求教：點樣教小朋友用左手揸筆寫字？

yybee

仔仔喺用左手揸筷子食飯，唔知點樣教佢用左手揸筆寫字，我用左手揸住佢左手根本寫唔到字，因為我係用右手的。另外聽人講用左手寫字，紙張唔應該放係正中央，咁應該放邊？
好煩惱

Yanamami

我女都係左撇子. K1時老師問我想佢用邊隻手寫字. 雖然果時只係畫線條, 但我表示凡係功課簿, 一律用右手. 其餘做乜都由得佢用左手. 所以佢畫畫/ 填色/ 用剪刀/ 食飯全用左手.

yybee

我喺政府度同佢做左個評估，結果話佢左手係優勝手，叫我地教佢用左手，佢會做得好啲，但問題係我全家人都係用右手，教佢感到好困難

Yanamami

左撇子梗係用左手好d啦(我女如用右手剪野會無力, 剪唔好). 唔做評估都知啦.....問題係, 寫字一定係右手好d. 一係你由得佢自由發揮.....其實就算係用右手, 都唔洗楂住佢隻手寫字喎.....

Radiomama

我仔都係左仔-寫字打波都左。我是順其自然，學寫字不用捉手，幼稚園時老師同樣要求姿勢正確-坐姿、執筆正確就可以了。寫字不好是因為小肌肉練習不足，多做執豆剪紙填色連線好過不斷操練寫字。這個跟練武一樣，基本功最重要！

142526

我是用左手寫字的,個人認為用邊隻手寫字是不需要教的,佢自然會用佢想用的手,除非是大人有心要佢用,順其自然吧.

moonychan

唔洗特別捉佢隻手寫的, 我仔都係左撇子, 我冇捉過佢手寫. 因為我都唔識.

另外, 叫佢練多點, 佢係天生既就會寫得好自然嫁喇.

放心.

yybee

我先生個姪女都係左撇子，但老人家死都迫佢用右手，到佢大個佢話畫畫一定用番左手，重畫得好靚，所以我都唔想迫佢，只係想學下了解下用左手寫字嘅正確方法同姿勢，希望唔好學壞手摯

方麗娟

我細女都係傾向用左手, 明顯較靈活和強而有力 唔知係唔係因為我家族零零舍舍出咗兩個左撇子(我舅父), 其他人全都用右手. 上一代冇人教, 兩個舅父都係咁樣長大, 我相信左撇子是天生的, 冇得教, 亦唔應該夾硬將佢改變.

問題係, 我擔心囡囡返緊的學校, 老師同學都是用右手, 會唔會影響到阿女學咗其他人用右手呢? 或者在畫線條時, 老師用自己的右手捉住囡囡的右手?

Radiomama

左手寫字的姿勢與右手無分別，反而要注意書枱左面不要放雜物，枱燈應放右上角。

yybee

原帖由 方麗娟 於 12-10-10 發表
我細女都係傾向用左手, 明顯較靈活和強而有力 唔知係唔係因為我家族零零舍舍出咗兩個左撇子(我舅父) ...

我仔一番學我已經同老師講佢係用左手的，老師即係mark低，重話佢地會有左手用較剪添，所以你都最好同老師講聲罷！

犖犖

Yanamami 發表於 12-10-7 11:03
我女都係左撇子. K1時老師問我想佢用邊隻手寫字. 雖然果時只係畫線條, 但我表示凡係功課簿, 一律用右手. 其 ...

我們都有點後悔當日無叫個仔試用右手寫字。我仔左手寫字，困難不是很大，但相比右手寫字要辛苦。
我太太是左撇子，我有一個左撇子哥哥，朋友中左撇子的也為數不少，但超過三分二，寫字時是用右手（細時被迫），但揸筷子時就全部都是左手，食中菜時成日「打架」 以前我不明白。

中文寫字時如果是直排（格仔簿）還好一點，工作紙是橫排，英文字也是橫排，對於字距、裝字，小兒如今仍難以掌握得好，往往要改正，少則一、兩次，多則十次八次，所以佢唔鍾意寫字作文，相反畫畫就完全另一回事。

對於中文字，現時上了小一，校方對筆順比幼稚園時嚴格。小兒從前寫字，就算知道筆順，都未必會跟，好自然用順自己左手的寫法。現時老師往往會用紅筆更正小兒的筆順位，所以這方面要多加注意。
另外，亦會敎他執筆位置要後一點，及紙張要放在不阻自己視線位置，即不要給左手和筆遮蓋已寫的字。


