囡囡好倦, 係咪太多課外活動呢?

Chowying

vickylyy 發表於 12-4-18 21:54
真係好攰喎,最好一天全休息,同佢去公園,郊外玩下,這樣的童年才不枉過!!
仲有成世人,知識有排佢學,但係快樂 的童年生活只得幾年!!

多謝意見. 我有時見放假都係 hea 係屋企, 阿囡好悶, 因為囡囡無兄弟姊妹, 堂兄弟姊妹, 或表兄弟姐妹, 爸爸多數星期日/假期都要返工, but e+ 睇黎 hea 有 hea 好, 同埋琴真係要練.

munce

my girl also P1 now.

schedule as follows:
Mon - piano
Wed - ballet
Sat - ballet, choir, drawing
Sun - 主日學

now she wants to try girls scout on Sat, and she suggests to quit ballet, what do you mommies think? thanks

Chowying

回復 csy_ma 的帖子

首先, 多謝你既意見.

關於芭蕾舞上2堂, 因為要考試, 所以一定要跳2日, 唔係話考試好緊要, 因為我自己都有跳, 所以行內既事我知得好清楚, 唔考試既話, 個老師再好都唔會多執你動作, 隻腳歪小小唔執, 拍子爭d唔話你, 唔好以為係細眉細眼既野, 一年唔考唔多覺, 兩年唔考問題會慢慢浮現, 再學上去會好辛苦(唔係話要跳得好好).

如果你講既係某大學校教芭蕾爵士既XXX院士, 咁我同佢可算係同校師姐妹(芭蕾舞), 都有一齊上個堂嫁, HAHAHA. 對於脚部問題, 我是知道的, 多謝關心, 我明白~理論上只要老師正確教導, 係唔會有發育上既問題, 不過係理論上囉, 我都好清楚. 學跳舞或其他野, 我都唔係想佢成為專業, 純粹想佢認真學就OK (但個囡點諗唔知).

至於英文, 我覺得有d麻煩, 本來我當 BC 英文班係大 playgroup 咁, 主要去聽多d, 講我知係應該唔多, 當keep吓. 6歲前有去開某間唔錯, 但6歲後冇班, 同埋我發覺坊間6歲後多數係操練班, 我唔想揀呢D.   我覺得英文實際聽講好緊要, BC 油麻地 centre 近屋企, 同埋一時間唔知去邊間好. 囡囡3歲升讀K1時, 試過停1季playgroup, 嘩! D 音即刻走side 樣.

其實囡囡一早就養成睇英文書既習慣, 平日係屋企佢日日 nickelodeon, 但最近發覺學校係功課同小測越出越深, 好多要 answer in complete sentences, 佢地課程根本無教到, 要答 complete sentences 涉及好多 grammar 問題, 又賴低比我自己去教, 我好唔滿意學校呢樣野, 咁樣就算識睇書都學唔到要對應問題既 grammar,  我以為簡單D, 報個 grammar course 解决. 所以, 我好苦惱, e+咁既情況, 究竟唔要邊班好? Thank you.

Chowying

lee_lamlam 發表於 12-4-18 22:47
不如cut左9 : 30 - 10 : 45 攀石佢啦
玩得唔耐，而且又要早起身

多謝意見. 睇黎下一季都要啦, 攀石要讓路比游水, 等冬天再攀過.

Chowying

mokchingyin0910 發表於 12-4-19 08:35
星期六太busy,七時半就去游水？早上?比佢訓下好過！

多謝意見. 啱啱上星期六上左第1堂, 真係好早. 平時因為唔返學佢都一樣咁早起身, 又見天氣開始暖, 咁咪同佢報游水, 不過, 呢幾日囡囡真係好攰, 我諗我會將游水搬去星期一放學後.

Chowying

回復 letea 的帖子

多謝意見. 我問囡囡 cut邊樣好呢, 囡囡答：「cut 無樣」, 有D激c

Chowying

vnghk0001 發表於 12-4-19 10:12
其實游完水會好tired架，仲點會有精神學野？

多謝意見. 請問你覺得搬去星期一放學校後 OK嗎? 我其實只想佢學"識"游水, 唔洗叻, 大吉利是掉落水唔會即刻瓜, 有d時間比人救, 我怕太大學會怕水, 我就因為咁冇學識到.

kochiman2004

It's very important to balance in learning and resting, 星期日一定係休息日 or family gathering day or playing day ....

