係咪好多小學都有老師唔比小朋友去廁所??

candytsy

Prairie 發表於 12-11-20 09:22
教師人人處理手法總會有些少出入，在這種情況下，每位老師也有可能放人或不放人，之後亦可能耐心解釋或謾罵 ...

贊同你的講法,首先要了解實際情況,可以致電回校與老師相討你孩子現時情況,看可否改善或不盡之處,老師都成日叫我地要多家校合作.我囡小一時都差啲試過,佢話小一好多同學都試過咁,之后老師知道都會同小朋友去校服處更換校服的,但漸漸這情況少了,相信係過度期,小朋友會慢慢适應的.

Yanamami

而家都已11月中, 好多係學校既規矩/ 流程都應已經適應. P1生上課時間要上toilet, 9月時情有可原, 10月間中還可接受. 11月了....應知道小息不上toilet, 上課時老師是不容許隨便去的. 還未學曉嗎?

keith111

Prairie 發表於 12-11-20 09:22
教師人人處理手法總會有些少出入，在這種情況下，每位老師也有可能放人或不放人，之後亦可能耐心解釋或謾罵 ...

從理論上我好明白亦讚同你既講法，但亦希望你明白實際情況並唔係你所諗得咁簡單， 真係咁簡單點解咁多小一學生會賴屎尿？ 好多係由3-4 歲開始已經好少會賴屎尿，點解返左小一開始返而會掉返轉頭？ d 老師並唔係你諗得咁簡單， 如果只係單單我小朋友小一賴屎尿，我冇野好講， 但實際情況呢？ 理論同實際係兩回事， 一間學校只要有一兩位老師利用小朋友一定要聽老師說話就會導致好多哩d 問題， 我想講既係如果老師唔比小朋友上堂去廁所係正確既，實際上唔應該會有咁多少朋友賴屎尿，但事實呢？ 我只係問過好幾個家長，得出黎既結論係乜野？ 唔係自己仔女發生都話聽過小朋友講邊個邊個同學又賴， 係"又", 我讚同你既理論，但了解事實會知道唔係咁既一回事， 我重有既係亦向老師投訴過， 佢地都係好強硬咁講， 小朋友應該小息去唔係上堂去， 咁真係急呢？ 由老師判斷係咪應該比佢去， 最終結果呢？ 老師可以準確判斷？ 我敢講就算醫生都不能即時判斷小朋友係咪真係好急， 老師判斷正確就唔會有小朋友賴， 事實呢？ 老師以致學校為乜唔比小朋友上堂去廁所？我自己都經歷過小一， 問返好多同事朋友， 以前既老師只會限定每次比兩個或三個一齊去， 多就要等佢地返左黎先再去，從來冇唔比學生去， 同老師商量，投訴可能會得到個別比你小朋友去， 但其他小朋友呢？ 我亦問過兩個同校二年級既家長， 佢地話小一時同樣發生哩d 情況， 亦有投訴， 到今年同樣發生，你係咪應該睇睇事實呢？

keith111

candytsy 發表於 12-11-20 15:57
贊同你的講法,首先要了解實際情況,可以致電回校與老師相討你孩子現時情況,看可否改善或不盡之處,老師都成日 ...

實際情況已了解，係咪一定要小朋友賴返三幾個月屎尿，學會忍， 就係規矩？ 老師同學校為乜唔比佢地去， 真係為佢地好？ 定係為方便自己未來教學， 教識佢地長期忍屎尿第時就唔駛煩？ 責任何在？ 我係成年人， 返工都冇公司敢叫員工規定時間去廁所， 曾經有一間大公司就做過咁既事， 結果係點？ 傳開左即時比公眾鬧到要快快改返，大人都唔做得既事要小朋友做？

keith111

Yanamami 發表於 12-11-20 17:08
而家都已11月中, 好多係學校既規矩/ 流程都應已經適應. P1生上課時間要上toilet, 9月時情有可原, 10月間中 ...

