根德園同培正你們會選邊間呢？

Heima10

原帖由 jasonicole 於 13-02-09 發表
我最後決定選根德園再出面報英文班，因為我相信根德園教紀律同中文數學係最好，如果我入左培正升上培小都可 ...

我晤係好明，KV 同PC 都要出外補英文，點解唔留喺安全網上再搏呢？我自己都不安於培小，想小一再考英小／名小，我諗家長出力先至係最重要，毋須咁冒險。

Salad316

我本身都係要係呢兩間作決定。應該都會揀培正。好多媽咪都會覺得kv學術較好，呢樣我都相信。但以我所知kv媽媽有好多都同仔女狂補，我識嘅幾個都係補足7日，佢地話其他媽咪亦係一樣，呢個似乎係佢哋嘅風氣。咁究竟學術好主要係咪學校嘅功勞，我多少有d懷疑。另外，我亦有聽過無可否認kv生考小學係有d著數，咁究竟有幾多？有無8，9成可考到俾培正更好嘅學校呢？我就聽唔少人話雖則頗多kv生可考到心儀嘅，亦有好多連一間好都無，始終kv每年有600畢業生，市場係咪有咁多好學校可以纳到全部/大部份呢？ 好簡單，worst comes worst, 只要想像下如果放棄培正，又要重新戰鬥一場，到頭嚟如果連一間好嘅都無，問自己會唔會好後悔呢？比著我就後悔到死嘞！明白培正係中文學校，呢個亦係嘅concern，但我就覺得讀咗培正都可試考英小，可能較難，但亦唔係無機會，同埋至少進可攻，退可守！係咪值得咁博，大家真係要諗清楚！

immama

比我會揀培正！始終100%上小學！考學校除了靠本身實力，也靠機會緣份的！已有很好的offer 在手我就不多想了！