Yanamami

Chowying 發表於 12-4-19 12:56
多謝意見. 請問你覺得搬去星期一放學校後 OK嗎? 我其實只想佢學"識"游水, 唔洗叻, 大吉利是掉落水唔會即刻 ...

若果你只係想佢學識游水而唔係比賽羅牌, 我建議暑假得閒d先學.  私鐘1:2(搵個朋友仔一齊), 每周2~3堂, 一個月唔洗應該識3式.  點解要2~3堂/week?  因教練話1堂/week, 每次要花半堂從溫上堂教過d動作, 進度慢又唔連貫.  所以1堂/week會學得無禁好.  考慮下.....學識後可keep住一個星期游一日當運動.

vnghk0001

其實，如果係咁，不如暑假先學，除非你想佢有好標準嘅泳式，如果唔係話水性太差，一般都好快識，我以前都係參加學校游泳班，一個暑假已經學識自由式同蛙式啦。

至於話驚水，除非試過比水＂jum"親，如果唔係，一般都冇話驚水架，我都係中一暑假先學，同啲同學一齊學，不知幾開心。

anna59

回復 Chowying 的帖子

嘩,獨生女中既獨生女呀! 連表,堂兄妹都冇;依家好多小朋友都系咁,唔怪得你比佢參加咁多活動啦!
可唔可以cut左 2,3樣,因為上到三年級佢玩開咁多野系好難cut,因為佢已經有主見喇

babybear

原帖由 Chowying 於 12-04-19 發表
多謝意見. 啱啱上星期六上左第1堂, 真係好早. 平時因為唔返學佢都一樣咁早起身, 又見天氣開始暖, 咁咪同佢 ...

囡囡逢星期一放學多唔多功課？星期二有有默書？
如果比我揀，我會盡量將游水放係星期五或星期六。

Hiu_Yau

游水真係好需要體力，你試下自己游一小時便知有幾辛苦。
星期六太多野學，冇精神之下學英文= 浪費錢同時間。如果游水改去星期一唔係咁好，佢又要做功課，又要溫書，第二日要返學仲要早起返學，跟本唔陪休息，仲有崖一星期。樣樣都係體能，冇可能唔倦。小朋友都會口不對心，你覺得佢樣樣都鐘意，可能佢怕你唔開始心先唔講，你再問下佢先幫佢安排啦~ 長遠可能太倦應響平時成績TIM~

Koala_Chu

游泳係全身帶氧運動,我覺得會比攀石好,所以我覺得可以cut攀石

會考慮請個外籍老師喺平日上門教英文嗎? 可以cut埋grammar同英國文化協會個course!!! 外籍老師可教grammar,phonics同會話

可以keep住彈琴同跳舞,亞女又冇咁辛苦

csy_ma

Chowying 發表於 12-4-19 12:11
學跳舞或其他野, 我都唔係想佢成為專業, 純粹想佢認真學就OK (但個囡點諗唔知).

既然您都係跳芭蕾既，我都明白點解您點解想個囡跳。您講既考唔考試既分別，我囡學唔同野時都令我幾強烈咁感覺到。就算係英文口語，要考試同唔駛考，老師既態度都幾唔同。

既然您唔想阿囡操水，咁游水不如1.先多帶佢去玩水，2.到暑假，搵個教練1對1/2咁教佢，就好快會學識。我囡兩樣都上過，單對單既教練執既姿勢標準好多，不過1對1，上果個鐘頭不停咁游，都咪話唔辛苦；且冇上泳班，好明顯係少咗鬥心，鍾意學識游水後自由玩水既感覺多過想游快過人。

攀石可以訓練意志，都值得學。我囡初小時暑假都玩過，但係個子小，又唔鍾意咁挑戰自己……其實，趁學前同初小課業壓力冇咁重時，讓子女多接觸唔同既課外活動，都真係值得支持。

