很想放棄

princess_mama

很多父母會希望家有資優兒，當中的辛酸，只有資優兒父母才明白。資優。知憂。其實我很想放棄，但如果父母都放棄，他們的路再如何走下去。

我家的三年級資優兒IQ145，很乖巧，無咩脾氣，不要以為她一定名列前茅，他每次測驗默書等，總必錯一大堆失暈野，平均只有70分左右；每天手冊必見紅，經常欠交功課（帶左都話係書包搵唔到）；手冊經常欠寫；學完琴連個袋都冇埋；書檯長期亂哂大龍；學校老師已經聯絡過我，要求改善，學校以為我係唔理既家長  今曰係學校做功課，連功課都唔見埋

我真係對佢無哂方法，好想放棄，咩法寶都出哂但愈來愈差

家中另有一個聰明仔，我們都唔敢帶佢去做資優測驗，不個已經令我吃不消，再多一個，唔知點算，有時我會諗，係咪我唔識教而浪費左佢地

moonychan

hihi~ 遇到同路人了

我仔仔 IQ143, 同樣成績未能反影佢既天資, 佢係好衝動的, 動作很大的, 說話很大聲的, 所以, 給人第一印象 = 頑皮.

其實好多人唔會明白, 甚至老師. 老師只會乜都掉給家長, 嚇家長, 打電話來話你仔仔又點點點, 其實我都FEEL 到仔仔有好多時係受了委屈.

e.g. 同同學仔玩, 同學仔出矛招, 我仔仔睇唔過眼, 知道唔可以郁手郁腳, 但仔仔以會走精面, 用摸人方式, 以為細力就係冇打人, 但動作似, 所以又比同學投訴. 只係WARN 我仔, 同學出矛招反而冇事.

呢D 例子好多時發生!!

我仔坐唔端正, 其實影響唔到人, 老師開頭好認真, 會投訴, 後來我話佢知仔仔感統唔好, 係咁嫁, 而家好d, 話佢冇影響人就算.

成績方面, 不過不失, 對數敏感些.

但我仔諗野比同齡既人成熟, 佢諗好多細路唔會諗既野. 佢睇新聞, 睇下釣魚台, 就好憎日本人, 畫畫係切晒日本人的頭. 另外, 同佢講英國以前統治hk, 佢又話英國衰, 見到鬼老就憎, 人地同佢講英文, 佢同人講國語.

唉.

我都覺得好倦呀.

Stillgood2

princess_mama 發表於 12-11-29 00:51
很多父母會希望家有資優兒，當中的辛酸，只有資優兒父母才明白。資優。知憂。其實我很想放棄，但如果父母都 ...

@princess-mama
我想妳應該是放輕鬆, 不應該放棄. 成績不代表一切.

我的細囝, 也沒有做評估. 個性, 聽話和有智慧.待人有技巧, 讀書不是太積極. 數學天份很高, 但不喜歡計較分數.
我相信他是資優, 但資優又如何? 不如, 過得開心, 沒壓力. 相信, 放輕鬆, 隨著正常學習, 總有好的發揮.

數學天份, 這一兩年間, 參加奧數比賽, 校內考試, 成績都很好.
但是, 只有上課, 做功課和小學校內資優數班. 考試不溫習, 不做多餘exercise, 根本, 平時唔見佢做數.
話說有些資優數兒童, 會加強訓練.
反而, 個人會放輕鬆, 任由小朋友可想想無聊的事. 鍛鍊智慧.

----------------------------------------------------------------------------------
另外, 我細仔又係唔寫手冊, 忘記做功課, 做咗功課唔記得交.
剛升中一, 一個月班主任打電話投訴, 又要留堂做功課.
不過, 唔緊要, 因為, 佢讀,到書, 只係唔緊張.
佢唔緊張, 你緊張都無用.

wings230

放棄。。！！請看看我的分享。。就在你的旁邊。。。這是為你們而寫的。。。

petercck

回復 princess_mama 的帖子

學棋可訓練專注能力，增強記憶力。
你女女如果學了棋應有改善。
如有興趣學習象棋，可pm我，我免費教他。

babyislove

princess_mama 發表於 12-11-29 00:51
很多父母會希望家有資優兒，當中的辛酸，只有資優兒父母才明白。資優。知憂。其實我很想放棄，但如果父母都 ...

考慮幫佢佈置過屋企，佢o既o野小心分類，一目了然。

佢習慣o左之後，就唔會再咁"lau"攪。

轉變唔會一日出現，但最終一定會出現。唔好放棄! 加油

701003

唔好諗放棄，亦唔可以放棄時間會令你習以為常高小之後會有小小改善，等待係最好方法！等小朋友長大，懂得運用天賦，父母需要極大忍耐，極高EQ守得雲開見月明，努力呀!我守咗10年—小一至中四，終於見到月光

小寶貝兒

樓主, 我覺得我細個有D似你小朋友, 我爸話我細個TEST過有IQ 138~

我都經常欠交家課(多數係做左唔記得帶, OR 抄手冊時抄漏), 記得小學5年級果年, 我好快地就因為欠交家課被記7個黑點, 一份功課一個黑點, 幾日就夠7個啦! 仲要果陣至知夠7個黑點就要記一個缺點, 返屋企比媽子打到籐條都斷埋! 果陣幾想死左佢算數!
其實果陣我真係唔係故意, 只係大頭蝦, 同一時間個腦諗野跳得好快, 所以會岩岩諗緊要執咩書, 下一秒已經由書跳到去小說, 再跳到去其他地方, 所以就會成日唔記得帶功課返學校, 你或者可以試下叫小朋友每晚坐定定, 用紙筆記低第2日要帶咩書, 咩功課, 然後再照單執藥! 因為我發覺我自己係唔可以憑記憶記住要帶D咩, 唔係我冇記性, 係我思維跳得太快!

至於測驗默書失暈, 我唔知你小朋友係點, 我自己數學最叻最有興趣, 但亦因為咁, 所以分數並唔高, 最大原因係我唔會寫STEP, 好多題目我睇下再心算下已知答案, 所以好自然地直接就寫左答案就算! 結果因此冇左好多解題分啊!
默書呢, 我諗應該係背誦有困難, 因為我自己就係成日背唔到D詩呀, 詞呀果D, 最後我諗到個方法, 就係將文言文/詩詞, 化成一個故事, 串連起佢, 就易記好多了~

希望以上能夠幫到你啦~

princess_mama

thx everyone, I will add oil

cadamom

原帖由 babyislove 於 13-01-09 發表
考慮幫佢佈置過屋企，佢o既o野小心分類，一目了然。

佢習慣o左之後，就唔會再咁"lau"攪。

等我都試下，我女女都一樣大頭蝦一名！

cadamom

原帖由 小寶貝兒 於 13-01-14 發表
樓主, 我覺得我細個有D似你小朋友, 我爸話我細個TEST過有IQ 138~

我都經常欠交家課(多數係做左唔記得帶, O ...

一

似我個女！！

mesmerising

不要放棄！我也是用耐心守到今年六年級兒子才一下子開竅的。行為和成績愈來愈反映出來。你要對自己說：「大多數年，一定會更好的！」

C9C9

For the topic "經常欠交家課,多數係做左唔記得帶, OR 抄手冊時抄漏...."

I have open another topic below, let's discuss to find any improvement for our kinds

欠交

princess_mama

很多謝各位支持，剛在上個月取成績表，老師評她進步不少，希望她再努力改善問題。

真的很感謝各媽咪這段時間對我精神上的支持，很感激