油都keep 住食...

咁啱開始見到d效果,但我都唔知係咪同食療有關定係髗骶骨有關, 但我見現在好似幾好, 會keep 住食一排睇下會唔會一直有進步..

我係台灣一個親子網站見到好多人都比a仔食呢兩樣野....所以即管一試..

補充:其實亦有可能囡囡開始大個都有可能(因為曾經我地既家庭醫生同我地講過,佢見囡囡既狀況,佢話囡囡呢d CASE 通常係五歲左右會有好大轉變喎..) 所以我都唔敢確定囡囡最近既進步係來自邊樣野..

Rank: 4


810
10#
發表於 12-2-27 17:16 |顯示全部帖子
本帖最後由 wingwing2009 於 12-2-27 17:18 編輯

各位pm 左我既家長, 我已回覆左你地, 唔好意思, 我冇留意我既pm..所以可能遲左.  (但係我既資料只供參考, 我希望大家要自己再上網搵下有關info 先好決定, 唔好心急人做你又做....因為每個小朋友反應都唔同....)

仲有, 我有樣野唔記得講, 剛才我老公去見完老師講起... 我個囡最大轉變有一樣野..就係佢又一歲開始就唔可以帶夾仔, 扎頭髮...一整佢就會立刻mung 走..所以佢一向都係短頭髮..但係上個星期做完治療果日, 工人姐姐又唔知點解無端端同佢扎頭髮, 仲夾埋夾仔....真係咁啱得咁橋, 佢又冇再抗拒..之後到現在每天佢都扎孖"邊"仔同夾夾仔返學, 連老師都驚訝佢有咁既轉變...

Rank: 4


810
11#
發表於 12-2-27 22:40 |顯示全部帖子
apple~y 發表於 12-2-27 17:48
髗骶骨治療係咪一星期一次
有無話做幾耐先完成一個療程?

係呀, 我地係一個星期一次, 個姑娘一開始就話每個CASE都唔同, 但佢好proud 咁話佢地好多client (自閉小孩)都一年度就可以discharge, 唔駛再返去做治療喎..不過我暫時都係觀察下先再睇下前面條路點行...

Rank: 4


810
12#
發表於 12-2-28 09:45 |顯示全部帖子
陳爸爸 發表於 12-2-28 00:30
Hi Wingwing2009, may u pm me where to buy 豆磷脂 & 腦磷脂呢? 食幾多份量呢? Thks!
我一直都係係益x坊 度買supplement, 佢d 產品多數係來自美國 (有隻brand 叫now  同 swanson), 其實係online 都可以買到..豆磷脂係粉粒狀, 我每次係一茶匙溝水放一陣等d粉粒冇左or 溶放入奶比囡囡飲(因為如果就咁比佢佢唔肯食), 我食過, 其實佢係黃豆咁味..都唔難食 (我都同囡囡一齊食..嘻..補腦), 至於腦磷脂, 我比囡囡每日一粒..佢冇抗拒, 可以成粒放入口咬破個jelly shell...(其實囡囡都幾奇怪...嘻)

Rank: 4


810
13#
發表於 12-3-5 09:51 |顯示全部帖子
陳爸爸 發表於 12-3-4 01:38
Thanks a lot! 你所說買呢兩種磷脂產品那間是否在將軍澳新都城中心一期商場2樓嗰間呢? ...
係呀..我係果間買開..

Rank: 4


810
14#
發表於 12-3-7 10:21 |顯示全部帖子
陳爸爸 發表於 12-3-7 01:39
Thanks! 其實我都同時食緊乙醶加蘋果素(在Dr 那裡買), 但效果不太好, 而你話你小朋友食此兩隻都不太好才轉, ...
我冇去過dr ku 度買野...我都係係益xx 度買架..其實只要成份一樣, 唔一定要去邊一間買....我見online 都有呢d product 賣..但見價錢差不多所以係舖頭買.  