還未學曉？ 大條道理要學生忍屎忍尿，哩d 就係規矩？ 規矩就一定正確嗎？ 咩叫人權，讀左咁多年書，還未學曉嗎？

babyhazel106

樓主似乎不認同大多數教師做法，祝小朋友好運

keith111

babyhazel106 發表於 12-11-20 18:27
樓主似乎不認同大多數教師做法，祝小朋友好運

多謝， 我小朋友會身體健康既

keith111

babyhazel106 發表於 12-11-20 18:27
樓主似乎不認同大多數教師做法，祝小朋友好運

補充， 我只係唔認同某d 老師唔比上堂去廁所既做法， 至少我認同唔會咁做既老師

keith111

Prairie 發表於 12-11-20 09:22
教師人人處理手法總會有些少出入，在這種情況下，每位老師也有可能放人或不放人，之後亦可能耐心解釋或謾罵 ...

於你所講叫老師打比爸爸媽媽做法係威脅，第一: 我想講， 我係先教小朋友舉手問老師， 老師唔比先叫佢打比爸爸， 如果老師係肯定佢做法冇錯，佢唔會怕打比我同我講
第二：小朋友好多時係真係急，但比老師拒絕，怕左老師就唔敢去導致賴， 老師可以尊制， 爸爸叫老師打比我，咁叫做威脅， 老師既尊制就可以， 保障自己仔女去廁所既權利就叫做威脅？
第三：老師真係可以有咁既權利可以放人或不放人？ 小朋友因為咁而賴左，我事後同佢解釋"你急，上堂想去廁所係你唔啱， 做咩要上堂去唔係小息去？ 小息唔急上堂急？" 就算小息去完， 係咪上堂就唔急得？ 係咪急就唔好去， 賴左佢先？ 我夠知入戲院睇戲前最好去定廁所先啦， 咁係咪睇睇下急就唔該唔好去， 忍到完場先去又或者賴左佢？

Jane1983

樓主要諗清楚你想點做，
1）同學校講小朋友情況，希望老師關注個別小朋友的需要；定係
2）推翻學校現有「上課不准去洗手間」的規矩，因為吾人道，無尊嚴。

前者，絕對贊成。後者，係一場極難贏的仗，小朋友捲在其中，無也好處。
就算轉校，都吾一定解決到問題，因為通常都係規矩嚴，但執行有寬有緊，個個老師都有d吾同。

pandean

回復這個讓我感覺那麽難受的帖子真的有點考驗我的心理，吃了兩塊據說能讓人感覺快樂的巧克力，希望自己能冷靜而清晰地說出我想說的話。

我不知道是不是每個人都遇到過想上廁所而沒辦法上的情況，應該多少試過吧，但不知道有忍得多痛苦的經歷。我中學的時候患有腸易激綜合癥，肚子痛幾乎是隔天就發生的事情。雖然我那時已經十多歲了，但是想去洗手間要忍到下課缺真不容易，簡直是說不出的痛苦。記得有次距離下課就五分鐘不到了，我想忍的，但人已經難受到手腳都不受控制開始發抖了......就在最後的幾分鐘我打斷老師講課，舉手去了洗手間。在去洗手間的路上，我感覺走路過去都異常困難......不過就算這樣我也沒過忍到賴在褲子裏。

一個六歲的小朋友早就能控制大小便了，年齡小不代表他們沒自尊。老師禁止去洗手間後他絕對不會想賴在褲裏，他一定也會好像我當年那樣有個很痛苦的忍耐過程，雖然他忍耐力不如大人那麽強。我不忍心想象一個孩子經歷類似這樣的痛苦。最後他還是賴了，這會讓他在痛苦中更添加一份羞恥的感覺。

我一直問自己，有沒有什麽樣的錯誤或者對小學課堂的不良影響會值得讓人--一個六歲的孩子承受這樣的一份痛苦和羞恥。我自己的答案是沒有。我覺得在文明社會裏不應該有，人不把大便拉在褲襠裏是人的基本的尊嚴和權利，即使是囚室裏面的囚犯也應該保留這樣的尊嚴和權利。

我記憶中，自己讀小學的時候上課去廁所被老師批評幾句的有，卻沒有不準去而賴在課室。我問我老公，他也沒有遇到這樣賴的，可童年上課舉手要去洗手間，我們都試過。今天，我們夫妻都完成高等教育走入社會，我們都會遵守著社會的各種秩序。準許與不準許之間的影響到底有多大？

keith111

Jane1983 發表於 12-11-20 20:31
樓主要諗清楚你想點做，
1）同學校講小朋友情況，希望老師關注個別小朋友的需要；定係
2）推翻學校現有「上 ...