不過，我囡暑期活動既經驗係：試過暑假一日趕幾場，實行玩盡佢，結果係大人細路都辛苦。過咗個暑假，假如佢參加既班一個人都唔識，咁就算上咗個幾月，可能都冇咩特別既感覺，可有可無。但假如當中有合作活動，例如要分組去採訪做報告咁，之後就算冇同果班人再聯絡，但都係有比較深既回憶。而有朋友仔一齊學既活動，就最能夠維持得耐，到而家，佢視為最好既朋友，唔係同學，而係由細到大一齊學舞既朋友。

至於英文，我既角度係：初小階段，係口語同口音發展既重要形成期，呢樣野好似游水咁，學咗之後就算冇咩接觸，之後再遇就好快搵返出已有既感覺。不過，我覺得單係每星期一兩個鐘既playgroup係唔夠既，最好輔以大量影碟或者故事CD。

至於學校測考，我比較受以前班資深讀書派網友影響，認為只要有咗讀書習慣，基礎已奠，成績遲早追到。而家一時既唔適應，可能係智力年齡既問題，只要家長唔太心急，遲早都跨過，未必需要花時間去解決（有位讀書派既資深網友，而家用另一個名響呢度再次分享佢既經驗，雖然佢個囝明顯既天才，但佢既讀書法都好值得參考）。

係勒，通常響學前已形成讀英文書習慣既小朋友，慢慢就會抗拒睇中文書（中文書明顯冇咁吸引），所以，您既注意力可能還要平衡中英？

Mighty

Hiu_Yau 發表於 12-4-19 09:31
游水真係好需要體力，你試下自己游一小時便知有幾辛苦。
星期六太多野學，冇精神之下學英文= 浪費錢同時間 ...

ＨＩＵ　ＹＡＵ
我覚得你全中、好多時小朋友真係驚ＭＵＭ唔開心、才説様様不ＣＵＴ，同埋有小朋友習慣了様様都係ＭＵＭ安排了、被問「ＣＵＴ辺様」？　有時真係費時想。　６歳人仔、単看星期６的ＰＲＯＧＲＡＭＭＥ、誇張Ｄ講、差不多是ＣＨＩＬＤ　ＡＢＵＳＥ　（＾－＾）。　
我個女学了３年ＢＡＬＬＥＴ，現在ＣＵＴ了。　因要上２堂、真係需要時間、如果不是認真学、無謂。　ＳＷＩＭＭＩＮＧ、我就賛成現在可以継続、大個才学、真係会難Ｄ，当然不是無可能。

csy_ma

我囡都係獨生女，阿爸又需要返夜班，所以佢都好黏其他小朋友。不過，最好既方法可能唔係俾佢多上活動班（只係上活動班，一星期果一次未必建立到友誼），而係多D約佢既同學仔（無論係學校定活動班既）一齊出黎玩，或者課後一齊食吓tea咁。

我囡細個時都唔鍾意留響屋企，有得揀就要去同朋友仔一齊食飯，我地試過當搭檯咁同同學仔既公公婆婆一齊慶生……不過佢大咗，有咗閱讀習慣後好d，更好既係響居所附近識咗幾個差唔多年齡既朋友仔（都係唔同學校既），假日就好有動力盡快做完功課去搵朋友仔玩

Mymaggie

回復 vickylyy 的帖子

好讚成，我囡今年六年級，至今好堅持星期日唔學嘢，只上主日學，有時會同老公帶阿女去郊外走走或在樓下運動場玩，有時則用來完成功課或溫習(呈分試好緊張呢!)，其實做人總要有休息時間，我也不想囡囡成長後回望童年沒有了我呢!

Mymaggie

回復 csy_ma 的帖子

呱....唔講唔知學芭蕾舞影響發育，我囡囡在幼稚園時學過兩年，現在學緊中國舞，但她發現對腳的膝頭哥內則位置較大，不能把雙腳完全緊貼，有無得醫?又會唔會果兩年影響咗呢?

我囡囡都有由小一開始補英文，由於囡囡的性格(我知她是九型人格中的那格)，她要做一些習以為常的嘢，她才會做得較恆久，我又知我英文有限，所以由細開始補英文至今.......不過，都是補一個課程，平時都是睇新聞和睇小說和做練習來令她加強英文能力呢!  英國文化協會，我囡都在五年級上學期補過，她覺得好開心，但太淺，幫唔到她考呈分試，所以要向現實低頭，放棄。