班主任話女女係容易被影響的人

htts

星期6見班主任,  老師話呀女跟埋d 同學做埋d 古靈精怪的動作, 話佢唔啱, 跟埋人做d 衰野.  由於女女會於9月升中喇, 老師擔心佢呢種容易被影響的人會易學壞.

我女係好硬頸的人, 又目中無人, 加埋反叛期, 該如何輔導她呢?  又如何勸勉她不要咁易受朋輩影響呢?

Yanamami

所以要揀校風好/ 純樸既中學, 唔好睇少peer pressure既力量.

htts

e家揀左DSs, 但我覺得乜學校都有壞份子, 真係唔知點叫佢唔好咁易受影響

Yanamami

呢d真係要係佢未"發難"(反叛)前落定葯, 洗定腦先得.  我女高小時仲同佢講乜都入到耳時, 教定佢咪人做乜佢又做, 要經下大腦諗下應唔應該做, 朋友齊齊做果d未必o岩亦唔好為取得認同而跟住做.  當然, 我還我講, 上到中學賀爾蒙發作, 佢會唔會照做又另一回事.  但前日我問女點解好似唔見佢同XX埋堆, 佢話XX唔多勤力讀書喎...禁即係其實都有听入腦, 自己識分辨好坏, 但有d小動作, 佢地唔覺乜一回事, 就真係學左都唔出奇.  唯有佢心情好時就笑笑口勸下佢/ 提點下囉.

htts

My girl is already on the "rebellion" generation.

Yanamami

唯有同佢扮"朋友", 佢心情靚就寸下佢. 總之以幽默感對策, 如果說教式就一定回你一句:"你好煩".

cellon

Yanamami 發表於 12-4-16 11:22
唯有同佢扮"朋友", 佢心情靚就寸下佢. 總之以幽默感對策, 如果說教式就一定回你一句:"你好煩". ...

Yanamami 的EQ很高。

Yanamami

係呀~~個女而家成日話我煩.  我話唔煩你果個就唔係你阿ma la.....你成日激到我氣咳, 我唔煩番你夠本咪好蝕底?

26771289

Yanamami 、你呢句好掂呀、我又學到野喇

Ivy07

青春期的後生仔女係容易受同輩影響，我講一百句都唔及朋友講一句，都幾難搞，但佢咁大個仔跟本就唔可以好似小學時咁對佢，而家唯有多些同佢講下學校的嘢，希望了解佢多些，知道佢身邊的朋友係咩人

kilykilyk

htts 發表於 12-4-16 08:21
星期6見班主任,  老師話呀女跟埋d 同學做埋d 古靈精怪的動作, 話佢唔啱, 跟埋人做d 衰野.  由於女女會於9月 ...

我囝佢小學時期都曾經比班主任話佢好易受人應響,又話佢好鐘意搞事,上堂成日多多動作,

操行好麻麻,當初我都很怕囝會容易學壞,我都曾經心灰意冷,但現在升咗中學的他已經無被老師投訴這些,

感覺佢改善咗好多,比啲耐性愛心引導佢向好啦..不要灰心,要信小朋友一定改到..

cherrylemon

原帖由 Yanamami 於 12-04-16 發表
所以要揀校風好/ 純樸既中學, 唔好睇少peer pressure既力量.

你講的我都做緊真係幾好的，有時佢有要求，我會話 准奏啦，你跪安啦，咁同學仔見到佢媽msg咁攪笑，佢地都好羡慕我女，咁自然地我係女心目中份量又重要左，關係就咁每日一些建立的。