Rank: 4


810
15#
發表於 12-3-8 12:01 |顯示全部帖子
iuman 發表於 12-3-8 02:07
回復 wingwing2009 的帖子

請問有無帶女女去做第三次顱底骨治療啊?我都book咗你話果個女醫師15號去做。想 ...
有呀..做左第3次啦...情況都ok...個囡仲突然識講大話, 佢一上張床就同daddy 講, "疴尿尿...疴尿尿", 之後見daddy 唔理佢就再講"daddy 去厠所要疴尿尿...", 最後daddy 同佢去時當然係冇啦...咁行番出去時佢就指住要坐lift 走人...哈..

返到home, 夜晚老公講番件事比我聽, 一邊講一邊話個囡講大話, 個衰妹仲一直係度暗笑..真係好攪笑...這次係囡囡第一次講大話...(原來個囡識講大話我地都咁開心...痴左線..)

我現在自己會記錄晒囡囡每次做治療既情況, 等日後睇番就會睇到囡囡在治療過程中既變化....

咁你做完記得上黎分享下...

Rank: 4


810
16#
發表於 12-3-8 12:05 |顯示全部帖子
FeiG 發表於 12-3-8 10:43
四歲l做髗骶骨會唔會太遲?可以把治療師啲聯絡方式pm我嗎? Thanks
我個囡都四歲半啦...我唔知會唔會遲..但我只可以向前望, 希望可以幫到佢....

我pm 左d 資料比你.

Rank: 4


810
17#
發表於 12-3-9 12:30 |顯示全部帖子
各位要我pm 既朋友, 我諗我唔想只係介紹某一個治療師比大家, 因為一來我唔知佢係咪真係咁好..二來我唔想人地以為我係幫某人賣廣告....

其實大家上"吔烏" search 一下髗骶骨治療, 咁都會有好幾間中心有這服務...大家不防睇下佢地d 資料比較一下, or 打個電話詳細問下, 才決定....

尋日囡囡學校老師打比我地話囡囡係學校表現好多, 主要係脾氣好左, 訓午教都好左....佢都叫我地keep 住幫囡囡做這個治療.

Rank: 4


810
18#
發表於 12-3-19 11:45 |顯示全部帖子
嘻嘻 發表於 12-3-18 15:07
唔係想潑冷水,我自己小朋友都有問題,亦四處尋找方法醫治,唯髗骶骨治療唔會試,因為我有親人既生意上有接觸到 ...

um...我亦知道每一樣治療冇100%一定得, 但我囡囡做左第5次, 效果又真係好好...(唔知係佢大個左, 定係真係有幫助), 佢呢幾日仲會學人八卦, 仲自己作左一D歌仔係度唱, 我同daddy 都覺得佢唔同左....

同埋學校老師都覺得佢定左好多, 脾氣好左...所以我地都會繼續比佢試...

個人覺得, 每一樣野都總有人會混水摸魚, 我地係控制唔到.  

但係髗骶骨治療係唔係就咁講就可以, 我上網睇過D 資料, 要專業治療師先可以做....而協康亦好buy 呢種治療, 覺得對小朋友好有幫助.





Rank: 4


810
19#
發表於 12-5-7 14:26 |顯示全部帖子
BKVIP 發表於 12-5-4 14:18
你地小朋友做完髗骶骨個頭有無變得好敏感?EG 好驚用花洒洗頭,但以前唔會? ...

我囡囡冇喎...佢一向唔鐘意夾夾同扎"邊", 但佢做完第一次治療後, 到現在佢冇再抗拒夾夾同扎"邊", 呢樣野係我地覺得最神奇既一樣野....

Rank: 4


810
20#
發表於 12-9-4 15:20 |顯示全部帖子
嘩原來我個post 到現在還有人回應....

各位, 我已幫囡囡停左骨治療了..做了廿幾堂, 到後黎已沒有特別改變..現在佢肯開口講下野, 但唔多...但都有一定進步...

大家努力加油呀!!

‹ 上一主題|下一主題
返回列表
發新帖