新丁求救 9 月升 K3 要怎樣選小學

elainekwok

我不太熟悉小學 band 幾band 幾的啊！
請問我小朋友今年9月將升 K3，之後要選小學。但由於我小朋友的理解能力比較弱及懷疑是亞氏保加症，不算太嚴重，據我所知，此症的小朋友應該給予他們傳統的學校，但由於他的大小肌肉弱同唔專心的關係，所以他寫字方面又比較慢，而他時常沒心機寫字，草草了事，我時常擦他的功課，要他重做引致寫字時間相當長。例如：只一版中文字24個字，他可以寫一小時連我擦改重寫在內，請問有沒有人能告知我應該找些什麼類型的學校給他呢？不知荃灣區有沒有有關此類型的學校呢？因為平時溫習時都已用了很多時間，很怕選了一些學校太多功課，另佢負荷唔到，辛苦我們又辛苦佢。

tiffanylmc

您應該開始留意同區小學的開放日時間. 到時去親身瞭解一下各校的教學方針. 再自行決定是否適合你的小朋友.

以我所知石小功課都唔小. 課程亦都唔算淺的.

tiffanylmc

同時我個人認為. 做功課其實都等同溫習既一部份.  
功課多亦並非壞事.

qop

以我所知浸聯功課應該比較少，不過英文書都幾多下。
最近果間你可以收下家長風，我就聽到都幾多負面消息。

babycam

elainekwok 發表於 12-7-5 20:50
我不太熟悉小學 band 幾band 幾的啊！
請問我小朋友今年9月將升 K3，之後要選小學。但由於我小朋友的理解能 ...

你可以考慮"香港道教聯合玄圓學院石圍角小學", 因為該校為小班教學, 提倡合作學習, 而且是一所關愛校園。學校有57%的全體老師曾接受過特殊教育培訓, 對了解學生需要是有幫助.


copy自Uncle-DOS升學選校顧問

http://www.uncledos.hk/modules/newbb/viewtopic.php?topic_id=11037&forum=3&post_id=22905#forumpost22905

elainekwok

好多謝咁多位的意見。因為早前忙於搬屋。亦有去參觀學校。
第一間參觀柴天：因為之前未曾有過參觀學校的經驗，所以只覺得學校的校舍及設施比較舊，其他給我們的感覺都不錯，尤其他們是少班教學及功課不會太多，還有副校說了一句話是他們不是一間需要帶補習老師返學的學校。但網上d comment 不太好。
第二間參觀思源：剛跟之前的柴天相反。設施及校舍都很好，之前 d comment 說校長很串，不知是否這原故，今次校長說話不多。反而是主任有些串。
第三間參觀伍季明：此校給我的印象不錯。校長及老師都很好，而且我個仔去到都表示喜歡這間學校。但昨天早上我到仁濟醫院早期訓練中心聽講座時說伍季明不太好。所以另到我都不知點算好。
之前有唸過深天，但看過你們上述的資料後就不敢選擇了。
下星期六回校會取表格同聽一下意見。
煩腦的家長

elainekwok

babycam 發表於 12-9-5 13:28
你可以考慮"香港道教聯合玄圓學院石圍角小學", 因為該校為小班教學, 提倡合作學習, 而且是一所關愛校園。學 ...

喺仁濟醫院早期訓練中心聽講座時都聽過石圍角小學喺之前幾年對特殊教育做得好好。
但上年不知是否有了名氣，校長開始將學校重點放在資優上，對特殊教育這方面開始忽略。

elainekwok

tiffanylmc 發表於 12-8-4 10:56
同時我個人認為. 做功課其實都等同溫習既一部份.  
功課多亦並非壞事. ...

你好！其實我個人都認為功課多並不是壞事，但若然小朋友每做一份功課要半小時至一小時，這樣便不能溫習到其他課文啦。因為佢星期六有 Letterland 要學要做功課要溫書。到小學時要默書考試，佢做每一樣事都係比一般人慢的，所以我先至想找一些學校是少功課的。

rickybb123456

回復 elainekwok 的帖子

可以親身看學校放學情況都有幫助

絡絡

qop, 請問是指石鐘山嗎？


其實可唔可以講你聽過石小D乜負面消息？呢個時候好多K3家長煩緊自行選邊間。

睇番之前某post,你好似是聽朋友説的，又講老師嘆慣，新校長跟本想改革都冇用，我有冇理解錯？

我是在職家長，只是靠學校網站認識學校。網站有晒全部通告，高年班有乜活動都知。

新校長舊年嚟，佢之前係石小校董。

我反而覺得新校長改左好多野，大則今年起由二測二考改為只有三考，小則男生要用皮帶，冬天由假bow轉打真領呔

舊年新校長嚟左亦都要英文和普通話老師在校內小息都要用英／普和學生交談 （但我細路唔會主動找他們）

又幫學生訂英文圖書。

elainekwok

回復 絡絡 的帖子

我之前喺仁濟早期中心聽家長講座，有三位家長專程回來說一些他們的小朋友在某間學校的情況，
讓我們可有些參考。其中有一個家長的小朋友喺石鐘山讀緊 ga.
我唔係好記得佢個仔今年升小二還是小三，但未轉制時學校對有特殊需要的小朋友係絶對好好，
有很多配套同埋活動幫助，但好似今年改制後就改以資優為主，所以果位家長話這樣便忽略了有特殊需要的小朋友。
佢都希望學校除咗著重資優外，還可以繼續保持著之前有特殊需要的小朋友服務。

elainekwok

我聽聞伍季明係好學校，請問有冇人知道伍季明係咪好谷 ga ?
因為我個仔時常跟我說好鍾意伍季明。

伍季明谷 D 還是思源谷 D ?

elainekwok

回復 rickybb123456 的帖子

之前我都有去過柴天睇放學。都覺得學生純樸。
但放學睇唔到多唔多功課？同埋谷唔谷 wor ?

jennycyf

咁係咪換左校長石小讀書壓力大左好多? 我諗緊大天海帆同石小...

rickybb123456

回復 elainekwok 的帖子

其實我都係K3家長,呢D都係有經驗媽媽話比我知

qop

jennycyf 發表於 12-9-17 20:33
咁係咪換左校長石小讀書壓力大左好多? 我諗緊大天海帆同石小...

我老公同事個仔講咗
佢地中英數用生果分類咗，唔同類型學生，櫻桃應係最好相返藍苺係最差，校長應該想把相同能力的中、英、數學生放在一起，而D E 班啲功課係特別少數量，多唔多功課，我相信唔係A-E班都咁多，不過以我老公分析 E 班擺到明係放棄，A班就應該係超多功課。對於小一
一開始多基本唔係好大問題，反而少開的突然起多就一定玩死家長。

醜樣豬

原帖由 qop 於 12-09-20 發表
我老公同事個仔講咗
佢地中英數用生果分類咗，唔同類型學生，櫻桃應係最好相返藍苺係最差，校長應該想把相 ...

點解D班功課特別少?

tiffanylmc

小兒讀緊一年級. 重未聽過A班功課超多. D.E班功課特別小喎.

xo468

回復 elainekwok 的帖子

香港道教聯合玄圓學院石圍角小學 ,你去了解下間小學,應該幫到你.

絡絡

唔知你小朋友可否在自行入了心儀學校，我其實唔識香港道教聯合玄圓學院石圍角小學，但見之前的家長說大抽獎放十幾位都入左，給你參考。