還有一點，為何後悔當時沒嘗試引導小兒用右手寫字呢？去年暑假，小兒加入棒球隊，好自然就買了右手手套，配合左手投球。隊中也有一位左投師兄，擊球時則站右方，大家都很高興又多了一位左投球員，因為棒球比賽中，左投右擊的球員不多，所以也比較有優勢。誰知練了兩個月，也掌握不到投球的方法，於是敎練建議讓他試轉右投，結果當然是比練了兩個月的左投還要好，亦因此要另買左手手套，改練右投左擊了。

Yanamami

犖犖 發表於 12-10-11 09:06
我們都有點後悔當日無叫個仔試用右手寫字。我仔左手寫字，困難不是很大，但相比右手寫字要辛苦。
我太太是 ...

Good advice, 犖犖.

奇在我&daddy兩家無近親係左撇子! 唔知點解個細女係. BB時(幾個月大)我已發覺la. 俾玩具佢, 佢自己會右手交俾左手. 但叫佢用右手做功課一d困難都無, 只係習慣問題, 當中無逼/ 罵/ 打/喊. 其實初時佢左右手都寫到, 後尾集中只用右手寫字, 左手做其他野吧.

siulin0823

囡囡都是左撇子, 平時出手慣性用左手;  但學校一定要她用右手寫未畫畫, 食飯, 做什麼都要她用右手.  在家我沒有指定她.  到現在一年過去, 囡囡在Play group時, 不時很自然取筆用左手, 然後又轉到右手.  到最近要開始寫字, 問題來了, 她一時用左手寫, 一時用右手寫, 明明寫A字, 筆順先寫左面第一劃, 用左手時能跟筆順, 但用右手就倒轉筆順, 她會寫右面那一劃.  什算好?  

方麗娟

yybee 發表於 12-10-10 15:43
我仔一番學我已經同老師講佢係用左手的，老師即係mark低，重話佢地會有左手用較剪添，所以你都最好同老師講聲罷！

我個女2歲幾返緊pn, 學校唔係咁"學術性", 冇線條練習冇功課的, 不過有art class(其實係揸住枝brush亂咁"了"d顏色). 阿女返學一星期, 我見佢在家多咗用右手, 就主動同老師講聲, 阿女的dominant hand係左手. 老師話呢個age冇特定, 有時用左手, 有時用右手...不過講完, 而家見阿女又多d用返左手.

方麗娟

曾經睇過一篇關於育兒的文章, 筆者提到只要將個皮球"碌"向小朋友腳前, 小朋友用邊隻腳踢, 就知道佢係左手定右手, 因為呢個係本能反應, 睇下佢出左腳定右腳.

我分別同大仔和細女試過, 大仔一直都是用右腳(雖然1歲前經常用左手拿湯匙進食), 細女就次次都係左腳. 呢個測試可信度唔知有幾多, 但係都幾得意!

cellon

Yanamami 發表於 12-10-7 11:03
我女都係左撇子. K1時老師問我想佢用邊隻手寫字. 雖然果時只係畫線條, 但我表示凡係功課簿, 一律用右手. 其 ...

現在的情況如何，右手寫字成功嗎？

不過，外國有例子，強逼左撇子用右手可能會導致心理問題。

喵媽

犖犖 發表於 12-10-11 09:06
我們都有點後悔當日無叫個仔試用右手寫字。我仔左手寫字，困難不是很大，但相比右手寫字要辛苦。
我太太是 ...

我仔都是左手...我地一向由得佢, 亦冇捉手教佢寫字, 但依家都有點後悔冇試下叫佢用右手寫字!
其實唔會迫, 不過都應該叫佢嘗試下用右手寫, 因為左手筆順唔啱, 佢寫得都辛苦D...亦同意字距同裝字真係有點問題...不過佢已經K3, 依家叫佢試右手已經唔得, 話冇力唔識寫喎!
佢又係好憎寫字, 希望佢大D會好D啦!!

Yanamami

喵媽 發表於 12-10-11 14:49
我仔都是左手...我地一向由得佢, 亦冇捉手教佢寫字, 但依家都有點後悔冇試下叫佢用右手寫字!
其實唔會迫,  ...

你估試下同佢玩遊戲得唔得呢? 話大家交換用手寫字(你用左手, 佢用右手)鬥快鬥靚. 成日同佢比賽, 練下右手小肌肉.