返學一個月的感受

ppgirl

囝囝返學不促一個月，每天也開心上學，學了很多歌仔，日日回家也不停唱校歌，被洗腦了。哈哈！
行政方面，校方有很多通告，辦事效率十分高。在一個月內，亦已安排了一次老師示範教學，令我完全了解老師的質素和教學方法，我十分滿意。在十月份會有第二次示範教學，讓家長們了解phonics.  十一月份有學校旅行 ，希望到時可認識更多同學仔。到目前來說，我覺得樂基是一所充滿教學熱誠的學校！謝謝！

emily207

我都認同，十分之欣賞，老師也十分盡力。但我收到在校表現報告，成績真的很差，同之前老師打電話黎講的係兩回事，攪到我呢幾日個心都成日唸住，好擔心阿囝讀得唔好，跟唔上。

ppgirl

你囝囝是否讀k1? 我囝囝讀p班，好似未有成績出。不過家長會中，校長講過最初的評核一定唔會高分，因為小孩只在學習階段。家長冇需擔心！

ShunNokmama

我仔都是讀k1,今年先轉過來,只是頭2日唔慣有喊,之後都感到好開心,每朝著校服都好期待咁話要上exercise做運動,同以前果間日日都話唔想返學,明顯係開心左好多!

loveannis

我個仔都系P班，好似洗腦咁，日日兩文三語咁輪流唱校歌，笑死我。

emily207

我阿仔係p 班，我講的係手冊的校內表現，希望黎緊會好d啦m

emily207

但十分之認同，我阿囝都係日日都想返學，次次問佢返開心嗎，佢必定話好開心。佢之前讀過另一間，日日都話唔想返學。

ppgirl

小孩開心上學，自己亦見到他們進步，家長們不用太坦心吧！希望他們好好享受這幾年幼稚園生活吧！

JuliaCKL

我個仔又係好鐘意唱校歌，唱英文版時，會唱：「i love my屁股.....」

loveannis

emily207 發表於 12-10-1 00:06
我阿仔係p 班，我講的係手冊的校內表現，希望黎緊會好d啦m

校長都講過小朋友初時不可能樣樣都excellent，系咁就唔使返學啦。

我收到手冊，有兩個tick 2，其餘全部都系tick 1，都不以為然，睇完就算啦，相信我個仔應該表現差過你個仔，所以你都無須介懷。

emily207

大家都講得好有道理，我宜家都放鬆左。多謝各位！！！

Ah_B

我亞仔今年 p2, 日日都係開心咁返學, 但手冊o既平估得一個 tick 咋, 見到都係有 d 唔開心, 希望黎緊佢會好 d 啦....

ppgirl

我個仔也只有兩個tick 2，不過我對佢的進度好滿意。
每個小孩的發展進度也有差異,只耍他開心返學, 又不停進步便可以了.
記着不要給太大壓力自己和小朋友.  學習是一輩子的事, 共勉之!

emily207

回復 ppgirl 的帖子

你講得好好，最緊要佢讀得開心，日日都想返學，相信佢大左都會有會美好的回憶。不過，初初見到個成績，有
d接受唔到，我都係要慢慢適應，學習接受批評及面對小朋友的不足之處，這樣才會有進步的。^^

ppgirl

回復 emily207 的帖子

十分同意.  我和囝囝也正努力學習面對困難和挫敗.  畢竟他只是兩歲多的小孩, 我們又怎能夠耍求他們樣樣都做到呢!
我只擔心現今的學制令小朋友透不過氣來, 做父母又耍陪跑......唉 ...加油吧!

may123

我女女今年新入讀,n班在另一幼兒園全日班,沒想過佢咁適應樂基,超開心,日日都返來扮老師及唱歌仔

ppgirl

証明了樂基是一間出色的幼稚園，我們可以安心了！

ppgirl

今日坐車途中，亞囝看見月亮，忽然唱了一首＂太陽伯伯＂,之後又唱了"月亮姐姐＂，好有節奏，好好笑。他說是老師教的！大家的小朋友有冇唱這首歌？

emily207

佢都有唱太陽伯伯，好攪笑。但就未聽過月亮姐姐

emily207

阿囝鐘意返學鐘意到一訓醒就話要返學，仲要自己著校服，所以樂基真係好好，係小朋友既樂園。