係咪好多小學都有老師唔比小朋友去廁所??

keith111

我既小朋友而家讀小一, 同我講有老師唔比佢去廁所, 我追問小朋友之下發現唔止唔比佢去, 而係唔比所有同學去, 重要唔止一位老師係咁, 後來同其他以前幼稚園家長講, 而且唔止一個, 問題係冇人講開, 佢地以為係自己小朋友係學校犯錯或者係個別事件, 佢地有D係第二間小學都有同樣問題, 導致小朋友係學校賴屎賴尿, 同埋習慣左忍尿等, 我小朋友而家訓覺急尿就喊, 以前就自己識去廁所, 而家係覺係佢急到忍唔到就喊, 可想而知小朋友係學校忍尿既情況有幾大問題, 我想問各位家長, 可唔可以問問自己小朋友有冇咁既問題, 我希望了解下係咪好多學校都係咁

k_lego

我地無呢個問題，學校仲叮囑我地要叫小朋友需要去洗手間一定要出聲，小朋友都有試過上堂去洗手間

longlokma

小學不是幼稚園，學校要求學生守秩序，小息時要上廁所，不要習慣上堂時才去；試想想如各同學上課時出出入入，教學如何進行呢？小學通常每隔3、4堂便有一節小休，應教小朋友記住先去廁所才吃小食或遊戲，甚至叫小朋友減少飲水或其他飲品份量，調節自己上厠所需要。我記得自己當年小學時一眾同學也可遵守學校秩序，只是小一、二曾有學生小息沒上廁所又不敢告訴老師而瀨在課室中，但犯了一次的同學以後也不會再犯。我孩子現在小學也嚴格遵循這個要求，只容許突然要嘔吐的學生上堂時走去廁所，而大部分孩子也遵守得到，沒有問題。家長愛惜孩子要適量適度，過份保護縱容對他們長大后絕冇好處的。

Hammerhead

原帖由 longlokma 於 12-11-18 發表
小學不是幼稚園，學校要求學生守秩序，小息時要上廁所，不要習慣上堂時才去；試想想如各同學上課時出出入入 ...

說得好

shankybb

回復 longlokma 的帖子

說得很棒

smallfoothk

學校要求學生守秩序是對的,記得小一家長曾,老師講開頭幾日,老師上課時,每次寫完黑板,轉身便少幾個學生,最後得半班,其它去上廁所,老師曾明白學生有適應期,約一星期學生很快便能守秩序了.

tws2010

回復 longlokma 的帖子

Same to my kid's school unless your kid has to run errands for teacher or in rehearsal on something during lunch, then teacher will let him go.  Otherwise, in order to keep the class discipline, no one can go except for cases students not feeling well.  

anna59

我問過做老師既朋友，佢話唔比上堂去厠所既原因系驚佢地向走廊玩發生意外，同埋影響課堂秩序，但小一頭一個學期通常都比因為仲適應期

keith111

longlokma 發表於 12-11-18 07:33
小學不是幼稚園，學校要求學生守秩序，小息時要上廁所，不要習慣上堂時才去；試想想如各同學上課時出出入入 ...

我明白老師係想小朋友盡量小息去廁所, 但如果上堂時舉得手想去就緊係急架啦, 我小朋友係想大便而舉手話要去廁所, 而老師唔比去導致佢賴左, 重要一路唔敢出聲, 而家係連訓覺想去廁所都唔敢去, 我唔知你係咩心態, 一個小一既小朋友, 比學校, 老師攪到連去廁所都唔敢, 而你作為家長既都認為一個6歲小朋友應該習慣忍屎忍尿, 我明白要守秩序係應該, 但唔係連急屎急尿去廁所都唔好去, 你只會用大人既角度去諗, 唔會掉返轉為一個小朋友諗, 大人既心理成熟, 知道咩時候應該做咩事, 而且忍屎忍尿可能亦唔大問題, 但對一個咁細既小朋友, 你知唔知道做成心理幾大影響? 而家小朋友連訓覺想去廁所都只係用手按住下面然後喊, 以前佢重識一急就起身去廁所, 或者你覺得冇問題, 係因為你根本唔識咩叫做掉返轉為對方諗, 一個小息係講緊相隔個幾鐘, 我咁既諗法你認為係過份保護縱容? 我自己都做過學生, 我都唔會話隨便一日上堂去幾次廁所, 又或者成日都係咁, 我亦問清楚自己既小朋友果一日去左幾多次廁所, 係咪成日都上堂去, 佢話我知唔係, 你試諗下一個小朋友急到賴屎都去唔到廁所, 又怕比其他同學笑唔敢講, 等到乾晒放學先敢話比家長聽, 對佢心理有冇影響? 難怪現今咁多中小學生會跳樓, 佢地連去個廁所都感到有咁大壓力, 而家長都唔會覺得有問題同覺得應份, 小朋友既心理唔同大人既心理, 我相信作為家長都同意學生係學校要守秩序, 但唔係講緊上堂連急都唔去得廁所, 急都唔比去廁所哩D都叫做守秩序? 如果佢係返緊紀律部隊, 我唔會覺得有問題, 如果只係小學, 我覺得過份左, 如果小朋友日日上堂都話要去, 我覺得有問題, 但如果只係間中急既時候都唔比去, 咁都冇問題? 咁都叫做過份保護縱容?