1)  已實行，2)  我明白試圖推翻自己小朋友所學校既哩條規矩係極難，亦到自己小朋友有極大影響，好有可能長時間被個別老師或學校針對，我所想既係 3), 但不適合係哩度公開講

其實我好希望讚同學校老師唔比小朋友上堂去廁所既家長自己試下每日跟小朋友一樣，跟佢地時間表，只係小息，食飯時間去廁所，其餘時間一定唔可以，試做返一年或幾個月先再諗諗自己所讚同既有冇錯

keith111

Jane1983 發表於 12-11-20 20:31
樓主要諗清楚你想點做，
1）同學校講小朋友情況，希望老師關注個別小朋友的需要；定係
2）推翻學校現有「上 ...

其實明知係一場極難打既仗，而又關係到小朋友係學校幾年既環境，作為家長既我，為左小朋友，就算幾難打既仗都要去打，只係希望中間要好小心，唔好比機會令小朋友被針對， 但事實上作為家長明知小朋友受緊不合人道既規矩對待，可以置之不理嗎？ 身為家長自己小朋友連去廁所既小小權利都不能保護既， 憑咩做人家長？ 生個小朋友出黎係要有責任，6 歲叫佢自行面對哩d 事，可以嗎？ 就算好多家長或老師不讚同我既做法都唔等於我係錯，佢地可以繼續比佢地既小朋友受，我唔可以，我只知道我身為人父唔企出黎為自己仔女保障佢地應有既權利， 我冇資格做佢地既爸爸

pandean

關於對和錯

我不知道各位家長有多少曾經反省過自己對孩子的行為和孩子說過對不起的？沒有的話又有多少個你是真的沒錯過的？

我覺得自己不算很喜歡孩子，所以我對待孩子常會出現不耐煩的情況。老公看到會說我，我第一感覺當然不開心，做媽媽多累啊！我每次錯出發點都是為了孩子好的，不是嗎？但我想清楚後也還是會為自己的錯而感到不好意思，大部分過後我會道歉（有時候還是會拉不下面子）。可我老公讓媽媽對孩子道歉是要讓孩子不尊重我嗎？我不這樣認為。大人對孩子做錯的時候應該有人提醒，然後反思道歉麽。

同樣作為今次事件中的老師，他處理事情的手法真的沒問題？一個六歲的人懂多少事理，他在沒犯什麽錯誤的情況下，卻和一個飽讀詩書的成年人相處中受到傷害，難道精通人情道理的大人不該好好反思自己的行為和所謂的規矩？我很奇怪對錯在孩子的世界如此分明，在大人世界卻能如此模糊？

我們天天教孩子做錯了要認錯改正，可孩子受到不合理的對待時他們卻配不上得到一個道歉，甚至是某些家長的理解和同情。冷言冷語，什麽二千代不思進取，這樣都受不了找關愛學校去吧......我感到冷意之余只能慶幸知道旁觀者這種評論的是家長而不是孩子。

longlokma

樓主爸爸你孩子有這麼疼愛自己的父親真幸福，我也疼愛我的孩子，我想，正常父母也愛自己的孩子吧。我反復想過好不好再回這個帖，因似乎有點火藥味；然而，我真是不想變成爭拗，既然大家也是為孩子着想，可以嘗試不用動氣，平靜的作出討論。坦白說，我自己也經歷過極度需要上厠所而不能的情況，例如在長途車上及重要會議進行中，所以我知道孩子將來也必定有機會經歷，我想大部分人也曾有類似經驗吧，所以大家都會清楚明白便急的感受，並不是因不理解而支持老師定立有關規矩的。
當然，如是有特別身體需要，例如有家長提及的腸易激徵狀，當然有理由通知校方作出適當安排，但之前大家討論的只是一般正常狀況，而非針對有特別需要之孩子。部分家長是從實際情況考慮，相信孩子如小息已上厠所，則上堂時急需要去的機會不大 ，故此接受老師的規矩；而樓主爸爸是從原則上考慮，認為老師的規矩是原則上侵犯了孩子人權，故堅持捍衛；大家角度根本不同，其實沒有需要再爭辯下去。
最後，希望樓主爸爸你能和學校溝通成功，令孩子可以天天開心上學去

CALVEN

我仔學校話適應期可以去,

不過我仔返黎講過其中有位老師唔比另一位同學去,仲叫佢"你賴la"

我仔學校由8:25至3:30只有小息一次,午餐一次,即2次去廁所,大人個個都未必得?

