Seven 貨尾清貨

dichiu

各位 Seven fans，

噚日去 Barocco發現仲淨番一個女仔款（有兩隻色）同一個中性、男仔款，全部大碼…特價 $850。
其實咁多家長讚佢，我唔完全同意。我大女今年中二，佢分別响小三同小五都用過兩代嘅 Seven。我覺得個背板用用下有啲變型至會隔兩年換個新比佢。但小五嗰個用咗三年，個背板仲彎過小三嗰個。證明新不如舊。另外，我細女小一我又買個比佢，點知佢膊斜揹到就住就住行，而且前面個細袋一擺嘢個袋就斜咗落去。最後只用了一陣就無用。不過呢度好似無家長提出佢嘅缺點？

pekklec

Thanks for sharing.

evacalbee

回復 dichiu 的帖子

唔好意思, 請問點解你仲一直買佢?

dichiu

大女第一個 Seven 真係唔錯嘅，係用咗兩年個背板開始彎彎哋。我問大女揹得舒唔舒服，佢話舒服同埋容量夠大。到小五學期尾我諗住阿妹升小一，想買個比阿妹，點知帶埋大女去，佢又話要換個書包，所以最後一次買咗兩個。大女新嗰個就揹足三年，不過同舊嗰個比就質料差啲，用咗年半就有啲布面磨蝕咗。
反而細女嗰個就以為用得著但…因為小一書不多但書包內籠太大，入面又冇帶固定書嘅位置，最後揹起唔貼背。再加上佢天生膊不夠橫，揹起成日拱住個背去頂住唔比書包跌。而我揀嗰個女仔款最前個袋特別深 (同大女嗰兩個男仔款比），只放件雨褸就 dum 咗落咗，個書包又再墜低啲。見佢揹得唔舒服，最後買番個 SPI 細碼比佢反而啱佢身型，最好係心口有條固定帶扣住。
所以我嘅個人意見… Seven 比較適合較高大或小三以上嘅小朋友。呢個只係我嘅少少分享。如有家長可指教我如何放東西令書包更貼背更好揹就最好了，反正我仲留住妹妹個 Seven 希望明年可以用。

dichiu

唔好意思，原來我計錯日子，大女兩個 Seven 都分別用了兩年咋，仲以為小五尾買嗰個用咗三年添。今日睇番，舊嗰個仲新淨過新啲嗰個呢！希望可以見到多啲家長分享點擺嘢可以令啲書唔向前「中」。

SCKnight

用得一個月，俾唔到兩年後嘅意見。可能我小朋友高大，學校又多書，唔太覺有dichiu小千金嘅問題。但係俾小朋友試揹SPI同Seven，我小朋友比較喜歡Seven，因為覺得輕同揹得比較舒服。

ellang

大囡小一買了一個細碼, 用到小四, 轉給妹妹用多兩年. 仲好新,再給家姐囝囝用.
old style 有橡筋 cool 住 D 書, 所以貼背.

大囡小五買了個大碼, 用兩年, 現給妹妹用. new style 沒有橡筋, 所以我自己加橡筋.

所以在小學階段, 兩個囡用了兩個 seven, 一個細碼 SPI.

dichiu

點加橡筋吖？有冇圖睇吓？

miriam

原帖由 dichiu 於 12-10-06 發表
點加橡筋吖？有冇圖睇吓？

我都係自己加橡筋

12-10-6 17:08 上傳

下載附件 (80.44 KB)

miriam

用一寸闊橡筋已經得

12-10-6 17:10 上傳

下載附件 (67.41 KB)

Babyeddie

yeah, Give me five
我都係自己加RIBBON

dichiu

要釘得咁低，會唔會好難落針吖？

dichiu

原來大家都有「書浪浪吓」嘅問題，好彩有你哋分享！

miriam

dichiu 發表於 12-10-6 18:09
要釘得咁低，會唔會好難落針吖？

洗完之後成個書包反轉縫.

miriam

dichiu 發表於 12-10-6 18:12
原來大家都有「書浪浪吓」嘅問題，好彩有你哋分享！

基本上係我自己無聊加上去, 根本 D 書加埋筆袋已經頂住左唔會浪浪下.

sababy

請問釘橡筋的位置應該是書包高度的一半嗎?

sababy

原帖由 dichiu 於 12-10-05 發表
各位 Seven fans，

噚日去 Barocco發現仲淨番一個女仔款（有兩隻色）同一個中性、男仔款，全部大碼…特價  ...

請問是今年款式嗎?有沒有相片？？thanks!

dichiu

應該係今年款因佢哋每年只返一次貨，但冇影相。你自己去睇吓！

sababy

如果是今年款式我都有看過，男仔款是甚麼顏色呢，thanks!

dichiu

深紫／黑