keith111

我想補充講, 我明白學校或老師都想小朋友盡量小息去廁所,但小朋友係係好急既情況下而係上堂時舉手問去廁所而老師唔比, 最後導致賴左, 各位都認為老師做得好啱嗎?

longlokma

我明白你的感受，但首先家長需要冷靜。第一，若家長開帖只是想得到附和支持，不要逆耳之言的，請於開帖時明言，以免家長看到期望以外的回復而感到不舒服；第二 ，家長開此帖時特指小孩上堂急小便而非現在的急大便，情況不同。除了生病或肚瀉的時候，正常大便可以是生活習慣，有些人，包括小孩會習慣特定時間進行，例如早上或沖涼前，每人有自己生理時鐘，過了嬰兒時期便可以嘗試調較。
身體不舒服而需要上堂去厠所，不論初小高小，相信一般老師必定會接受及容許，但若其他情況則是否真的理所當然呢？
家長請保持冷靜理性，在心痛孩子的同時，也應相信孩子有能力適應環境，而不是由環境去遷就孩子。

keith111

longlokma 發表於 12-11-19 08:07
我明白你的感受，但首先家長需要冷靜。第一，若家長開帖只是想得到附和支持，不要逆耳之言的，請於開帖時明 ...

第一, 我開帖係問係咪好多學校都有老師唔比小朋友去廁所, 而唔係要支持同附和, 因為我本身已經認為如果小朋友急想去廁所, 無論係大便小便都好, 老師唔比小朋友去廁所係不能接受, 因為一個6歲小朋友如果唔係真係急, 我相信佢地唔會亂話要去廁所, 如果9至10歲, 可能佢地忍耐能力會好D, 去廁所哩樣野係每個人既權利, 老師或學校唔可能因為怕影響自己教學而唔比小朋友去, 當然都會盡量教導小朋友最好小息去.

第二, 我想問下, 如果去廁所真係可以調教到好定時既? 我想你問問醫生有冇可能完全做得到? 冇可能100%既話, 即係有例外既時間啦? 咁哩個例外係咪都唔比去呢? 我所講緊既係因為老師唔比去而令小朋友賴, 唔通哩D就叫做守秩序?


第三, 適應環境, 冇錯, 大多數時候或事情都應該係要適應環境，而不是由環境去遷就孩子, 但去廁所哩樣生理問題唔適合, 急都唔搵廁所去? 咁係課室賴就叫適應環境?


第四, 咩叫做人權? 連去廁所既權利都要唔比? 我唔係講緊小朋友做錯事比老師罸, 做錯事比老師罸係理所當然, 我唔會過度保護, 如果連去廁所唔比, 家長感到憤怒都叫過度保護既話, 不如你問下醫生長期忍大小便對身體有咩影響先


第五, 而家係講緊對一個小一學生, 初入小學兩個月, 老師唔比佢地去廁所係會令小朋友感到一定情度既害怕, 佢地係未適應小學既環境, 咁快就唔比佢地去廁所, 心理上面對佢地有一定影響, 我既小朋友亦因些而影響到係屋企訓覺想去廁所都有壓力


以上所講唔係想要人附和, 只係我自己既睇法, 我係一個成年人, 如果我自己定一個規矩每日去廁所一定要隔一個半鐘或兩個鐘, 中間就算好急想去大小便我都要忍, 我敢講一年之中我會賴幾次, 哩D係叫做感同身受

pandean

keith111 發表於 12-11-19 08:38
第一, 我開帖係問係咪好多學校都有老師唔比小朋友去廁所, 而唔係要支持同附和, 因為我本身已經認為如果小朋 ...