我仔有舉手去,暫時未試過唔比,可能我一開學已知會學校我仔有特殊需要.

pandean

Prairie 發表於 12-11-20 09:22
教師人人處理手法總會有些少出入，在這種情況下，每位老師也有可能放人或不放人，之後亦可能耐心解釋或謾罵 ...

關於威脅

可能那段我有沒講好的地方，但我也肯定不認同你的看法與方法。

先說我和兒子發生對話的情況吧。那段時間我兒子肚子不舒服，所以才發生那樣的對話。路上我兒子很擔憂地問了我他上課急大便怎麽辦，我當然說你要上廁所舉手和老師說。他卻低下頭說，老師不準我去呢？我講你告訴他你肚子不舒服要大便，老師不會不準的。看到他害怕的樣子，我提醒他如果上課真急大小便要舉手和老師說，不要忍。仔仔還是很怕地說，老師不準呢，上課不準去廁所的。我真沒想到一個小一生在拉肚子上學都會有那麽大的壓力，我也沒想過有老師不準舉手的孩子上廁所，我一直以為那是孩子多余的擔心 ！所以我講，你要上廁所和老師舉手，老師無得不準的，如果她不準你讓老師打電話給我。我亦提醒他小息無論急不急都要記得上廁所。

我講的時候只是安慰他的情緒，讓他不要擔心，沒想過有打電話這種情況的出現。不過試想，他如果能清晰講明情況和道理，老師居然不準去的話，＂讓老師給媽媽打電話＂這種與其說是威脅，還不如說是媽媽對一個弱小孩子爭取權利的精神支持和後盾。我知道，即使有了我這樣的話，孩子還是會害怕，還是會不敢說，忍忍忍的。六歲的人其實非常弱小。

六歲的孩子，家長不在身邊，上學對著成年的老師，他能有多伶牙俐齒和已經說了＂不準＂的老師辯論？他有多大的膽量敢在老師反對下沖出教室上洗手間？他能有多大的力量與大人抗衡啊，如果真有這樣的勇氣我相信不會有那麽多賴屎尿的小朋友了。

其實解決這個問題，我感覺是老師，老師能和孩子講道理的，能在特殊情況下批準的，根本沒那麽多極端手法。不是嗎？

pandean

還有一位媽媽提過小一小二會發生這種賴的情況，大了就不會了。我想說，那是因為大了他們就能更好控制自己的身體緣故，即使沒有用不準他們去而賴了這個方法來阻嚇他們，他們也自然會適應的。就好像我們小時候一樣。何必要讓他們賴呢！

keith111

回復 longlokma 的帖子

其實由一開始出哩個post 我既目的係尋求證實現今係咪好多學校同老師做緊咁唔人道既事，因為我只係問過幾位家長，有d 係唔同學校，都已經係全部都係咁，我出個post 得到既回覆係一d 冷言冷語，咩關愛學校，咩過度保護， 咩唔教小朋友守規矩等等， 見到哩d 回覆， 好老實講令我既回覆當中亦帶有火藥味， 我係認既， 亦先對各位講聲唔好意思， 我最後亦重申我既立場， 無論任何人都冇權力去剝奪別人去廁所既權利，哩樣係我既觀點，我亦唔係要人附和或認同，不過而家我開始希望對"老師係咪有權力可以唔比學生去廁所？" 哩樣野引起一個公眾性既討論，希望哩樣野能得到關注，唔係單單為自己小朋友， 而係希望得到結論, 小朋友有冇權利係上堂時間去廁所

keith111

pandean 發表於 12-11-20 23:22
還有一位媽媽提過小一小二會發生這種賴的情況，大了就不會了。我想說，那是因為大了他們就能更好控制自己的 ...

正好講出我心裡話， 係咪真係要小朋友經過一年或幾個月既賴屎賴尿佢地先會學懂必要時忍， 但一個學生每年要上幾多堂？ 上堂係咪必要忍？ 長期既忍對佢地身體有冇影響？ 哩d 係咪值得家長同老師反思？ 在我心目中只係好簡單好清晰既事，就係急就要快揾廁所去而唔係忍或賴，咁簡單既權利都要由家長出聲先可以得到？