贊同!!!我囝好惊咁問過我這個問題，我答佢，去廁所是一定要去的，老師無得唔准，如果係唔准你去的你叫老師打電話同媽咪講，一定要去!但你要記住小息自己一定要去廁所。我覺得好多家長真係唔知點講佢地好，居然覺得可以唔准一個舉手的小朋友去廁所，無論小朋友點錯，你可以等佢去咗後批評佢。你教佢唔等于可以體罰同傷害佢，要佢無咗個人的尊嚴!!!

pandean

longlokma 發表於 12-11-19 08:07
我明白你的感受，但首先家長需要冷靜。第一，若家長開帖只是想得到附和支持，不要逆耳之言的，請於開帖時明 ...

我覺得係你唔冷靜多啲啰，你一開頭已對家長落咗過份保護、要得附和幾個標簽了。

jojoplanet

longlokma 發表於 12-11-18 07:33
小學不是幼稚園，學校要求學生守秩序，小息時要上廁所，不要習慣上堂時才去；試想想如各同學上課時出出入入 ...

我個仔升小學我成日都提佢小息必定要做既事就係去廁所..

minamina

我仔學校都係唔俾上課時去厠所,因為真係有小朋友百厭係去厠所玩。而且開學時,我做家長義工時幫手看管食飯,食飯前去洗手間都有小朋友趁機玩。開學二個月,發現阿仔經常唔飲水怕上課時急,向老師反映佢聽話唔敢話急後,老師告訴他會看小朋友是否真的需要而決定,而且他是乖的,會放心給他去。慢慢地,阿仔肯飲水了。

你向老師反映下先啦

Jane1983

樓主心痛小朋友係能夠理解 -賴咗吾敢出聲，捱到返屋企。

咁你諗住點做？

keith111

Jane1983 發表於 12-11-19 11:52
樓主心痛小朋友係能夠理解 -賴咗吾敢出聲，捱到返屋企。

咁你諗住點做？ ...

我會先向家長會反映, 希望正視哩個問題, 亦會向校長反映, 之後再跟進有冇改, 冇既我會去信教育署, 我唔係想話唔教小朋友盡量小息去, 但問題係如果小朋友上課時真係急而舉手都唔比去係好大問題, 我明白有D小朋友可能係因為想玩, 成日去廁所, 但就算係咁, 老師都唔可能唔比去, 因為老師唔可能知道小朋友係咪身體真係有問題而成日去廁所, 老師可以做既係事後向家長了解小朋友咩事成日去廁所先, 而係事先就唔比小朋友去, 老實講, 佢可以罸小朋友, 但唔可以唔比去廁所, 憑乜唔比佢地去廁所? 我而家亦同左小朋友講, 我都有同佢講盡量小息時候去, 如果真係急老師又唔比你去, 你同老師講, 你唔去真係會賴, 最終如果佢咁做老師都唔比去, 我一定去信教育署比佢地跟進, 最後我真係想講一句, 認為小朋友應該咁樣忍既家長, 唔該自己每日都試下定個規矩每八個鐘裏面, 只有三段時間, 每段十五分鐘去廁所, 唔係哩段時間就咪去, 自己試試先好, 自己都唔得既話唔好講叫小朋友咁做!!

keith111

Jane1983 發表於 12-11-19 11:52
樓主心痛小朋友係能夠理解 -賴咗吾敢出聲，捱到返屋企。

咁你諗住點做？ ...

其實心痛係一件事, 如果我小朋友係犯錯而比老師罸 (當然唔係罸唔比去廁所. 不能接受). 我幾心痛都唔覺得有問題, 唔會覺得老師做錯, 但唔比去廁所係另一回事, 我認為係道理同道德既問題

JustAParent

凡事推到極端便沒什麼好說。你要說，孩子打人、罵人、說謊也一定可以找到自圓的理由。我同情你孩子的心理受損，更覺得你孩子要協助，但是，你小朋友的情況，一定沒有普遍性，更不能如你推論到「怪不得這麼多學生跳樓」。我不認為禁止小一生上課如厠大原則有什麼問題，反而，如果學校這種規定也被投訴，請另找關愛學校好了。